السلام عليكم و رحمة الله و بركاته




‹‹ مشاركة الشاعر :


المبدع والنجم سعيد بن مانع الرفيدي القحطاني.. في ثالث حلقات شاعر المليون ،.


http://www.youtube.com/watch?v=vx1xr1tITEc


الأوّلــــه بــديـــت بـالله مطلــبـــــي
و الثانيــه كُل(ن)يصلي علــى الـنـبـــي
و الثالثــــه سـلام منـي ( لبو ظبـي )

العلـم مِلـح الطّارش وهاكم العلــوم
شاعر وقويّت العزايـم علـى القــدوم
في شاعـر المليـون واخايـل النجـوم

ويسلـم لنا الملْفــا و ذا علـم من لفــا
و أنا رفيدي واقحطان العريبة ساسي
و أهل الجنوب أهل الوفا هم محازمي


• قصيدة المشاركة :

أعسـف أمهاري و ريق الحبر و أسـن قلمـي

و أدخـل الميـدان و عيونـي تنـاظــر لسّمــــا

دام راسي مخـزن الأفكـار و الفـوهه فمــي

أطلقي من زند شعــري يا حــروف بـلا دمــا

يا حياةٍ تجعل فـوادي على اسمـي سمــي

أو مماتٍ يروي أسمي من عقب هاك الضما

ابتهـج يَسْمـي نَهَجْتِـكْ صــوب عدٍ عيْلمــي

عــدْ مـا كــل الأسـامــي تـورده مالـه كمــا

شـاعرٍ مثل النخل شامخ و عذقه مرتمـــي

نــاجحٍ و اللي رمــا مـن لام فعلــه لـو رمــا

لو هبـوب الوقـت هبت مـا تزعـزع يقدمــي

أو جيوش الحقد غارت مَدْخـلت حـد الحمــا

و الله إنه دون شعري ما تراخـى محزمـي

مـحْتــزم بالحضـرمـيـة و افتخــر بالانتـمــا

انتمـائــي للـسـعــوديــة و للمجـد أنتمـي

موطـنٍ لو راح عمــري له فلا تســأل لمــا

لأنه اللي صار فضله بين نبضي و نسمي

و لأنه اللي ساق غيمـة عز وابلهــا همــا

لا زهمْ حتى الصبي يقبل سوات الصيرمي

لـد أبــوه لزرقتــه مـا قــال عــود يـا نمـــا

دون حدّه و الله إن شبحي لرمحي و سهمي

كل عـرقٍ ينبض بحبـه عن الشكّـة سمــا

و كل عظمة من عظام الشعب طوبٍ محتمي

شكلوا سورٍ قطيب الساس في حبه زما

لأن مابه عز من راقت على أنحاه الدمي

و الشرف يبنا على رجمٍ من رفات عظما

يا وطنــا نام بسم الله عليك من العمـي

ما علينـا في عمـا قدّا على دربه عمـــا

هيه يا هدهد سبأ من لبسك تاج أعجمي

لين صاروا فيك أهل بيتك شقايا وخصما

صار حلمك مملكة بلقيس و الملك أقدمي

يا صخيف الريش لو فكرت فيها قبل مــا


• تعليق لجنة التحكيم ،.


http://www.youtube.com/watch?v=5kzW3Q2SDUc


• القصيدة الثانية :

.، صلاة الجماعة ،.

جاعت عيوني شوفتـك ياعنيـده
ماترحمين اللي بلتهـا المجـاعـه

غبتي و سميتـك قريبـة بعيــده
و العين تحسد خافقي عالقناعه

مدري غيابك ويش باقي مزيـده
مالي على صـد التياعـي براعـه

تدرين وش في غيبتك مستفيـده ؟
اني اصلي الفجـر ويـا الجماعـه



.، و سلامتكم ،.

__________________

اررررررررررررررررررررررررررحب وحيه وحي ما جاب ..

مجمل يا الذيب في طرحك الرائع ..

وابو عبدالله جمل عمره وجمل قبايله ..

صح الله السانه مدد بلا عدد ..

تقبل مروري نفداك ..

__________________

بيض الله وجهكـ على هذا الطرح الجميل والانتقاء الاجمل
وعسى الله يوفق شاعرنا ابن مانع وفاله ان شاء البيرق ونحن معه قلباً وقالباً
لاهنت يالغالي الله يعطيكـ العافيه
دمتم بود
تحياااااتي

__________________

بيض الله وجهك ووجهه وماقصر ابو مانع يستاهل كل علم غانم

والتصويت رقمه 18

تكفون لا تخلونه ياقحطان

__________________

بيض الله وجهك يابو فيصل

وصح لسان الشاغر سعيد بن مانع

سفير قحطان في شاعر المليون

وان شاء الله يصوت له كل قحطاني

__________________
للتواصل:

fahad_alhababi@hotmail.com

بيض الله وجهكـ على هذا الطرح



الجميل والانتقاء الاجمل





وعسى الله يوفق شاعرنا ابن مانع





وفاله ان شاء البيرق






ونحن معه قلباً وقالباً



مشكوووووووووووووووور


تحياتي

__________________

الله يبقييك ويطول عمرك يافلاح وابن مانع كف ويستاهل

__________________

بيّض الله وجهك يا بو فيصل ..

وجاري التصويت لبو مانع ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ارحب يابو فيصل

وكفو يا سعيد وبيض الله وجهك على الإبداع الغير مستغرب منك ويحق للسعيد ما يفوت شيلاتك

الرائعة وانت ما قصرت الشعر الجزل منك والتصويت والوقفة منا وابشر بربعك مهب خلينك .

__________________


http://www.qahtaan.com/works/up/get....fmnp1261962149

شاعر جزل

وهو الان يحتاج الوقفه مننا جميع

وهو زميل لنا في هذا المنتدى وأخ من قبلها

وحاضر في لزوم قحطان كافه

ويستاهل الوقفه

__________________



لأستشاراتك القانونية أضغط هنا
لوجه الله تعالى