السلام عليكم ورحمة الله وبركاته

شاعر الجزيره علي بن محمد القحطاني شاعر يتاتي مع الاحداث

فلا يشاهد اي منظر يجلب الاستغراب او الاعجاب الا جادت قريحته

سواء وعلى اي شكل

وهاهو يصور احداث تسونامي في هذه القصيده



كـل العظايـم تسبـح للعظـيـم=اللي جعـل فـي الحيـاة آياتهـا

يارب اجرني مـن الفعـل الاثيـم=ايضا ومن شـر نفسـي ذاتهـا

ارحم عبـادك بفضلـك يارحيـم =انـت الـذي عـالـم نياتـهـا

تجـاوز الذنـب عنهـا ياكريـم =واغفر لها واعف عـن سياتهـا

ياحاكم الكـون بالامـر الحكيـم=اوامــر ك نـافـذه غاياتـهـا

في ثانيه تجعـل العالـم رميـم =واحييت في الارض في كل امواتها

اهتز قاع البحر تحـت الخضيـم=واتركزت في السماء مواجاتهـا

مستنفره غاضبـه بامـر العليـم=اوامـرٍ مـن سماهـا جاتـهـا

تدافعـت تصـرم الدنيـا صريـم=مـن قـدرة الله دعـا قدراتهـا

توجهت تحمـل الغيـظ الكظيـم=ترمي علـى اليابسـه ويلاتهـا

تنطح مدنها الجميله في الصميـم=وامسـت تسافـر مـع قواتهـا

تفـرق الام والابــن الفطـيـم=واطفـال ماوضحـت لهجاتـهـا

من فعلها الفادح العالم كليم=راحت بالارواح في زافاتها

غابوا ورى جامح المـد العريـم=لمح البصر واختفـت صيحاتهـا

هذي البحار الـذي تلطـم لطيـم=كفـاك ربـي سخـط لجاتـهـا

حدث الاهي حدث فـادح جسيـم=يصحـي النـاس مـن غفلاتهـا

ياصاحب الفكر والعقـل السليـم=النفـس تنـدم علـى مافتـهـا

شرق آسيا والمأسـي والجحيـم=النـاس فيهـا دنـت ساعاتهـا

تشتت الجمـع والشمـل الحميـم=ناثـرت فـي الميـاه اشتاتهـا

تساوت الارض والبيـت الرخيـم=كن المـدت غـادرت ساحاتهـا

تجلجل اصواتهـا مثـل الهزيـم=اقوى المنـازل حنـت هاماتهـا

تجـر معهـا جديـده والقـديـم=ياالبـر كـل الذخايـر هاتـهـا

والمنتـدى والمنـادم والنـديـم=راحـت وهـي ماقضـت لذاتهـا

عقب الطرب والتهانـي والنعيـم=الموت يرقـص علـى قاعاتهـا

تغيـر المنظـر الحلـو الوسيـم=اطفـت ليـال الفـرح شمعاتهـا

كيف اصبحـت يامسلِـم ياسليـم=يستوحش الموت مـن صيحاتهـا

اجسـام متعثـره بيـن الهشيـم=تخلفـت مــن ورى عجاتـهـا

واللي بقـي حـي متبلـد سقيـم=لـه روح ماتحتمـل علاتـهـا

زودٍ على اللي حدث فكره يهيـم=خايـف تعـود لهـا هزاتـهـا

من وين ماتلتفـت منظـر أليـم=مشاهد المـوت فـي لحظاتهـا

كم ابتلع طايـش البحـر الغريـم=ارواح ضاعـت بهـا حيلاتـهـا

جارف جرف ماوجد فوق الاديـم=الواقفـه فـي طريقـه شاتهـا

لا يابحر جعل مانته لـي خصيـم=ليلـه علـى جانبـك ماباتـهـا

اشوف لولـك ومرجانـك ذميـم=واحنـا نفـاخـر بملبوساتـهـا

والحوت ماناكلـه شمـه وخيـم=الله خلـق بارضـنـا جناتـهـا

وصلوا على هادي الدرب القويـم=صـلاه ترجـح بهـا كفاتـهـا


شاعر الجزيره علي بن محمد القحطاني