مرثيـــــــــة مبكيـــــــــــه...

السلام عليكم ورحمةالله وبركاته

الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يزقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) .


والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم

بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ

وعندما كبروا تنكروا له وأصبح لا يريده أحد منهم مراعاة زوجاتهم اللاتي تأففن من خدمته..

ولم يرضون اولاده ان يسكن في بيوتهم إرضاء لزوجاتهم..

حتى صار لا يقوى على النهوض أو السير وضعف بصره...فذات يوم ارسل اليهممن يدعوهم جميها له

بحجة انه شارف على الموت وانه يريد تقسيم الورث بينهم...فلما اتوه قال هذه الابيات:


[poem=font="Simplified Arabic,6,white,bold,italic" bkcolor="white" bkimage="backgrounds/3.gif" border="double,thick,black" type=1 line=1 align=center use=ex num="0,black"]
قال الذي يقرا بليا مكاتيب=ياللي تقرون العمى من عماكم

ياعيالي اللي تشرفون المراقيب=تريضوا لي واقصروا في خطاكم

خذوا كلام الصدق ما به تكاذيب=مثل السند مضمون للي وراكم

ياعيال لا صرتوا ضيوف ومعازيب=ترى الكلام الزين ملحة قراكم

وتروا السبابة من كبار العذاريب=وهرج البلايس ما يطول لحاكم

المذهب الطيب فهو مذهب الطيب=والمذهب الخايب يبور نساكم

ياعيال ما سرحتكم باللواهيب=ياعيال ما عمر المعزب ولاكم

ياعيال ماضربتكم بالمشاعيب=ولا سمعوا الجيران لجة بكاكم

ياما توليت القبايل تقل ذيب=من خوف لاينقص عليكم عشاكم

وياما شربت السمن من عرض ماجيب=يـــفــز قــلبي يوم يبكي حداكم

أحفيت رجليني بحامي اللواهيب=وخليت لحم الريم يخالط عشاكم

ياعيال دوكم لحتي كلها شيب=هذا زمان قعودنا في ذراكم

قمت اتوكا فوق عوج المصاليب=قصرت خطانا يوم طالت خطاكم

عطوني القرضة عليكم مطاليب=عطوني القرضة جزى من جزاكم

لابد يوم عاوي دوني الذيب=بالقبر ما افرق طيبكم من رداكم

ماني بفاضحكم بوسط الاجانيب=باعمالكم يدرون كل اقرباكم

لوكان تدرون الردى والمعاييب=صرتوا مع المخلوق مثل خوياكم

خوالكم بالطيب تروي المغاليب=ولو تتبعون الجد محدن شناكم

وش علمكم يا تاركين المواجيب=حسبي عليكم هالردى وين جاكم

قصيتكم واسندت وادي سلاحيب=ولقيت بالصبخا مدافيق ماكم

ياعيال بعتوني (بصفر العراقيب)=ما هي حقيقة سود الله قراكم

يالله عسى اعماركم شمسها تغيب=يعتم قمركم ثم تظلم سماكم

يا علكم في حاميات اللواهيب=ياللي على الوالد خبيث لغاكم

شفت الجفا والحيف والغلبن والريب=بضلوعكم لابيض الله قراكم

عسى نساكم ما تحمل ولا تجيب=ولا حدن من البزران يمشي وراكم

اخسوا خسيتوا يا كبار اللغابيب=واهبوا هبيتوا يقطع الله نماكم[/poem]


وتحياتي لكم..

اخوكم/عبدالعزيزالرفيــــــدي..

__________________

شكراً لك ياعبدالعزيز وبيض الله وجهك


قصيدة رائعه واختيار موفق


تحيتي

بسم الله الرحمن الرحيم
السلام عليكم ورحمة الله وبركاته

شرفني مرورك يابو عابد والله لايهينك..

__________________

ما شااااااااااااااااااااااااااااااااااااااااااااااااا ااااااء الله
بااااااااااااااااااااااااااااااااااااااااااااااااا اااارك الله فيك

بسم الله الرحمن الرحيم
السلام عليكم ورحمة الله وبركاته


صح الله لسان القايل والناقل


ولك تحيتي

__________________

عبالعزيز الرفيدي بيض الله وجهك

ويعطييك العافيه علي النقل الاكثر من رائع

__________________

بسم الله الرحمن الرحيم
السلام عليكم ورحمة الله وبركاته

من قال لاهان..

وبيض الله وجيهكم..

والروعه في مروركم العاطر..

__________________

بسم الله الرحمن الرحيم
وعليكم السلام ورحمة الله وبركاته
لا هنت على الاختيار الجميل والموفق

__________________

بسم الله الرحمن الرحيم
السلام عليكم ورحمة الله وبركاته

من قال لاهان..

اشكر مشاركتك ومرورك..

تشرفت..

ولك اطيب التحايا..

__________________