المشاركة الأصلية كتبت بواسطة ابن دغيّم

أرحب يا مشرفنا الغالي تراحيب الحياء

انا أحرص دائماً على الطلعات وقت الظلام وفي جو هااديء

وانا احسدك على مثل هذه الطلعات اللي تخليني بعيد جداً عن المدينه وهمومها

المشاركة الأصلية كتبت بواسطة سفر بن مبارك

أخوي أبو محمد ..

الحقيقه حركتك مع الذيب عجيبه ولكن ذكرتني الحكمه :

المخلب مايأكل المخلب "

تكرم يبو محمد منت بمخلب ولكن ذيب واجه ذيب وإبن ذياب وشيبانك إتعشى على أثرهم السباع

وليس عندي تعليق سوى قصيدة الشيخ الفارس شالح بن هدلان وولده ذيب أهديها لك يبو محمد :

يا ربعنا ياللي على الفطر الشيب ... عز الله إنه ضاع منكم و وداعه

رحتوا على الطوعات مثل العياسيب ... وجبتوا وخليتو لقلبي بضاعه

خليتوا النادر بدار الأجانيب ... وضاقت بي الأفاق عقب اتساعه

تكدرن لي صافيات المشاريب ... وبالعون شفت الذل عقب الشجاعه

ياذيب انا بوصيك لا تاكل الذيب ... كم ليلة عشاك عقب المجاعه

كم ليلة عشاك حرش العراقيب ... وكم شيخ قوم كزته لك ذراعه

كفه بعدوانه شنيع المضاريب ... ويسقي عدوه بالوغى سم ساعه

ويضحك ليا صكت عليه المغاليب ... ويلكد على جمع العدو باندفاعه

وبيته لجيرانه يشيد على الطيب ... وللضيف يبني في طويل الرفاعه

جرحي عطيب ولا بقى لي مقاضيب ... وافخت حبل الوصل عقب انقطاعه

كني بعد فقده بحامي اللواهيب ... وكني غريب الدار مالي جماعه

من عقب ذيب الخيل عرج مهاليب ... ياهل الرمك ما عاد فيهن طماعه

قالو تطيب وقلت : وشلون ابا طيب ... وطلبت من عند الكريم الشفاعه

واردفها بهذه القصيدة ، على نفس البحر والقافيه

ذيب عوى وانا على صوته اجيب ... ومن ونتي جضت ضواري سباعه

عز الله اني جاهل ما اعلم الغيب ... والغيب يعلم به حفيظ الوداعه

يالله يا رازق عكف المخاليب ... يا محصي خلقه ببحره وقاعه

تفرج لمن صابه جروح معاطيب ... وقلبه من اللوعات غاد ولاعه

إن ضاق صدري لذت فوق المصاليب ... مانيب من يشمت فعايل ذراعه

صار السبب مني على منقع الطيب ... ونجمي طمن بالقاع عقب ارتفاعه

ياطول ما هجيتهن مع لواهيب ... ولاني بداري كسرها من ضلاعه

وياطول ما نوختها تصرخ النيب ... وزن البيوت اللي كبار رباعه

واضوي عليهم كنهم لي معازيب ... إليا رمى زين الوسايد قناعه

أضوي عليهم واتخطى الأطانيب ... واخذ مهاوية الجمل باندفاعه

أبا انذر اللي من ربوعي يبا الطيب ... لا ياخذ إلا من بيوت الشجاعه

يجي ولدها مذرب كنه الذيب ... عز لبوه وكل ما قال طاعه

وبنت الردى ياتي ولدها كما الهيب ... غبن لبوه وفاشله بالجماعه

ياكبر زوله عند بيت المعازيب ... متحري متى يقدم متاعه

المشاركة الأصلية كتبت بواسطة ابن شديد ال مخثله

لله درك يابو محمد

ماأجمل ماوصفته

وما أروع وأمتع اللحظات في مثل هذه الاجواء...

ذكرتني بالايام اللي قضيناها في المكان اللي انت جيتنا فيه عسى الحيا يسقيه ويعله وجميع اوطان المسلمين
وكان معنا ربع من الحباب الله يذكرهم بالخير وكانوا يتقنصون للصيد ويتفرقون ويحددون مكان معلوم الى غبت الشمس يجتمعون فيه وتجيهم السيارة...

وفي احدى الايام قررت اني اقنص مع واحد منهم وواعدنا خوينا الثاني في مكان معلوم.. ويوم غابت الشمس رجعنا صوب خوينا ، ويوم اقتربنا من المكان بعد صلاة المغرب إلا صوت البندق يوم ثارت عنده!!

يوم وصلناه قلنا ويش العلم يافلان؟

قال ذيب ام القصص بغى يتعشاني لكن جعلني الله اشوفه قده واصلني !!

عاد قمت امزح عليه واقول له يارجال ماجاك ذيب ولاجاك إلا العافية ماغير تحسبني اخاف من الذيب تخوفني به ماتبغاني اقنص معكم هههههه.






والله كفو ياقحطاني

قول على فعل

انت وافي من وافين ومراجلك وافية ومتعدية

وكرمك ومقامك ياقحطاني سمعنا به ثم شفناه
يوم جاك الخبر اننا نزلنا في طوارف دياركم فجيتنا ترحب وتسلم وجايب كرامتنا وانيت مليان ذبايح...

وانا لا اقول ذلك من باب الاستغراب.. فالطيب مايستغرب من اهله ... ولكن اعجبتني ابياتك لانها على فعل.


تقبل مني كل الشكر والتقدير

المشاركة الأصلية كتبت بواسطة شامانـ العاطفي

ارحب يابو محمد

وستر الله على الذيب من الذيب


والحقيقة معلومة مهمة استفدناها منك والله يحماك .