شنطه ؟؟؟ ياجماعه ماعاد احد صار يطلب شنطه الايام هذي

غتر لخوالها ؟؟

فلوس لخالاتها ؟؟

الصلح ماهو لازم تكون السفره من الطرف للطرف
___________________________________


أنا اللي اشوفه بالعكس ان قحطان زواجاتهم متيسره

المهر يتراوح مابين 50.000 إلى 60.000 وإذا جاك ابوها يتشرط اكثر من كذا كبه واتركه وبنات قحطان واجد .

والمهر امره سهل , اضغط على نفسك سنه او سنه ونص وجمع من رواتبك لو خمسين الف ( صدقني راح تقدر ) والباقي روح الحمراني وطلع لك ددسن غمارتين جي ال اقساط ورح بعه في المعارض بحوالي 54.000 على اقل احتمال , على كذا صار معاك حوالي 105.000 ريال , ترى ماهي سهله , غير اللي راح يجيك منا ومنا ,

الصلح على أهل العروس , عطهم المهر وانتهى الموضوع

بقيمة 20.000 إلى 25.000 بتحصل لك أحلى قاعه

أو تزوج في إستراحه كبيره ماراح تكلفك 5.000 ريال بس الله يقويك على الذبايح ب 4000 آلاف ريال بتجيبلك نعيميات على كيف كيفك .

من ناحية الشقه ياخي مو لاازم تأثثها باكامل , أهم شي غرفة النوم والصاله اما المجالس اشترلك كم زوليه ومساند عبر فيها حالك ألين تتحسن الأوضاع . على فكره ب 11.000 بتحصلك غرفة نوم زي اللوز .

لو تجمع جميع ماذكر ماجاء 110.000

طبعاً هذا على اقصى الإحتمالات , وزد على ذلك فلوس المعاون

ويادار مادخلك شر

إلا إذا كان واحد مغرز عند البنت وابوها قام يتشرط عاد الله يعينه

(ومن يبغى الدح لايقول أح)

قال الله تعالى ( ومن يتوكل على الله فهو حسبه )

__________________
الباب الاسود !!