كل شيء له مدى

[poem=font="Simplified Arabic,5,black,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
=الله اكبر ميلها كلما قلت اعتدل
=بان لي فيها خلل ,, كان ماهو محتمل
وا بتدينا من جديد وعادت سالفتنا=مثلما كانت وعيّا الدواء مافادها
،=،
=قالوا ان الكي هو اخر اعلاج المرض
=دام مأوفا بالغرض ,, طبها اللي مفترض
قلت صح اللي تقولون وان كان اكلفتنا=والله ان اربط حقبها وامس قيادها
،=،
=العلاج اللي يعا لج مرضها نعرفه
=بس ماريد اكشفه ,, فيه امورٍ مكلفه
والله إنّا نعرف اشيا كثيره ماخفتنا=نَعرَف المصدارها وان عرف ميرادها
،=،
=انتضرناها مع الدرب الاسنع تقتدي
= بس عيّت تهتدي ,, في خطاهاتحتدي
كلما جينا مع الدرب الابيض خالفتنا=طالت المدة وطال المرض واعنادها
،=،
=كل طيبٍ نعمله عندها يذهب سدى
=وكل شي له مدى ,, في خطاوالاقدا
وكم طمرناها وراحت ورانا ما التفتنا=ندفن اخطاها وتظهر على ميعادها
،=،
=اتخذنا كتم الاسرار رمز شعارنا
=مانريد اسرارنا،،تنكشف ياجارنا
من دروس الوقت اخذنا الكثير وعرّفـتنا=كيف نستر عيب من للمتاهة قادها[/poem]

ارررررررحب يابو سعيد تراحيب المطر ..

الله الله ..

حيه وحي ماجاب ..

صح الله السانك وماشاءالله على الصوت عيني عليك ابرد من الثلج ..

كثر منها يا القرم ..

في انتظار الجديد ..

تقبل مروري نفداك ..

__________________

أخي فلاح ال راكان لاهنت على المرور والتعليق وانت طلبت ان اكثر من الشيلات
ولكن أنا طرحت هذه الشيلة في تاريخ 16/07/2010 يعني اكثر من ثلاثة شهور
ولم يعلق عليها احد الا انت مع العلم انه اطلع عليها اكثر من200شخص ومعنى
احجام الاعضاء عن التعليق هو عدم تقبلهم للشيلة ولذلك لن اطرح هنا اي شلة اخرى
بعد هذه الشله علما اني كنت مجهز شله لطرحها ولكني بعد هذه النتيجة تراجعت
وان اردتها على الخاص فأنا حاضر.
تحياتي لك وتقديري.