اررررررررحب يابو ناصر

ابيض وجه على الايراد الرائع

وعندي قصه عن الاثنين ابن دخيل والخيارين

الشيخ محمد بن زايد منصى لقحطان في قطر وخارج قطر

ذهبت الى قطر ادور على رجال مااعرف مكانه الا ان الي ذكره لي قال انه شمال دوار الريان وقمت اتنشد عنه لين وصلت الشيحانيه وصليت في مسجد هناك للظهر ويوم خرجت من المسجد عيَنت لي غليم ابو 15 سنه فقلت تخبرلي واحد بابه مفتوح اقيل عنده فقال نعم شف هاذيك عزبه الخيارين تعين عنده ناس وقيال فقيَلت عنده وكنت جالس بجنبه فقال لي آمرني قلت مايامر عليك عدو فقال طلبك نلبيه ويش طلبك فقلت له طلبي سلامتك طرقي والي جابني اقيَل عندك واسلم عليك وعساك ذخر يابو سعيد فهذا الرجل جبل على المرجله ويستاهل التقدير من عامه قحطان كلها

اما الشاعر ابن دخيَل

فكان زمان في الخرج وفي ليله من اليالي ماوعى الا الباب يدق ويوم يفتح الا وهو بمجوعه من الطرقيه يبون يمسون عنده ويتعشون رحب الرجال وسهل ولي مامعه شي فقلطهم وخرج من البيت والسيارات ذيك ليام شوي ولاعنده سياره وساعة خرج في الشارع الا هذا الحسيل يعدي معى الشارع في الظلماء انفلت من احد الزربات في اخر الحاره فمسكه ودخله في الحوش ونحره وعشاه الضيفان ويوم اصبح راح يدور لراعيه ويوم حصله قال ترا حسيلك عندي وثمنه عندي

اشكرك يابو ناصر

تحيات خوك

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم