السلام عليكم ورحمة الله وبركاتة

(((( منـــــــــــــــــقول للامـــــــــــــــــــانة ))

عندنا واحد بالعمل امريكي مسلم واصله باكستاني مستغرب من اشياء كثيره بالبلد ويقول انتم ناس تحبون الفشخره في معيشتكم رغم ان طبعكم محافظ وينبذ تصرفات البذخ وهذا الي سمعته يوم كنت في امريكا . يقول ياخي اول مره اشوف سكورتيه على بوابه عندهم اغلى السيارات واحسن الجوالات وحتى سكورتيه الراشد تلقى عندهم جوالات اخر موديل والسياره اخر موديل. حتى الموظفين اصحاب الرواتب المنخفضه تلقى تفكيره بس كيف يسدد فاتورته او قسط سيارته يعني مافيه اي خطط ثانيه او كيف يزيد راتبه.

قلت يامسكين ترى الدعوه فشخره بس لايهمونك . السكورتيه الي شفتهم برى السيارات الي معهم اقساط على البنوك والبيت اقساط على البنوك ولا يبقى اخر الشهر معه شي وتلقى جواله مفصول واذا كانت زوجته موظفه زين بعد تساعده .

فعلا ياخوان الي مايسأل عن ذي الامور ماراح يدري . ليش الواحد الي راتبه 5000 ريال يقسط له لاندكروزر ابو 160 الف وياخذون من راتبه 2500 ريال ويجلس 4 سنوات على 2500 ريال ويسب الحكومه ويقول مديون ومسكين وخذلك سلوف . ياخي ماحد قالك سو نفسك وش هالفشخره وين مقوله (مد رجولك على قد لحافك)؟ يعني اشتر سياره على قد فلوسك ومتطلباتك واشتر بيت على قدك وقد راتبك . الي راتبه 15 الف يختلف عن الي راتبه 5 الاف وكل واحد المفروض بيته يصير على قد راتبه .

اعرف واحد يشتغل في البنك الاهلي يقول يومياُ تجينا طلبات بشراء سيارات عن طريق البنك واكثرها سيارات غاليه . لاندكروزر - يوكن - اودي واكثر الي يشترونها عسكر وموظفين حكومه رواتبهم ضعيفه ويقول مدام الراتب موجود بجلس اسدد اهم شي اركب سياره زينه.



وفي وقت السفر تلقى الواحد يعتمد اعتماد كلي على الفيزا واذا رجع يجلس 4 شهور يسدد ويقول مو مهم مدام الراتب موجود بروح اسافر مع الخلق . هو يسدد اقساط سياره ولا جوال ولا يجمع للزواج .

ولا تلقى واحد وقت زواجه استأجر بي ام دبليو يوميتها 1800 ريال وهو سيارته الاصليه كامري ومصدومه من الجنب بعد . طيب بتلعب على العروس ؟ اذا جاء اليوم الثاني وشافت الكامري وش بتقول؟ انغسلت وكشت؟

حتى البنات فيهم حقهم . تلقى بنت موظفه راتبها 5000 الاف وكل راتب ينزل تروح للسوق وتشتري شنط قوتشي ام 5000 وتجلس مفلسه لين اخر الشهر وبعدين تشتري جزمه ماركه ثانيه ناين وست ولا يبقى في راتبها شي وتمر السنوات وهي على ذا الحال وهي معتمده على الزوج هو الي بيسوي كل شي .

ممكن هذا سبب ان الناس تحب المظاهر مو المخابر ومدام الشخص عنده سياره زينه او بنت عندها شنطه ماركه فلانيه يعتبر نوع من النواع الترف وان الشخص هذا شايف خير وممكن يلفت انظار الاخرين ويقدر يوصل للي يبيه عن طريق هذه الاشياء.

