الاخ /صقر رفيده
لاهنت يالصقر على السالفه الطيبه

ولقد سمعنا بها وكذلك سالفه مماثله لها المح اليها
الاخ /فارس قحطان

وهي ما حصل بين المسارده والدواسر

فلقد ذهبت قافله من قحطان الى وادي الدواسر وفي طريقهم الى وادي الدواسر مروا بأبل رجل دوسري اسمه ابو فلح
وكان مع قافلة القحاطين رضيع وليس في امه حليب فطلبت ام الطفل من ابو فلح الدوسري ان يحلب لأبنها من احدى نياقه فحلب واسقى الطفل

وبعد ذلك بأيام اغار المسارده على ابل بو فلح واخذوها
فذهب الودسري لربعه واخبرهم ان المغيرين هم المسارده
واخبرهم بما حصل قبل ذلك مع قافلة القحاطين وانه سقى طفلهم من ناقته
فذهب الدواسر الى ابن شفلوت واخبروه بما حصل لرفيقهم مع القافله ومع المسارده

فطلب بن شفلوت من المسارده اعادة الابل واخبر الشيخ نهار بن شري ان يرجع هو وربعه ابل الدواسر لان هذه عاده عند العرب جميعا
وقال فراج ابن ريفه هذه القصيده في ذلك الموقف/

[poem=font="Simplified Arabic,5,darkblue,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]
ياراكب ثنتين عوص تبارى=تلفح سفايفها وفيها خنانيق
تنص ابن سوده زبن راع الثبارى=لاعندنا له لا ذموم ولا ليق
الذم في ترك الحدود الجهارا=حل نشد ما بين طماع ومفيق
عند ال شري مودبين المهارا=اللي يروون الغلب في الملاحيق
تر ذود ابو فلح عليهم غيارا=اللي لها بوجيه ربعي مواثيق
عار على شيباننا والصغارا=وعارعلى اللي يلبسون العواليق
والله لو راحو لهضب الشرارا=والا بنى له في قفار دوانيق
حلفت انا لقلط عليهم جهارا=وافعولنا تعرف الى نشف الريق
ترحن لكم سم على الكبد جارا=يفضي العظام ويفضخ الكبد لى ذيق[/poem]