يسعد مساكم يابني عمي الافاضل

اليكم هذه القصيده وصيه لابني محمد

بعنــوان ( روس الشمخ )

امل ان تحوز على رضاااكم

بســــــم الله الرحمن الرحيــــــــــم

البارحــه ماذقــــت حلـــو النــــوم ... شــعاه فـــي راس الطـويل الحـوم

تقبـل علـي بنـت النـعاس وهابــت... جفــنِِِ عـــداه مــن المــنام حـــثوم

واستبــرقت جل الهجـوس وذ بـــت... فـقارت رجــــــوم زهــــت بنـــجوم

يامحمــد ســـبات المنــام خـــطيته... وقطفـــت لك مــــن كمـه المــقسوم

بوصيك خمس في الحياه احــفظها... احقـــوق ربـك مــن صــــلاه وصـوم

حتـــى يهابــــك من نويــت تهابه... وتظفـــر بحـــــب الخلــق و القيــوم

و(الثانيــه) ألايـــــــام لاتامـــــنها... كـم بركــت شـــــبل قــوي عـــزوم

شف فعلها في الزير وش سـوت به.. برك وهـــو شـــيخ عــــــزيز اقــروم

و(الثالثـــه) جــارك قصــير المـنزل... لو كان حــــده فـــي القــى مثلوم

اقمــح خــطاه ولو يبيــــن جــوره... لو يلحقــك مـــنه نطيـــــــش علـــوم

و(الرابعه) حـذراك حــق العاجــــز... احــــذر دعــــاة المــبلـي المــظلوم

عايــن بطــــيرك لانويــــــت تهده... لايلحـــــقك بيـــــن النـــــشاما لوم

و(الخامســه) بنـــت الردي جــنبها... لو لبســــوها تــــاج بنــــت الــروم

ما بومـــــةِ تاتــي بحـــر صيرمـي... لو وكـرت فـــي عالـــي الشغمــوم

لامــن ذكــر لك بكـــــــرة مـــقنيه... انشــد مـــن الماســوم قـبل تســوم

حتـى قـبول الشيـب تجنــي فارس... ينطـــح نــهار الهـوش خـيل القــوم

لامـن ظــهر يجـــلا همومـــك طلعه... مــعناز لا خطيــــت العصــى بتـقوم

تبقــى مواكيــره بروس الشمــــخ ... والبـوم يبقـــى فـي صـــدوع البوم

اخوكم الشاعر عبدالعزيزمحمدالقحطاني

صح لسانك


والله يصلحه

ويبارك فيه






لاهنت



بيض الله وجهك

يعطيك العافيه


تحياتي

__________________

أخوي عبدالعزيز لله درك شاعر ولك مستقبل باذن الله صح لسانك ...............

__________________

شف فعلها في لزير انشهد

__________________

ارحب يابن عمي لاهنت على مرورك الله يقبل دعوك وبيض الله وجهك يابن عمي في مرورك العطر

ابو مبااارك ارحب ارحب لاهنت على مرورك المتواضع يالقرم

اشكرك على شهاادتك اخي الفاضل وسام على صدري من ابن عمي

بيض الله وجهك

ارحب يابو فراج لاهنت في مرورك على القصيده اشكرك كل الشكر اخوي

لامــن ذكــر لك بكـــــــرة مـــقنيه... انشــد مـــن الماســوم قـبل تســوم

صح لسانك

يابو محمد والله يصلح لك محمد

معها صلاة على محمد

الشاعر الكبير المبدع /عبد العزيزبن محمد القحطاني

صح السانك على هالقصيدة والنصيحه الطيبه لابنك محمد الله يصلحه ويجعله ذخر لك ودرع لجنبك والله يكثر من امثالك


ياكحيلان ويجعلك ذخر للمنتدى ولقحطان يالقرررررررررررررم


تقبل شكري وعرفاني لك وسجلني متابع لك دايم يابطل


اخوك /محمد بن عبيان ال سالم الفهررررررررري

الظور بيض الله وجهك يالقرم على المرور صح بدنك