قصيدة لاتخفى على الجميع واحببت ان تشاركوني لحظات الحزن التي عشتها واعيشها عند قراءت هذه الرائعة


البارحـة يــوم الخـلايـق نيـامـا بيحت من كثـر البكـا كـل مكنـون
قمت اتوجد وانثـر المـاء علـى مـا من موق عين دمعهـا كـان مخـزون
ولـي ونـة مـن سمعهـا ماينـامـا كني صويب بين الأضـلاع مطعـون
وإلا كمـا ونـة كسـيـر السـلامـا خلـوه ربعـه للمعـاديـن مـديـون
فـي ساعـة قـل الرجـا والمحامـا في مـا يطالـع يومهـم عنـه يقفـون
وإلا كمـا ونـة راعبـيـة حمـامـا غـاد ذكرهـا والقوانيـص يـرمـون
تسمـع لهـا بيـن الجرايـد حطامـا من نوحها تدعـي المواليـف يبكـون
وإلا خـلـوج سـايـبـه للهـيـامـا على حوار ضايع في ضحـى الكـون
وإلا حــوار نشقـولـه شـمـامـا وهـي تطالـع يـوم جـروه بعيـون
يـردون مثلـه والظوامـي سيـامـا ترزمـوا معهـا وقـامـوا يحـنـون
وإلا رضـيـع جـرعـوه الفطـامـا توفـت امـه قبـل اربعينـه يتمـون
عليـك يـا شـارب لكـاس الحمامـا صـرف بتقديـر مــن الله مــأذون
جاه القضاء من بعـد شهـر الصيامـا صافي الجبيـن بثانـي العيـد مدفـون
كسوه من بيض الخـرق ثـوب خامـا وقاموا عليـه مـن الترايـب يهلـون
راحوا بهـا حـروة صـلاة الامامـا عند الدفـن قامـوا لهـا الله يدعـون
برضـاه والجنـه وحسـن الخـتـام ودموع عينـي فـوق خـدي يهلـون
حطـوه فـي قبـر غطـاه الهـدامـا في مهمة من عرب الامـات مسكـون
يـا حفـرة يسقـي ثـراك الغمـامـا مزن مـن الرحمـة عليهـا يصبـون
جعـل البختـري والنفـل والخزامـا ينبت على قبـر بـه العـذب مدفـون
مرحـوم يالـي مـا مشـي بالملامـا جيران بيتـه راح مـا منـه يشكـون
يا وسع عذري وأن هجـرت المنامـا ورافقت من عقب العقل كـل مجنـون
أخـذت أنـا ويـاه سبعـة اعـوامـا مع مثلهـن فـي كيـف مالهـا لـون
والله كنة يـا عـرب صـرف عامـا يا عونة الله صـرف الأيـام وشلـون
وأكبـر اهمومـي مـن بـزور يتامـا وإن شفتهم قـدام وجهـي يصيحـون
وأن قلـت لا تبكـون قالـوا علامـا نبكـي ويبكـي مثلنـا كـل محـزون
لاقلـت وش تبكـون ؟ قالـو يتـامـا قلـت اليتيـم ايـاي وانتـم تسجـون
قمـت اتشكـا عنـد ربـع اعـدامـا وجوني على فرقـا خليلـي يعـزون
قالـوا تـزوج وانـس لامـه بلامـا ترى العذارى عـن بعضهـم يسلـون
قلـت إنهـا لـي وفقـت بالـولامـا ولـو جمعتـم نصفهـن مـا يسـدون
مـا ظنتـي تلقـون مثلـه حـرامـا ايضا ولا فيهن علـى السـر مامـون
وأخـاف أنـا مـن غاديـات الذمامـا اللي على ضيـم الدهـر مـا يتاقـون
أو خبلـة مــا عقلـهـا بالتمـامـا تضحك وهي تلذغ على الكبد بالهـون
تـوذي عيالـي بالنـهـر والكـلامـا وانا تجرعنـي مـن المـر بصحـون
والله لــولا هالصـغـار اليـتـامـا وخايف عليهم مـن الدجـه يضيعـون
لقـول كـل البيـض عقبـة حرامـا واصبر كما يصبر على الحبس مسجون
عليـه منـي كــل يــوم سـلامـا عدة حجيـج البيـت واللـي يطوفـون
وصلـوا علـى سيـد جميـع الانامـا على النبي يللـى حضرتـوا تصلـون

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

لا هنت يأبن شويه على هذي القصيده

__________________

تسلم .......والله .. يا ..ابن شويه ..تسلم ..... وتسلم ... يمينك ...


مشكورررررررررررر .....على التواصل ....واستمر ..فأنت ...من المميزين....


اخوك / خالد

__________________
[frame="4 60"]لااله الاانت سبحانك اني كنت من الظالمين [/frame]

ادارتنا الغالية

تسلمون على مروركم الكريم

لاهنتوا

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

سلام عليكم

أخوي ابن شويه

أثناء تصفحي لأحد المواقع قرأت هن هالقصيده منسوبه بالغلط لنمر بن عدوان

وان هالقصيده لرجل اسمه / محمد بن مسلم - ويلقب بشاعر الاحساء

اتمنى اللي عنده اي معلومه ينوّرنا

وشكرا لكم جميع

فارس الشواطي

__________________

أخوي فارس الشواطي 000 الناس تناقلوها على أنها لنمر بن عدوان ، وكلامك صحيح فهذه القصيدة منسوبة في بعض كتب التراث لمحمد بن مسلم. وهناك من كان ينسبها أيضاً للأمير الشاعر/محمد الأحمد السديري. ولكن في الأرجح أنها لأبن مسلم.

وعلى أيت حال ما قصر الأخ أبن شويه في عرضه لمثل هذه القصيدة المشهورة جداً.

مشكورين جميعاً ولكم تحيات رفيقكم -- أبن مضيم.

__________________
[poem font="Arabic Transparent,3,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنا عيال أمضيم يوم الضيـم فـي حـرب اقحطـان=وحنا سلالات ارحبو00 ثم ارحبو00 ثـم ارحبـو!!
كان ابن هادي ياخذ الجزيـه علـى تاجـر عمـان=يحّميـه يـوم ان القبايـل ماتعـيـش إلا سـبـو
حنـا نتحـزم بالجنابـي مـا نشيـل الخـيـزران=وأهل القلـوب السـود لا طالـو ولا منهـم شبـو
خذ كلمة اللـي لا تحاكـا مـا يبـي لـه ترجمـان=وأترك عجاج الخيـل لا يلحقـك فـي العجـة ربـو
وإعرض عن كبار الجموع اللي لهم فى الشان شـان=وانا ما عرّف إسمك00 ولا رسمك00 ولا حتى يابو! [/poem]

الشاعر الكبير:علي بن حمري الحبابي

لاهنت يابن شويه وماقصرت

وانا اعرف انها بين الاثنين اللي ذكرتوا والثالث هو ابن سبيل راعي بريده

حفظكم الله