سلام عليكم ورحمة الله وبركاته

أولى مشاركاتي


قبل سرد أبياتي..... (

في أحدى المنتديات أبيات لم تمر علي أخوكم مرور الكرام للشاعره الشمريه عيطموس الطنايا

لما لمسته في الأبيات من شموووخ وعفه تفووووق الوصف)

تقول أبياتها :


جر القلـم واتـرك سمـوم الفيافـي
..................................صوب الشمال وذعذعت كل نسنـاس
مبـداي أنـا بالله عـون الضعـافـي
..................................اللي تعلى فوق عرشه عـن النـاس
ياللي جهلتوا كـل مـا كـان خافـي
..................................هذي قصيده واصله لكـل الاجنـاس
أنـا هنـوف وبالفعـايـل اسنـافـي
..................................قـرمٍ وعلمـه للرجاجيـل هوجـاس
أملـك جمـالٍ مكتسينـي ووافــي
..................................خِلقي و خَلقـي للبنـي صـار مقيـاس
ماني من اللـي مسلسـه عالخوافـي
..................................خفيفـةٍ بيـن الرجاجيـل تنـحـاس
دارع وشافـه كـل خبـلٍ وهـافـي
..................................لحمه رخيص يجوز له كل الالبـاس
دربي وأعرفه مـا يجيـه اختلافـي
..................................والحمد لله سمعتـي ترفـع الـراس
بنت اللـذي بالطيـب دايـم يشافـي
...................................من روس شمر جامعٍ كـل نومـاس
أبـوي شيـخٍ للخطاطـيـر لافــي
...................................من ساس ساسـه كاتبينـه بقرطـاس
لـه ميلـة عقـالٍ تجيـب العوافـي
...................................عد العقـال بغترتـه صايـر ألمـاس
وأخـوي (....) خوتـه مـا تعافـي
....................................ماهو من اللي يدعي ضيق وافـلاس
لـه دلتـن فنجالـهـا دوم صـافـي
....................................تربيع نجره للكـرم صـار نبـراس
وجدي عسـاه بجنـة اللـي نخافـي
....................................صيته على كل البشر ينهض الـراس
هـذا وأنـا بنـتٍ أجيـب القوافـي
....................................من راس راسي من شعورن واحساس
وشعري كما ثـوبٍ ثقيـلٍ وضافـي
....................................وراثةٍ من جـد جـدي مـن السـاس
تمت وصلـوا عـد رمـل الفيافـي
....................................على محمد عـد مـا عَـدّو النـاس
شفيعنـا يــوم القبـايـل تخـافـي
....................................من كثرة ذنوبه ومـن كـل الادنـاس

عيطموس الطنايا






على أثر الأبيات السابقه كتبت :


يالله ياللـــي عالم(ن) كل خافي
........................................... أعوذ بك يالله من كـــــــل وسواس
وارجيك ترحمني ليا سرت حـــافي
........................................... يوم الحشر والناس ماهمّها الناس
البارحه ياهيه ضاق الفضا في
........................................... واتسارعت ضخّات دمّي والانفاس
أكن ما بي في الضلوع النحافي
........................................... وتظهر مواريها على كفّ كــــرّاس
الجادل اللي عـدّت القاف وافي
........................................... صـدره علـى آفي وعجزه على آس
أنشهد انها مـدّت الشهد صــافي
........................................... وانشهد إنّــي بعـدها صرت محتاس
مكــوّنه هي والشموخ ائتلافي
........................................... ضــــد السخايف والسفاسف والادناس
اروع نموذج للترف والعفافي
........................................... النادره والجوهره روح واحســاس
بنت الرجال اهل القلوب النظافي
........................................... اللي لهم فـي صفحة المــجد نبراس
أهل القنا واهل السيوف الرهافي
........................................... واهل الكرم والجود والعزّ والسّاس
الشمّري.. لا اقبل مع الحشد لافي!
........................................... تكفيه طنـــخه ! ميلة عقال عالراس
والشاعر اللي تــــل جزل القوافي
............................................ له لابتن يفخر بهم عـــــــــزّ نوماس
راس صليب وضافي العـز ضــافي
............................................ من روس قوم(ن) مجدهم في الفضا جاس
من داعية قحطان والاسم! كــــافي!
............................................ بحر يتصافق لا اعلنو قرع الاجراس
وافعالنا وقت السنين العجــــافي
............................................ يشهد لهـــا التاريخ يوم الدهـــر قاس
وقت الرخى والسلم ! سلم وعوافي
............................................ ووقـــت الملاقى ندهك الباس بالباس
وصلات ربي عــدّ مزن(ن) ردافــــي
............................................ على محمـــــد خيـــــر من عالثرى داس

وسلامتكم

سعد بن ناجي

صح لسان الشاعرة ولسانك

قصيدة جزلة

ورائعة من رائع

أبيض وجه أخوي سعد

سعيد بن مذي

__________________
No thing

وقلت الرخى والسلم ... سلم وعوافي = ووقت الملاقى ندهك الباس بالباس



اررررحب يا سعد




صح لسانك عدد شعر راسك




قلت وابدعت



جزله من راس جزززل



اسلم وسلّم على اهل الاردن كلهم ... وعطنا علومك يا كحيلان





تحياتي وتقديري

__________________

صح لسانك



على هذه الرائعه



سلم فكرك وبوحك



واشهد بالله انك مبدع



لك مني كل الود والمحبه

__________________

بيض الله وجهك يابو احمد

__________________
صدمة شعوري بالبشر مو غريبه &&&&&&&لاكن الغريبه ليه انا ماتعلمت

سعيد بن مذي

صح بدنك لاعدمتك

ولاهنت يالغالي

أبو عبد الرحمن

البقى يالمرحب

وشهاده أعتزّ فيها من علم من أعلام الشعر


وبالنسبه لسلامك على اهل الأردن

ياصل انشالله

لاهنت يالذرب

ودمت بعزّ

بدر بن هادي


الإبداع منك وفيك

ولاهنت يالغالي

ابن فردان


مرحباً مليون

والله لايهينك

سلّم واسلم لاعدمتك

الغالي : سعد



صح لسانك ..


قصيدة رائعة ورد جزل ووافي..


وصح لسان الشاعرة الرائعة..


دام تواصلك وإبداعك..


ودمت بخير