بسم الله الرحمن الرحيم

السلام عليكم ورحمة الله وبركاته....


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ألا يا الله طلبتك طلبة اللي ما عبد الأصنام =ولا يرضى بغير الشرع تحريمه وتحليله

ولا يرفع يديه إلا لعرشك والعباد نيام =ولا صلى لغيرك لا مضى الثلثين من ليله

شهادة لا إله إلا أنت تشهد له على الإسلام =ولا يخفاك تسبيحه وتكبيره وتهليله

يارب العالمين وعندك أرزاق العباد أقسام =يا منجي نوح مخزي من غزا مكة على فيله

يا حي ما يموت ودائم ما غيرك أحد دام =يا محصي ما مضى من جيل واللي عاد من جيله

خلقت الكون كله بأكمله في ستة الأيام =يا ذخر العاجز المحتاج لا قلت محاصيله

ألا سبحان من بأمره ونوره تنجلي الاظلام =هدى رسله بقرآنه وتوراته وإنجيله

رؤف راحم يرحم قوي قادر علام =عليم عالم بالغيب يعلم سر تأويله

يقدر ما يشأ يفعل مراده يرزق الأيتام =يصرفنا معه بالأمر تأجيله وتعجيله

هدانا واهتدينا ما قطعنا الوصل والأرحام =نؤدي واجب المصحف وتجويده وترتيله

له الأسماء الحسنى ذو الجلال اسمه وذو الإكرام =أنا وحدة ولا شريك له عبده وأصلي له

وسع كرسيه أرضه والسموات السبع ما نام =رقيب فوق خلقه يرحم المؤمن وياويله

خلق من طينة الماء والثرى جلد ولحم وعظام =ومن فضله علينا محكم كتابه وتنزيله

لو إني ما رجيته رب من صلى الصلاة وصام =خرجت من النطاق وقلت يا دنيا من أنتي له

يا ربي رحمتك لا جا الحساب وصرت الأقلام =وفي دنياي تكفيني ثقيل الهم وتشيله

تشيله ما قدير إلا أنت فرجها على المنضام =أنا مخلوق يا خالق تزيح الهم وتزيله

ألا يا الله تقوّم حظي اللي عاجز ما قام =على من بشتكي غيرك ومن بشرح ظروفي له

دعيتك يا مجيب ويا قريب تخف الآلام =تفرجها على اللي زادت الدنيا غرابيله

أبي من نارك النجوى وأسالك جنة الأنعام =بيدك النار والجنة ومن عاداك يا ويله

يا ويله من عقابك غره الشيطان بالأوهام =نسى يوم الحساب وطفف الميزان والكيله

تمادى في خطاه وعاش في دنياه بالإجرام =يا ويله من عذاب القبر لا ضاقت مداخيله[/poem]


صح لسان الشاعر عبدالله بن شايق

على القصيده الجزله

وابن شايق ونــــعـــ10000ـــم


اشكرك على النقل


اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI