روعةالغزل مع الراحل المبدع فيصل الرياحي -رحمه الله-

][][§¤°^°¤§][][

أخوكم : أمير الشوووق@@...
يقدم لكم هذه القصيدة الرائعة......
للراحل المبدع...فيصل الرياحي-رحمه الله-
أرجو أن تنال على رضاكم......

][][§¤°^°¤§][][

[poem=font="Simplified Arabic,4,blue,bold,normal" bkcolor="white" bkimage="" border="solid,medium,blue" type=4 line=0 align=center use=ex num="0,black"]
قال الرياحي طرت له بعض الأوضاعـي=قافٍ على ماخطـر بالفكـر يبـدي بـه
صارت هواجيس قلبي تسرع إسراعـي=ليـا ذكـر بعـض خلانـه وأصاحيبـه
أبطيت عنهـم وقـام القلـب ينزاعـي=زوع أشقـرٍ تـو ماقضبـت مخاليبـه
قبل أمس له في طويل الرجـم ميقاعـي=واليوم عند الأمير الحبـل يومـي بـه
ليـا دعـاه المـدرب فـز وإرتـاعـي=تـوه وحـش مابعـد زانـت تواديبـه
ليا ماز عمره يجي للريـش صرقاعـي=طيرٍ وقع بالشبك ماهوب ضـاري بـه
قلبـي مولـع وقلـب الطيـر ملتاعـي=والحكم لاجاء من الله وش نسـوي بـه
بـالله ياطـيـر ماللفرقـعـه داعــي=جرب زمانـك وتقنـع مـن تجاريبــه
قبلك شبكني وليفـي زيـن الأطباعـي=شبك الخطر جـودت رجلـي تسابيبـه
واليوم ياطير لك راعـي ولـي راعـي=لـكـن راعـيـك ياغـنـام ياطيـبـه
راعيك ياطير دايـم حـرص ويراعـي=ومدرّبـك بـك موصيـنـه معازيـبـه
وأنا جرالي عذاب وهـوش وصراعـي=يدري به الله وغيره ماحد يـدري بـه
أصيح مالي مـن الفزعانـت فزاعـي=صيحـة خـلاوي بجـوٍّ عاويـاً ذيبـه
مافيـه بينـي وبيـن الـود فـراعـي=ماغيـر أداريـه يـوم الله بلانـي بـه
وإن قلت أبا أرجع عنه ياصعب مرجاعي=فالقلـب بيتـه وفـي كبـدي مناسيبـه
ليت الهوى في حراج السـوق ينباعـي=والله لبيعـه بأقـل السعـر وأصخيبـه
مير الهوى عشب ينبت بين الأضلاعي=عشعش على القلب لو ماعاد ودي بـه
خذيت منـه العنـا بالمـد والصاعـي=قبل السماجـه وقبـل الشـك والريبـه
إن زان جالي على كيفـي والأسناعـي=وإن شان مأخس من رمحـة عراقيبـه
كم ليلـة ترقـد العالـم وأنـا واعـي=يسـري على القلب بحـمـاه وثواغيبه
هاذي سبايـب وليـفٍ جـدد أوجاعـي=أمرض منـه وأتـداوى مـن تطابيبـه
اللـي تربـع علـى قلبـي تربـاعـي=وأنا نربعت فـي قلبـه وأمـاري بـه
ماهوب غصنٍ يهزعـه كـل هزاعـي=مع المعاصير تقبـل بـه وتقفـي بـه
بو مبسـمٍ ماكـرع بـه كـل كراعـي=نقع المطر في صفـاً عسـره لواليبـه
ياصاحبـي لاتجـي للوصـل قطاعـي=قطع الوصل منك مدري وش مواجيبـه
أطلق سجين الهوى ، مالقي مطلاعـي=وليا شكا وأنت غافل كيف تـدري بـه
باب المحبه علـى تسعيـن مصراعـي=ماغيـروا قاطعيـن الوصـل تركيـبـه[/poem]

الله لا يهينك يالهبااااااااااااش والله يرحم الرياحي عزا الله انه شاعر
رحمة الله عليه

أحسنت الاختيار اخوي فهد لاهنت,,,,

__________________

رحمك الله يابا بندر...واحسن الله عزى الشعار فيك
مشكور من القلب يابوعجب على حسن الاختيار
مااجمل هذا الابيات:
والـيــوم يـاطـيـر لـــك راعـــي ولـــي راعــــي
لــــكـــــن راعــــيـــــك يـــاغـــنـــام يــاطــيـــبـــه
راعــيــك يـاطـيــر دايــــم حــــرص ويــراعـــي
ومـــدرّبــــك بـــــــك مـوصــيــنــه مـعــازيــبــه
وأنـــا جـرالــي عـــذاب وهــــوش وصــراعــي
يـــدري بـــه الله وغـيــره مـاحــد (ن) بيـــدري بــــه

قايل مايهون...والله يسمع منك ...آمين...
وعز الله انك ماكذبت

قايل مايهون يابو فيصل....
ومانجي الا من بعدك ياستاذنا الكريم...
والله يسكن ابو بندر جنان النعيم..

الله يسمع دعاك يابو زياد...
ومشكور على المرور الرائع...
وانا ايضا اضع اعجابي مع اعجابك..

رحمة الله عليه شاعر متمكن

امين يارب
شكرا اخوي المترك