كل بحر شارب منه قرطوح

[poem=font="Simplified Arabic,6,darkblue,normal,normal" bkcolor="transparent" bkimage="" border="double,thick,gray" type=1 line=0 align=center use=ex num="0,black"]
ما بقى لي بالعمر كثر ما راح=والعمر يمضي مع الوقت ويروح
لا قضى شغلي ولانيب مرتاح=متعب نفسي على غير مصلوح
لكن الدنيا تبي صبر وكفاح=والبشر كل بدنياه مشفوح
والقدر يومي بي اوماي ملواح=والخطر في درب الآمال مطروح
بين الافراح السعيده والأتراح=كل بحر شارب منه قرطوح
أمسي ونومي كوابيس وأشباح=وأصبح وعندي تفاكير وطموح
وأن خذت بي بعض الأفكار مشواح=ودي أزرع لرض وابني بها صروح
وأعبر الغبه على ذات الألواح=لين ترسي بي على جال مسفوح
في رجا اللي بأمره الهم ينزاح=اللي أنجا موسى ويونس ونوح
بيده الأرزاق وآجال الأرواح= فالقاً حب النوى خالق الروح
ما معي لأبواب الأرزاق مفتاح=عند ربي باب الأرزاق مفتوح
والقناعه راس مالي والأرباح=راضي باللي كتب لي على اللوح
لو هوى نفسي مساري ومسراح=سجة فيها شفا كل مجروح
لا جذبني رايح بارقه لاح=قام يلفح بي من الشوق لافوح
وأتبع وسوم الحياء وين ما طاح=وأتغزل في هوى كل مملوح
طير ياللي فوق الأغصان نواح=أطرب وغرّد على سدرة الدوح
يا هنيك يوم لك ريش وجناح=والا أنا لا ضقت مدري وين اروح[/poem]

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
طير ياللي فوق الأغصـان نـواح = أطرب وغرّد على سـدرة الـدوح

يا هنيك يوم لـك ريـش وجنـاح = والا أنا لا ضقت مدري وين اروح[/poem]


الله الله ..

صح الله السانك يا عبد الله مدد بلا عدد ..

جزل يا القرم ..

وسجججل متااااااااااااااااااااااابع ..

صح لسانك وافى من رجال وفين0


مع تمنياتي لكم بالتوفيق

__________________

أرحب يا المشعلي ..

صح الله لسانك يا ذيبان ..

لاهنت على هذه الجزالة ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

بيض الله يا عبدا لله والله ليحر منا من جديداك

__________________

الاخ عبدالله دائما مبدع