فعلا موضوعك جميل وطرحك جدا راقي

بصراحة أنا كنت مسجل في المنتدى وكان المنتدى في أوج ازدهاره فجذبني بعفوية أعضائه ونشاطهم وميانتهم على بعض واذا صارت لي أي اشكاليه كذا واحد دق لي صدره وقال آمر بس وش تبغى حتى صار المنتدى صفحتي التلقائية وانسجمت كثيييير مع بعض أعضائه حتى كنا نسجل مع بعض في منتديات ثانية ووالله اني كنت أدخله أكثر من موقع قبيلتي لكن بعد فترة حوالي سنه ونصف تقريبا تفاجأت بكثرة انسحاب الأعضاء بشكل رهيب وبطريقة أضرت كثير بالمنتدى بسبب خلاف مع اداري أو عضو.....
لكن الموجودين فيهم الخير والبركة وقبيلة قحطان مثل ماطلعتهم بتطلع غيرهم أكيد لكن فراقهم كان فعلا صعب بالنسبه لي وماكنت أعدهم الا أخواني وأعز أصدقائي
وانسحابهم أثر على منتدى قبيلتهم اللي المفروض كانوا معها أوفى من كذا
ووالله أخوي أبو بندر ولا يهون باقي الأعضاء انه أنا انحذفت لي مواضيع وأغلق لي كم موضوع بدون ماأعرف السبب وجتني عن طريق تعليقات السمعه طعن في نسبي وفي شخصي من أشخاص أنا ماأعرفهم لانها من طريق سمعه مش من طريق الرسائل وأقسم لك انه ماعمري غلطت على أحد عشان يجيني الشتم هذا لكن الواحد لازم يحكم عقله شوي صح انحذف وأغلق كذا موضوع لكن عشرات ومئات المواضيع ماانحذفت ولا أغلقت
صحيح جاني سب في شخصي ونسبي من ناس مجهولين بدون أي سبب لكن اللي أرسلولي نكرات ماعرفوا بأسماؤهم ولا كتبوا أدلتهم على كلامهم عشان أقدر أناقشهم وقبل كذا المنتدى يحوي آلاف الأعضاءاللي يحترموني فمارح أترك المنتدى عشان عضوين أوثلاثه نكرات ومريضين
أخوي أبو بندر فعلا الوفاء لمن تنتمي اليه من أرقى وأسمى خصال الانسان
أشكرك جدا على موضوعك اللي جاء في وقته
وأعلنها أمام الأعضاء لن أترك المنتدى أبدا وان تركته فترة فاعلموا انها لظروف صعبه وسأعود اليه

__________________