صياف العصيمي *** مستور العصيمي (قديمك نديمك)

السلام عليكم ورحمة الله وبركاته مساكم الله بالخير
محاورة مشهورة وفيها تتمتع بالمعاني المدفونة الغير واضحة الضاربة في القوة واليكم المحاورة
صياف :
اشوف مستور العصيمي جاب حمله وجمله ** ** الياقضـى تمر الحسـا جاني يبا تمــر القصـيم

إن مد وحده من يداه أملا يـدي واحــط له ** ** وان كان مد يدينه الثنتـين أقــول الله كـــريم
مستور :
لن كان عندك تمــر جيـتك بالبعـير وحمله ** ** لكن لاتخلــط لي التمــر الجـــديد مع القـــديم

اظـن صياف السحيمي ناسي ٍ وش قلت له ** ** وان كان ناسـي قــول ياصياف والله العظيم
صياف :
التمــر يامسـتور ماعــندك ســنون ٍ تاكله ** ** أكل الضروس السوس والنيبان مافيهاالسلـيم

ياللي تبا ترضي هذاك وذاك تبغى تزعله ** ** اهـــون علـيك اللفلـفه والا الطــريق المستقيم
مستور :
لابــدنا نلقـــــى لنا غيرك عميل نعامــله ** ** وأناضروسي من حديدوتكسر العظم الصميم

لن كان ماتـدرون ويـش الراي خلـوه لهله ** ** قـــد قــيل بالامثال مانــزال شــــددله مقـيم
صياف :
ينفــك باب الخـير للطـرقـي وحظـه يقفله ** ** درب الصحــيح يدله العاقـل ويخطيه الغشيم

إليانقصــت الكـــيل والمكـيال قلنا كمله ** ** حنا ترى ماعندنا فاصحا بنا خشـم وخشــيم
مستور
بان الصحـيح وكل رجال ٍ عرفـنا منــزله ** ** أحد ٍ حياته في شقا واحـد ٍ حياته في نعيم

اللي يبا كحل العيون يلـد يمـي واكـحله ** ** والاعلى قول المثل مافى الغريم الا الغــريم



وسلامتكم وصح لسان الشعرا

مشكور اخوي العزيز على النقل

__________________