السلام عليكم ورحمة الله وبركاته

أقيم ليلة الاثنين الماضي الحفل الختامي لأنشطة النادي الإجتماعي وأيضااا ختام حملة "راقي بأخلاقي" بجامعة الملك فهد للبترول والمعادن

وكان ضيفي اللقاء الدكتور عبدالمجيد المبارك والدكتور سالم الديني

وقد شرف الحفل عميد شؤون الطلاب ووكيل من العمادة

وألقيت في هذه المناسبة قصيدة للشاعر الطالب/ جمعان مفلح الشواطي القحطاني... نالت إستحسان الجميع

وانا هنا اعرض عليكم قصيدة ابو مفلح (مرئية | مقروءة)

تفضلو...


http://www.youtube.com/watch?v=V_TH8G0r3Is


الهاجس اللي زارني قبل أمس في وقت السحر
هيض مهار الفكر في راســـــــي وانا خيالهــــــــا

رحبت به ترحيبة الأجــواد وافـــــــين الشبـــــــــر
في مجلس فيه الــدلال وضــــوها في جالهـــــــا

واخذت أنا وياه في مجلاســـــنا علم وخبــــــــــر
وقدمـــــت له جزل البيوت ولا قربت هزالهـــــــــــا

أنحت من جزال القصيد اللي كما صــم الصــــخر
اللي تطول وجه راعيها لـــــــــــــيا من قالهــــــــا

سلام تسليمة وفاء بالمسك كما أنسام الزهــر
سلام يا صرح المعارف و اـــلعلا و رجالـــــــــــــها

صرح التعلم والتفوق والتقــــــدم مستــــــــــــمر
بقيادة السلطان خالد و الســــــــــــــــعاده فالها

اللي مكرس كل مجـــــــــــــهوده وله منـا شكر
رجل يبي رفعة بلاده في جـميع أحوالـــــــــــــها

ولا نسينا كـــــــل من حـــولــه بعـــيدين النظـــر
عضوده اللي شايـــــــلين اخفافــــــها وثقالهــــا

الجامعة عد الروى للــــي ورد واللــــــي صـــــدر
ينهل مناهيل الرجـال اللي عـــــلا منــــــزالهــــا

الجامعات نجــوم مــــير أنت مـثل نــور القــــــمر
نور القمر غطى على كــــل النـــــــجوم وزالهـــا

واقرب دليل الـــــمركز اللي حــــازته قبل شهـــر
بتصنيف علم عالمـــي عـــــــلت على أمثالهـــا

في كل يوم نزيدها وتزيـــــــدنا عــــــز و فـــــــخر
نرقى من علوم المعالـــــي نايفـــــات جبالهــــا

ولا قالوا الجامعة صعـــــــــبة ولا فيــــــها يســــر
نقدم ولا جات الأمور الـــــــكايدة حنـــــــا لـــــها

والكفو لا جات الـمواقيف الصعـــــيبة ما اعـــتذر
يبرك ويشتال الحمـــــــول وللحمول جمالهـــــــا

نثبت بعــــون الله تـــــعالى ونــــــتحزم بالصبـــر
جماعة تــشهد بصـــــــدق أقوالـــــها أفعالــــــها

نبني لنا مستقبل يــبقى على طـــول الدهــر
فــخر لنا بين الأمـــــم جـــــــنوبها وشمالــــــها

في خدمة الإسلام وبــــــلاده ولــو راح العمــــر
ودون الملك ناطى على روس العـدا واذيــالــها

الحاكم اللــي له بوســــط قلوبــــنا حب وقــدر
مدات كفه في بالده ما نعــــــــــــــــد أفضالهــا

عبدالله الحر الأبي الــــــلي بوقفــــــاته ظهـــر
حلال صعبات الأمور إليا انـــعدم حلالهـــــــــــا

يا خادم البيتين حنا لك وتــــــــبشر بالسفـــر
حنا على ضـــــدك أســـود ماضيــات أفعالهــــا

نصمد ولو جار الدهر ونـشوم ونــدوس الخــطر
اللي تبيع أرواحـــــــها واللي تــــدق أموالهــــا

واليوم يوم الله جمــعكم يا مـــقابيس الظفـــر
في حملة قامت بجهد رجالهـــــا وأبـــــطالهـــا

شعارها راقي بأخــــلاقي ومقصـــــود عطـــــر
تشرق معانيها كما شمس الضحى وإطـلالهـا

نبي التعاون والتسامح والتناصح يستمــــــــر
ولكل واحد غاية في خاطره يسعـــــــــى لــها

وخـتامها تقبلـــــوا مني تحـــــــيات وعــــــذر
والله يديم الأمن ورجال يظل ظلالهــــــــــــــــا

وصلاة ربي والسلام عداد هــــمال المطـــــر
من المزون اللي كما سود الـــجبال خيالهــا

على النبي الهاشـــــــــــمي خير البشــــــــر
اللي على حسن الخلق حث الأمم وأجيالها



صح لسان ابو مفلح وتقبلوا تحياتي.........::

اخوكم

صالح ابن عاصية السنحاني

للــــتـــواصـــــل

المشاركة الأصلية كتبت بواسطة عبدالهادي ابن مشتح السـلام عليكـم ورحمـة الله وبركاته مسـاء الخيـر / النـووووور .. بيـض الله وجهـك .. وبيـض الله وجـه الشووواطـي .. لاهنـت .. كـُْ ـُْـل الـُْ ـُْـود

المشاركة الأصلية كتبت بواسطة سعيد بن مانع الرفيدي ارررررررررررررررررررررررحبووووووووووووووووووووووو حي ذا العين وحي ماجبت ياكحيلان صح والله لسان جمعان عزالله انه شاعر جزل اكرر شكري وتقديري