[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

الله اللي يغفـر الـزلات والكلمـه أمانـه=قبل تعلنها القناة وقبل تنشرهـا الصحيفـه



من ضميرٍ مايغني لا طرب دانـي ودانـه=أن حكى يحكي بكيفه وأن سكت يسكت بكيفه



ماتغير شيء والكاسيت مثـل الأسطوانـه=الزمن هو الزمن لاصـارت النيـة نظيفـه



أن بغيت الخير عانه وأن بغيت الشر عانـه=وأنت لك عقل وتميز في الثقيلـه والخفيفـه



والقصيدة كان ماجاء في ركايزهـا متانـه=ضاعت وضاع التعب فيها ولاشيءٍ تضيفه



كـل مابهرتهـا بالهيلـه وبالزعفـرانـه=أن حكمت قياسها والا فـلا تأتـي كسيفـه



ومدت الفنجال ماهي مثل مـدت الأستكانـه=علم اللي عنده حقوق اللحى راحت خصيفـه



قالوا أنشد في فلان وعزوتـه أخـو فلانـه=وأعتبر هاذي وظيفه كان ماعندك وظيفـه



أحد كسبه من يمينه وأحد كسبه من لسانـه=وأحد يسعى ولا يحصل وأحد يأتيه ويعيفـه



قلت ما أنشد غير في اللي من قديم وله مكانه=منهجي وأبو رغيف يموت ماكمل رغيفـه



كان ماهو في هل العوجاء فلا للمدح خانـه=غلطة الجاهل تهون وغلطة العاقـل كليفـه



ومن رزقه الله برزق ويحسبه عنتر زمانـه=ياعسى من تكرهه نفسي يطاوله ويضيفـه



لا عطا من بعطاه ولا أرتكى ماهو تكانـه=ولا طرا له يشكر اللي يجعل الجدباء مريفه



ياهجوسي كيف بالله أتعب أفكاري عشانـه=ولابتي قحطان من دونه كما جبـال منيفـه



لا تعزوينا يجوز طويـق مايثبـت مكانـه= أولى يـوم أنهـا ثـارات وديـارٍ مخيفـه



سيفنا نروي ظماه وخيلنـا نرخـي عنانـه=وأن نوينا بالقشر نفرق وليفٍ مـن وليفـه



خيلا الأبل كم عقيدٍ طار من صهوة حصانه=وكم جريحٍ مابراء جرحه ولا وقف نزيفـه



ويوم صرنا دولةٍ وحدة تحت حكم وديانـه=السعودي للسعودي هو أخوه وهـو حليفـه




[/poem]

ارحب يا سعد
لاهنت لاهنت وصح الله السان سالم بن حزام .. أبيض وجه

تسلم يابومعتز والله لايهينك على المرور المشرف

الاخ سعد بن محمد

السلام عليكم ورحمة الله وبركاته

قصيده جزله من شاعر جزل

استمتعنا بالقصيده مشكور على هذه الاطلاله

تقبل تحياتي

ارحب ياعاشق الوطن ويكفيني مرورك يالغالي

الاخ سعد نقل موفق


القصيدة جزله جدا وكتبها شاعر نرحب فيك أخي سعد وفي الشاعر سالم بن حزام بيض الله ؤجهك ووجهه

ونتشرف في هذا الشاعر الف شكر لكم جميعأ............................................. .....................................

__________________

تسلم يابومبارك والله لايهينك على المرور المشرف

[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياهجوسي كيف بالله أتعب أفكـاري عشانـه=ولابتي قحطان من دونه كما جبـال منيفـه




لا تعزوينا يجـوز طويـق مايثبـت مكانـه=أولـى يـوم أنهـا ثـارات وديـارٍ مخيفـه [/poem]

لاهنت لاهنت وشرفني مرورك