ياسادتي رن الجرس

السـلامــ عليكـمــ ورحمـة الله وبركاتـه

هذه قصيدة للشاعر الكبير :عبدالله الشريف

بين يديكم

ياسادتي رن الجرس كم رن محد عبره
فز قلبي له وهذا صوتها واستشعره

صوتها الجبار يغريني ولااقوى استنكره
قلها ياهاتف هذا الزمن قد غيره

صار يألف من نزار ويقتبس من عنتره
صار يسمع خالد الفيصل كبير وأكبره

قلها إنه صار قاسي مثل عود العرعرة
قلها إنه صار راسي كالقلاع المبحرة

صار ناسي ويتناسى لو يرى ماذكره
كان له عود قديييم ثم تاب وكسره

كان له شعر طويييل ثم شاب وقصره
كان شيطانه قريب ثم ناب وسفره

كان هذا أول حديثي بين مدح ومفخره
ماشعرت إني رفعت الهاتف إلا بآخره

علها ماسمعت اللي قلت وارجو المعذرة
صرت اتمتم والجمل لو طاح كلن ينحره

علها ماسمعت اللي قلت وارجو المعذرة
قالت الا اسمع كلامك بل سمعت الثرثرة

أنت في طبعك غرور من تملك دمره
كيف تنكرني وفي ملعبك لو تدري الكره

من كلامك صرت قاسي مثل عود العرعرة
من كلامك صرت راسي كالقلاع المبحرة

قلت أنا عود تهشم مثل عيدان الذرة
قلت أنا يخت تحطم والزمن ماجبره

أعذريني واسمحيلي من تعذر ماانشره
جيت مقبل يمها كل الخطا مستنفره

علي أصلح مفسد الهاتف وبيدي المبخره
ناظرتني في غرور ثم ولت مدبره

صارت تحث الخطى وخطاي أنا المتعثرة
لو ترانا شوفة المهزوم والمستنفرة

عدت لادراجي حززين ومابنفسي مضمره
ضامني إنه جرجرة مثلي على كبري مره

عدت بيتي عدت لاطفالي ومابي اضمره
عدت واحكي من حكايات السنين الغابرة
..........................

اتمنــى ان تنـالــ إعجابكـمــ

وتقبلوا خالص تحيتي