ونعم بالجميع قحطان يشرفنا فعولهم الله يرحم الميت ويلبس الحي ثوب الصحه والعاغيه

__________________

بيض الله وحهك يالعبدي والله يرحم ابو مترك جراب والله يطول عمر الشاعر هذيل ويحسن خاتمته علمين من اعلام آل جميح الله يزود صف آل جميح بأمثالهم وانتم يا آل العبد كفو وتستاهلون المدح اول الدنيا وتاليها.
وقصائد الشاعر هذيل ( حمد شديد بن حمد عين ) كثيرة في خاله جراب الله يرحمه ومن ضمنها هذي القصيدة:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا راكب اللي على شفي تدنيته=جمس جديد ركوبه يطرب البالي
سلم على عايض بن فهيد لاجيته=والعلــم ما هو ينصا كل رجالي
قصيدكم جملا حالك يوم سويته=ترسل وتنشد على العربان من خالي
خالي توفى وباق قايم بيتـــه=وراه ذريته سبعين رجــــالــــي
الكل من هو يسرك لا تهقـويته=شجعان وترجح الميزان لا مالي
هيضتني يا النهاري يوم طريته=وان اتهيض لما جا العلم في خالي
زاورت قبره نهار العيد لين جيته=وقفت ثم اقتنعت بحكمة الوالي
من ضيقة الصدر يوم اقبلت ناديته=والعين هلت بدمع يسبل اسبالي
يا ليتني من طريق الموت شليته=الشيخ ابو مترك اللي يمنع التالي
يشحني القبر لا جيته و مريته=على طريقي مع الاقفى والاقبالي
وياكثر دمع من العينين هليته=يوم اتذكر مواقف ذرب الافعالي[/poem]


وسلاااااااامــــتــــكــــم