عندنا امريكي ثاني بالعمل عمره 40 سنه .. عنده كورلا موديل 90 وهو راتبه حدود 35 الف . وعندنا الواحد اذا ماصار عنده جوال ابو 2000 ريال وسياره فوق 100 الف ولا يعتبر نفسه مو عايش .

هل الناس اصبحت ترى المظهر اكثر من المخبر؟

هل وجود الطبقيه تجعل الطبقه الوسطى تريد اللحاق بالطبقه الغنيه؟

تحياتي للجميع

__________________

أجمل شي في ألانسان قلب صافي يدعو لك

والله أنه صدق ,, نموووووووووت في (( الفشخرة ))


الله يعين ,,, مشكور اخوي ابو ريان على النقل ,,,

__________________

موضوع كبير وله تشعبات كثيرة وهموم ومشاكل وهواجيس وافكار .. ولكن القناعة كنز لا يفنى،

والعاقل خصيم نفسه ... قبل ما يكون نهاية الديون والفشخرة الفاضية الى السجن والضياع، لاهنت اخوي ابو ريان

على الموضوع المميز ... لكن الله يرج رااااااااعي الكامري الاماراتي .. مهوب هين

__________________
[frame="7 80"][poem font="Simplified Arabic,4,white,normal,normal" bkcolor="darkred" bkimage="" border="double,4,darkred" type=1 line=0 align=center use=sp num="0,black"]
نحن بنو قحطان هوداً جدنا= وأجدادنا مثل الجبال الزحلي

قحطان وإن مسوا سروج خيولهم=اهتز مصر والعراق الأسفلي [/poem]

قــــ ذيـب ــــحــطان

قـــــــــــــــــطـــــر[/frame]

سبحان الله وبحمده عدد خلقه ورضا نفسه وزنة عرشه ومداد كلماته

أستغفر الله عدد خلقه ورضا نفسه وزنة عرشه ومداد كلماته

سحاب قحطان تحياتي لك على مرورك وشرفني

__________________

أجمل شي في ألانسان قلب صافي يدعو لك

اخي ذيب شرفني مرورك يالغالي وفعلا القناعة كنز لايفنى

__________________

أجمل شي في ألانسان قلب صافي يدعو لك

الله يوفقك يابو ريان ليش ماخفيت الرقم ترا الحين ابحث عن صاحب السيارة ادور لي كامري لواحد من الشباب وشكل الكامري ذي لقطة نظيفه وراعيها متزن

تحياتي

ابن حابي شرفني مرورك يالغالي

__________________

أجمل شي في ألانسان قلب صافي يدعو لك

اخي ابو ريان
بارك الله فيك وموضوعك جدا مميز


والافضل للشخص عندما يتمنى شيء ولم يدركه فلن ينظر الى خلفه وليس الى امامه، اقصد بهذا مثلا لمن تمنى قصر وفلل فليحمد الله فغيره لا يجد مسكنا ولا ماوى ياويه ولمن يتمنى سيارة فخمة فليحمد الله فغيره لم يجد حتى دراجة




تحياتي لك يالغالي

ابو ريان
لاهنت
على الموضوع اللي عزالله انه حاصل عندنا وطبعآ نعرف ناس واجد اكبر شي يهمه نوع السياره
تلقاه طال عمرك موظف بسيط وراتبه يالله انه يكد عليه ويطمر له في قرض علشان يشري له موتر
موديل جديد وماركه على كيفك ويروح الرويتب الماخوذ اقصاد لمدة خمس اوثمان سنين وكله علشان
مثل ماتفضلت الفشخره وعلشان يعرض على ال فلان وال علان ويشوفونه كاشخ على ذا الموتر والدعوى
مثل ماقل الأول ( فرعتها قاعتها )

__________________
[frame="4 60"]لااله الاانت سبحانك اني كنت من الظالمين [/frame]

أبو ريان الله يعطيك ألف عافية


والله الناس هالأيام زي ما تفضلت أهتموا بالكماليات أكثر من الأساسيات



تقبل تحياتي ومروري