القير

[poem=font="Simplified Arabic,6,black,bold,normal" bkcolor="transparent" bkimage="" border="solid,thin,gray" type=1 line=1 align=center use=sp num="0,black"]

يابوسميي ولّم البن والكيف=للضيف والعاني ولعوال خالك
ترا على ظهر الحنش جايكم ضيف=وانا على يمناه نبغا وصالك
للصاحب اللي مايحب التكاليف=لاقلت من هو قلت لك كيف حالك
نبغا لزومن عندكم والنخل ليف=يعني ماجاله غير جالي و جالك
في حشمته كبّرت بعض السواليف=العين لاجله والحشا لا زما لك
مايلحقك شرهه ولا يلحقك حيف=خابرك ماقد قلت ذا لي وذا لك
ولاّ انت عينك شرفت فالمشاريف=قندت راسك من حلالك ومالك
ماهمني لاجلك تزود المصاريف=شفقن على ضوك وصفوت دلالك[/poem]

مجاراة بن كوثان

[poem=font="Simplified Arabic,6,black,bold,normal" bkcolor="transparent" bkimage="" border="solid,thin,gray" type=1 line=1 align=center use=sp num="0,black"]

يامرحبا ياريف لاجيت للريف =ترحيبتن ترضيك لاقلتها لك
يامرحبا ياجزل ذيك التواصيف= انا وبيشه كلبونا فدالك
شعمت ضو الضيف في البرد والصيف=يامرحبا والعود لاجيت فالك
اقلط على نسنوس حايل مراديف= واقندك بن اليمن لا استوا لك
لاجيتني جيتك ورا نجد وطريف = وآكل مفاطيحك و ابيح حلالك[/poem]

مجارة بن هباش

[poem=font="Simplified Arabic,6,black,bold,normal" bkcolor="transparent" bkimage="" border="solid,thin,gray" type=1 line=1 align=center use=sp num="0,black"]

يامرحبايموصف القاف توصيف =ترحيبتن مادام جوي صفالك!
ما ينفع إلا سل سيف ورى سيف=وابدع من القيفان فيما طرالك
انردها ياسعيد للهند وجنيف=واحذر من مبارك ليا من نوالك
يرويك من عدن بليا مجاديف=واضرب مثالي وانت تضرب مثالك
واشوفكم في روس عوجن محاريف=واللي مضالي ياولد ما مضالك[/poem]

القير لابن هباش

[poem=font="Simplified Arabic,6,black,bold,normal" bkcolor="transparent" bkimage="" border="solid,thin,gray" type=1 line=1 align=center use=sp num="0,black"]

دام البقابك والفنا للملاقيف=الله يزيد الهاجس اللي عنالك
مابينك وبيني تبادل معاريف=عنيت نفسك وانت ماحدن سرالك
وش فيك يامحمد تحت المخاريف=والقيت نفسك في طريق المهالك
وش دخلك تفتح قفول المظاريف=كشفت خطتنا وفاز الزمالك؟
لو جبتها باسلوب ثاني وحرّيف= رديت قافن مايجي في خيالك[/poem]

__________________

صح الله لسانك ولسان الشعراء مجاراة قيمه .....

بيض الله وجهك......

__________________

سلمت ياسعيد وصح لسانك ولسان الشعار

مجاراه في قمة الجزاله والذوق

لاهنتو وبيض الله وجيهكم

لاهنت ياسعيد وبيض الله وجهك ووجه الشعار ابن كوثان وابن هباش

__________________
][®][^][®][ماعاش راس صدم له راس قحطاني===========في حاضر الوقت ولاسابق المده][®][^][®][

سعيد ارحب وحيه وحي ماجاب ..

بيض الله وجهك على النقل ..

وجعل يمنآك ماتعطب ..

صح الله السانك والسان بن هباش والسان بن كوثان مدد بلا عدد ..

المبًين من خلال اسلوب القصايد ان كل واحد يمون على الثاني الله لا يباغض بينكم..

تقبل مرروي نفداك ..

صح الله لسانك