هذه قصيدة الشاعر / حمد بن ناصر أبوظهير قالها في الشيخ / حمود الجهيمي وذلك تقديراً لمواقفه المشرفه مع شاعرنا . والقصيدة نقلاً من أحد أقارب الشاعر

[poem=font="Traditional Arabic,6,black,bold,normal" bkcolor="transparent" bkimage="backgrounds/7.gif" border="inset,medium,gray" type=2 line=0 align=center use=ex num="0,black"]
يقول من قوله قوىٍ ومثبوت =قولٍ قويٍ قايله مايخونه

يختار بيتٍ واحد ويفهق بيوت =ويدققه وينقي أغلا فنونه

جلاب ولا أريـــــد ســــــــــوق الغلا يفـــــــــوت =والطيّبه فيها الثمن يدفعونه

وامدح بها إللي فالقسا يرخص القوت =وجه السعد مكرم ضيوفٍ يجونه

أسمه على روس المراقيب منحوت =حمود الجهيمي كلكم تعرفونه

من يوم خلق الله على الهجن وفروت =واسم الجهيمي بالكرم يذكرونه

من كبر بيته كن ماحوله بيوت =عمار يا قصرٍ وساعٍ ركونه

عساه يبطي حي ما قربه الموت =ذخرٍ لمن شاف العما في عيونه

ذكره تعلا فوق ظل البراشوت =وعلم الحيا بين العرب ينقلونه

وكرامته ما هي بكيكٍ وبسكوت =فقار مفرودٍ ثقال ٍ صحونه

وكرامته لو هو بلندن وبيروت =ضيفانها ما وقفوا يحترونه

ودرب المراجل دونه جبال وخبوت =عدٍ قصار الحبل ما يجذبونه

وكلٍ يموت وسمعة حمود ما تموت =ما دام نور الشمس يشعق بلونه

شيخٍ يفك رقاب لما اعتلا الصوت =لا ضــــــاع حكيٍ فالســعة يجمعونه

يا فزعة المحتاج لا صار مكبوت =لا شاف من سود الليالي مهونه

البشت ما يلبس على متونة الكوت =والراس راسٍ ما ترده متونه

يفداك من طيبه من الوجه مسلوت =وان شاف ضيفٍ سكَّر الباب دونه

وثوب البخل ما يستره خمسة بشوت =يبين شق الثوب لو يرقعونه

أخذ الكلام إللي ما يبنيه سربوت =نوادرٍ ما احتجت فيها معونه

ما هي سوالف شاهي ودق بيلوت =على رصيفٍ جعلكم ما تجونه

أمثال شعرٍ طعمها طعم نبوت =من ارجال عرفٍ بيتهم يصخرونه

وتم الكلام إللي بنيته على أوت =وباقي لنا بيت وابي تسمعونه

لا صار تالي العمر للطين والحوت =ياجب على الرجال ذكره يصونه [/poem]

أخوكم الشاعر / حمد بن ناصر أبو ظهير

لاهنت صح السانك يا كحيلان

بيض الله وجهك على النقل

وصح لسان ابو ظهير

وحمود الجهيمي يستاهل

تحياتي

__________________

بيض الله وجهك على النقل

وصح لسان ابو ظهير

وحمود الجهيمي يستاهل

لا هنتوا جميعاً على المرور المشرف بالنسبه لى ... تحياتى....

بيض الله وجهك على النقل

وصح لسان ابو ظهير

وحمود الجهيمي يستاهل

__________________

أجمل شي في ألانسان قلب صافي يدعو لك

صح لسان ابو ظهير ويستاهل الجهيمي كل خير ..

بيض الله وجهك يالعبيدي ..

ااااالله لايهينكم على مروركم الموقررررررر