[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
سـعــودبــن جـمــعــان

مرحباا باالشاعر اللـي مانشوفـه = مير عنه العلم من بـدري يجينـا


عدا ما برقٍ تكاشف فـي قنوفـه = وعد ما هلـت هماليـل الغشينـا

سـعــيــد ابـــوديـــه

البقـا باللـي ملكنـا بمعـروفـه = شاعرٍ وافـي ولـه حـق علينـا


ماعلى الدنيا مشاريـه وحسوفـه= فرقت شمـل الحبايـب مادرينـا

سـعــودبــن جـمــعــان

بارك الله فيـك يامكـرم ضيوفـه = مدركت الطولات من ماضي السنينا

ياسعيـد الكـل مشغلتـه ظروفـه = والامـر لله ماهـو فـي يديـنـا

سـعــيــد ابـــوديـــه

القمر نص الشهـر كـل يشوفـه = وانت في تالي السنه مـره تبينـا


شايف لـي تالـي الايـام شوفـه = انتبـه لـي لانبيـك ولا تبيـنـا

سـعــودبــن جـمــعــان

القمر لو غاب في حـزة كسوفـه = ينجلـي ويبيـن قـدم العالميـنـا


وانتي تبني طوفةٍ من فوق طوفـه = بس حنا في حجا المبنـى رقينـا

سـعـيـد ابــــو ديــــه

العلوم اللي على البـال معروفـه = (طيـبٍ واحـب سلـم الطيبينـا)


مهرةٍ) عوص ولاهـي بمعسوفـه = دونها الفريس والسيـف السنينـا

سـعــود بـــن جـمـعـان

واحـد مثلـك لـك الله ماتطوفـه = بس حنـا تبلـش العـراف فينـا

االسفينه يابيض الوجه مخطوفـه = شلحوهـا القـوم منـا مادرينـا

سـعــيــد ابـــوديـــه

ويش حيلة وحـدٍ خلـيٍ كفوفـه = مانبيهـم يفرحـون الشامتيـنـا

علة القبطان ماتت وصـط جوفـه = وش عليكم يالمطيري وش علينـا

سـعــود بـــن جـمـعـان

طرقةٍ ياسعيـد ماهـي بمخلوفـه = كان منها الخيـر عيـا مايجينـا


كان كلـن للقـاء جـرد سيوفـه = ويش عندي منك يـاذرب اليمينـا

سـعــيــد ابـــوديـــه

الليالـي ماعطـت كـلٍ شفوفـه = كان تبغا الصدق والعلـم اليقينـا


العنب لاصـار مانشتـو قطوفـه = حامـضٍ حالـي وحنـا خابرينـا

سـعــودبــن جـمــعــان

واحد مايشرب الماء مـن كفوفـه = عـده الفنجـال لوانـه حديـنـا


لاترجى مـن معاديـك المروفـه = اغـز دار القـوم قـدام اتغزينـا

سـعــيــد ابـــوديـــه

التقـي مـارده الا كثـر خوفـه = والقدر مكتوب في عالـي الجبينـا


ياطويـل العمـر مافيهـا كلوفـه = دام مـا بعنابـهـا ولا شريـنـا

سـعــود بـــن جـمـعـان

ظافو الميدان واقفوا في صفوفـه = قالـوا ان المشكلـه منـا وفينـا


واكثر العربان هالوقـت مهروفـه = جعـل خـلاق المـلا لا يبتليـنـا

ســعــيــدابـــوديـــه

الجبـل ذاري الهبايـب مايلوفـه = ونتبـه للعلـم يالعقـل الذهيـنـا


خلفةٍ درة وهـي ماهـي عطوفـه= لا حلوب ولا ركـوب ولا سمينـا

سـعــود بـــن جـمـعـان

لا انتهى ياصاحبي وقت البروفـه = ماخفـا ياسعيـد صيـوره يبينـا


مابقى بعد الغـزو غيـر النكوفـه = وان تكاتفنا صبرنـا و اقتضينـا

سـعــيــد ابـــوديـــه

من غدا عن دربنـا قلنـا ذلوفـه = والصبر باب الفـرج للصابرينـا


الزمـن هـذا تحيرنـي وصوفـه = مقبـلٍ مدبـر وعيـا يحتريـنـا
[/poem]

__________________