[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
على رب الملا جل جلاله = توكلنا عليه بكل حاله
إليه العبد يطلب ويتوسل= ويرجاه المثوبه والعداله
عظيم الشان سبحانه تعالى=إلاه كلنا نرجي ظلاله
أساله بالمغَفره والهدايه= إلاهٍ ما يخيب من يساله
سألتك وأنت ملجا الخلق وحدك= ولا غيرك من الخلق التجاله
أسالك في سجينٍ حكم قيده = وحكم الشرع نافذ لا محاله
إبن يصبا صدر يالله حكمة = وأنا أدعي له مع إن غيري دعاله
دعيتك يا إلاه الكون تكفا = تلين قلب من يطلق عقاله
تلين قلب من بيدة سماحة = راعي الوقفات كساب الجماله
ياصالح بأسألك بالله تعالى= تسامح فإبن عمك كم بقاله
ندم عن كل ما سوت يمينه = وطال به السجن وأنسم حاله
من أعتق نفس في الدنيا يا صالح = جنان الخلد بأمر الله مأله
وأنا بأطلبك في هرجٍ بأقوله = وقولي كل راعي طيب قاله
أنا في وجهك اليوم ان تعّتق= ولد عمك فدُوك أهل الفساله
بسم ربعي يابن جراد تكفا =نصيناك ونبي منك الجماله
ترى تكفى لها بالطيب مبدا = وراعي الطيب ما نجهل فعاله
بسم جمع أل مهدي يا قحطاني = نخيتك وأنت كفوٍ ينعنا له
يا صالح ذبحته وش قد تفيدك = كثر من فّيد الاجر اللي تناله
من الله وإكسب الطاله بعتقه = فعتقك لبن عمك زود طاله
أقوله وأطلب إن الله يَقبل = دعائي والفرج بيده لحاله
ولا أبغا غير كسب الاجر منها = وغير الاجر ماني بأعنا له
نهايتها صلاتي والسلامي = على الهادي وأتباعة وآله[/poem]


قصيدة لشاعر عبدالله المهداني



ونحن معك ومعهم قلباً وقالباً


تحياتي