السلام عليكم و رحمة الله و بركاته

أخواني الكرام


ألا ترون ان الشاعر فالح بن قشعم الهاجري

جدير بالتأهل و لكنه ظلم من قبل اللجنة


فقد شبه الكويت بالفتأة الجميلة التي تنعم بالستر في ظل أبناء الكويت


الشاعر فالح بن قشعم لم يكن أي شاعر يشارك في المليون

الشاعر فالح بن قشعم كان شاعر الابداع و المعنى

و قد تفنن في سبك ابيات القصيدة و حبك عددها و فكرتها

فقد كانت مترابطة جداًُ بخلاف بعض الشعراء الذين أتوا بأبيات مفككه أو تحمل معاني سطحية أو تحمل مفردات غامضة


و في رأيي أن لجنة شاعر المليون ظلموا الشاعر فالح بن قشعم

و لم يعطوا القصيدة حقها


فقد انتقد الدكتور غسان الحسن الشاعر فالح بن قشعم عندما شبه الكويت بالفتاة الجميلة التي شامت لشيخ ٍ شعبه يحبونه و أنها تنعم بالستر و الأمان في ظل ابنائها الكويتيين .

(( و سعد و فرح حينما شبه الشاعر ناصر الفراعنه نجد بالفتاة العروس ذات الأرداف الكبيرة و الأنهاد المقوسه ))

فسروا لي هذا التناقض العجيب ؟ !!





القصيدة بعنوان

(( بسمة الفكره ))


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=1 line=1 align=center use=sp num="0,black"]
يالله انّي في ذراك .. امن الشعور الغابي = ومن تسوّل بعض الأنفس .. والفؤاد .. وشونه

لا أنكسر حلم الطموح .. وغلقّت الأبوابي = وضاق صدر الحق .. والمسلم تغيّر لونه

أحمني من زلةٍ تحدث عليّ أسبابي = ومن كدر وسع الصدور .. وعبرةٍ مكنونه

فاح طيب العود .. والطاري طرى وأنسابي = وأنسجم بيت القصيد .. لراعبيّ الحونه

( وأسفهلّت بسمة الفكره .. ونال أعجابي = كل بيتٍ في قوام المترف المزيونه )

جادلٍ من غيّها .. يحسب لها الف أحسابي = ومن عيون الحاسدين وحسدها مصيونه

درةٍ ماحافها الغوّاص والجلابي = من وراها السيف الأجرد .. والمشوّك دونه

ومن محاسنها تواضعها بحسن أدابي = ومن كرمها .. تكرم الليّ بيتها ينصونه

ومن ولاها لهلها .. تفخر بها الأجنابي = ومن بشاشتها تموت النيّه الملعونه

ومن طهارتها وعفتّها .. لبست أثيابي = ومن تسامحها .. تباها كلّ نجم بكونه

وكلّ لون يليق في عود الشناق النابي = لا أطرقّه صفق الهوى .. عرّض هواه أردونه

السواد بطرفها .. تغضي به الأهدابي = كنّه موصى على نجلّه .. وحبّة نونه

والحمار بخدّها .. يعني هدوء أعصابي = وله نصيبٍ من شفاياها وفيه أنمونه

والبياض بوجهها يقرا عليه أكتابي = من سخط كيد الحسود ونظرته واعيونه

والخضار بموقها يفرح به الأعرابي = أيتزوّله ربيع بموقها يرعونه

طامحٍ شامت من الخطّاب والعزّابي = تصفق أصبعها .. لعشّاق الهوى وأفنونه

كثر ماجاها من العزّاب والخطّابي = شامت وشامت لشيخٍ شعبه أيحبونه

من ولاها له .. ولاها من غدر الأصحابي = ومن طمع حلم الطغاة .. وزمرةٍ مغبونه

مدّ جوده للبعيد يعمّ والاقرابي = كمّ دوله عمرّت من شيكه ومليونه

لين صار اسمّه مثل تضربّه الأشنابي = من تهقوابه بطيبٍ .. ماتخيب ظنونه

لأقبل اليوم العبوس .. وشنّت الأصعابي = حلّ عقدتها وحمّلها بحمل أمتونه

عشت ياشيخٍ غلاك بدم شعبك دابي = وكل شعبك بالولاء لك يعلنون العونه

صفّ واحد مانحيد .. وصفّنا ماهابي = دون جابر والكويت .. أعمارنا مرهونه

مايهيبّنا سوى المتكبّر الوهّابي = واحدٍ كرّم لحانا من مقّر الهونه

ومايزعزعنا تطرّف .. وأنحلال أحزابي = شلةٍ متشرذمه .. وأفكارها مجنونه

أتزوّل بالسلام .. وسلمهم كذّابي = وكلّ منهم نيتّه مدحورةٍ مقرونه

أيه يأرهابي .. تعال أبنشدك يا أرهابي = وش هدفك أمن الكويت .؟ ووش تبي ؟ بحصونه ؟

كان قصدك زعزعة الأمن .. وشغب .. وأنشابي = والله أن تبطي .. وربعك .. ماتهزّ أركونه

