رثاء/في أخي هذال بن سعيدان

جل المصاب وحاربت عيني النـوم=ومن حر ماتونس تزايـد سهرهـا
خذيت لي ساعه وانا اطيح واقـوم=علم عقل رجـل ورجـل كسرهـا
مثل الغرير اللي عم الديد مفطـوم=تومي به الدايـه وهـو ماعذرهـا
مالذ لي شرب ولا حلـو مطعـوم=اليا شربـت الماءبكبـدي عقرهـا
أظلم سمـاي ولبـد الجـو بغيـوم=ماعاد اميز شمسهـا مـن قمرهـا
ياناس انا لاصحت مانيـب مليـوم=حالي شديد الهـم الاقشـر سيرهـا
مما جرى كنى على الخد ملطـوم=قمت ازعج الصيحه ولاخرى بأثرها
دنيـا علينـا كلهـا ميـل وثلـوم=على هذال ذقنا مشـارب كدرهـا
مرحـوم ياشيـخ فقدنـاه مرحـوم=ابن الشيوخ اللي ينومـس فخرهـا
يليت ابو ندى حياته علـى الـدوم=كود ان عيني منه تمـلا نظرهـا
والله ماأرخصنـاه بيـع ولاسلـوم=مير الليالي قربـت لـه خطرهـا
والموت من رب المخاليق مقسـوم=مافيـه نفـس مايجيهـا قدبـهـا
من جاه يومه راح يانـاس معلـوم=ماينفـع نفـوس تحـذر حذرهـا
عد الليالي وعـد مابانـت نجـوم=الله يبيحك عد مـا أسفـر سفرهـا
يابن الذي ينقل غرابيـل وهمـوم=نفسه لفعل الطيب ربـي صخرهـا
جعل العوض في أخوي سيد القـوم=نايـف نفسـه للمكـارم نـذرهـا
اميـن يامـولاي ياخيـر مزهـوم=يامجري ارتال السفن فـي بحرهـا

اررررررررررررررررحب يابن سعيدان وصح لسانك والله يرحم ابوسعد ويسكنه فسيح جناته امين وعظم الله اجرك
تقديري