[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عبدالله بن عايض الفهري :
يا سلامي والعب بكيفك وانا بلعـب بكيفـي=والعلاقه بيننا يا صاحبـي فيهـا التماسـي
دامنا نتعب على شان الهدف لسمى الشريفي=ما لنا إلا نلعب الليله على طرق(ن) حماسي
معجب القحطاني :
مرحبا ترحيبه (ن) والهرج خله حده سيفي =وانت لك ثوب (ن) مقاسك مثل ماثوبي مقاسي

انت شاعر مالقينا لك بها الدنيا وصيفي=غير خلك حذر لامن صار خصمك شخص قاسي
عبدالله بن عايض الفهري :
اربط (ا)حزام الامان ولا تجي حد الرصيفي=وخل راسك يا عميلي عالي(ن) بوزان راسي
بيننا رحلة شتاء وبيننـا رحـلات صيفـي=والبواخر تنتظرنا فـي موانيهـا رواسـي
معجب القحطاني :
والله اني معك الين الحين انا قلبي نظيفي =وكان وصلت للعلوم الثانيه ياقو باسي

بيننا رحله ربيع وبيننا رحله خريفي =كل ماكملت فصل اجيب لك فصل (ن) دراسي
عبدالله بن عايض الفهري :
انت معجب وانت تعجب ما انت يا رجال فيفي=ليه ما تضرم على برية(ن) تجلى العماسـي
تسكن بنجد العذيه ما تجـي يـم القطيفـي=وانت تلعب في فريق الشعر يا معجب أساسي
معجب القحطاني :
وانت ابن مفلح ومن قحطان ماقلنا عطيفي =وليه ماقدمت للضيفان حيل (ن) فالتباسي

والله اني فارس الميدان في نجد وعفيفي =وانت مالك عندنا فالملعبه منصب رياسي
عبدالله بن عايض الفهري :
كان ما شديت حيلك راح تنزل للرديفي = الاساسي ما يجي به واحد(ن) بارد حواسي
وان بغيت الحق ما يرقى على راس المنيفي = كود رجال(ن) على لخطار بالرجلين داسي
[/poem]





الله الله

__________________