الكويت أمحصنّه .. وأزنادها سبّابي = دونها ظلعٍ متين .. وقوّسٍ مسنونه

أن ضربنا كلّ سلبي .. ينقلب لأيجابي = وأن بطشنا نركي الجمره على غليونه

كلنا من دونها ستر وذرى وأحجابي = ومن يخون بديرته جعل السنين تخونه

شاعرٍ عن شعب جابر يعتبر نوّابي = وابن قشعم لاتكلم كلمته مضمونه

صفّ واحد مانحيد .. وصفّنا ماهابي = دون جابر والكويت .. أعمارنا مرهونه[/poem]




أترك لكم المجال للتعليق

و لكن أتمنى منكم الصراحة الصراحة

و لي عودة باذن الله ،،،



شاكر و مقدر لكم حضوركم و تعليقكم ،،،

__________________

بيــض اللـه وجهــك يا أسمـي علىـى الطـرح الجميــل والرائــع

لشـاعر المـبدع فـألـح بـن قشعـم اللـي اتحفنــا بقصيـدتـه

وعــز اللـه انه شـاعر وافـي ومن ربـع وافيــن

والله اني كنـت متوقـع بيتـأهـل من قبـل الجنـه لكـن بصراحه تفاجئـت بالنتيجـه

اللي عطوهـأ شاعرنـا والقصيــده جـزله بمعنـىى الكلمـه وهـذا ظلـم والله

بس يالغالـي اذا ما خانتـني الذاكـره ان قصيـده ابـن قشعـم اللي نزلتـها انـت فيها كـذأ كلمـه مب صحيـحه

يعني مثـل هـذا البيـت : مـد جـوده للبعيـد يعـم والاقـرابي وكـم دوله عمرت مـن شيكـه ومليـونـه



ويعطيـــك الـف الـف عافيــه علىى الموضوع

وتحياتـي لكـ ..

ارحب يا سمي


و الله لايهينك على تعليقك الرائع


و بالنسبة للبيت تم التعديل

__________________

الشاعر فالح ابن قشعم شاعر تشهد له قصايده وتاريخه الشعري قبل الالتحاق ف مسابقه شاعر المليون

واللجنه بدأت تخبطها حين قامت بترشيح الصخري والصخري نفسه ماهو مصدق انه يوصل ويرشح فوري من اللجنه ولكن الله يوفقه

وقال الصخري شهاده على قوه المجموعه الي معاه في الحلقه الثالثه هم اثنين كنت اتخوف منهم الفراعنه وفالح القشعم وهذا يكفي على

قوه وجزاله فالح القشعم وانشالله وباذن الله انه بيتأهل وبيوصل وبيرجع وهو رافع البيرق

وبالتوفيق له ولكل صبيان اقحطااااااان المشاركين



مبارك لاهنتتت

والله تعبت وانآآآ اتكلم عن انتقآد غسآن لفآلح واشآدة غسآن لنآصر








الله يعطيك العآفيه ولآهنت

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com

الصخري اهلوه لان موراه لابه


بس ابن ق شعم يدرون بني هاجر وقحطان وراااااااااااااااااااااه

__________________
ادخل ضروري يا بن عمي تكفا

بيض الله وجهك على الموضوع

وبيض الله وجه بن قشعم على القصيده الجزله

أما عن الظلم فما أعتقد إنه بيظلم واللي تأهلو بتصويت اللجنه للأمانه يستاهلون وابن قشعم ما هو بعيد منهم في التميّز

والله أعلم

مشكور اخوي على هذا الطرح


وهذا ما يبرر وجود اكثر من علامه استفها حول حياديه اللجنه

معا احترامي الكبير للشاعرين

ولا ننسى الموسم الاول عندما قرانا في الصحف ان الشاعر اليمني والشاعر عبيان اليامي في احد الحلقات حصلو على نفس المجموع من النقاط ولاكن تم تأهيل اليمني على حساب اليامي لان اليامي يملك جمهور يستطيع من خلاله ان يتأهل

فهل هذا تبرير مقنع

هذا معا اني من متابعين البرنامج والمهتمين له
ولاكن هناك الكثير من الامور اللتي اختلف معا القائمين عليه فيها
ولاكن يبقى البرنامج ناجح

ولاننسى ماحصل للشاعر عبدالله الحبابي عندمى خرج من دور السته وكان المفروض ان يخرج معه واحد ثاني
لاكنهم طلعوه عشان يعطون فرصه للاخرين اكبر

هذا والسلام
واعتذر على الاطاله

أحسنت يا ابن حاضر ,, ولكن لازم نعي جميعا أنهم { اللجنة } ينظرون للوضع بمنظار ربحي فيحاولون أن اللي يدخل في التصويت من الشعراء تكون قبيلته أكثر عدد ,, وأكثر حمية فقط ,, أما المعايير الشعرية فهذا آخر ما يهمهم ,, والبرنامج ناجح بكل المقاييس ,, يزن كل أمر بحيث يراعي من سيرشح ,, ويراعي من سيدخل في التصويت فالقائم عليه أناس لهم باع طويل في الاقتصاد ,,, وحتى في نفسيات الناس ,, ورغباتهم ,,

__________________
[frame="7 80"][poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الطيب له عند المطاليق مقياس=يتعب على كسبه عريب المجاني
ما هو على درب الرديين الانجاس=صعب على ولد الردي والهداني
ما كل من طب البحر صار غطاس=ولا كل قناص يجيب السماني
لا صار ما لك في ذرا المجد نوماس=اخير لك قبر هيال طماني [/poem][/frame]