الاخ العزيز الفاضل سنحان بن عامر
اخجلتني بعاطر مدحك وانت والله ممن يستفاد منه بارك الله فيك وفي علمك
ومشاركتك في الحقيقة زادت الموضوع قيمة ومصداقية .
تحياتي لك .

__________________

السلام عليكمـــ
ابو سعيد الجنبي كلامكـ مردود عليكـ من قال لك انا نستند في معرفة اصلنا على الكتب
نحن نرجع للعلوم هاذي من شيباننا الله يطول عمارهم والكتب ماهي مرجع الا للمضيع ولكن نحن ذكرنا الكتب اللي الفوها كتاب هواجر ومو معنى الكلام انهم المرجع لنا ابداً ولكن كلامهم يطابق كلام شيباننا
والكتاب الهواجر سواء سعود الهاجري او محمد الهاجري بشر يصيبون ويخطون مثل غيرهم مثل الحقيل والمغيري وغيرهم
حتى الحقيل في كتابه ذكر بني هاجر مره في شريف ومره في عبيده والمغالطات اللي تحصل مصدرها او منبعها بالاصح من ناس مثلكم يصرحون في الرايحه والجايه بشيء اما اخذوه من كتب او سوالف عابره
ابوسعيد انت ادرى من بني هاجر في اصلهم ؟؟
قلنا مليون مره شريف وعبيده مليون نعم ولاتسد فيهم وشريف وافين من غير بني هاجر
ابوسعيد مصادرك هي نفسها وكلامكــ تكرار ممل حتى للقاري الا من الاخوان اللي ماشالله خلوك استاذ بالكتابه وصارو مايستغنون عن معلوماتك
فياجماعه المنتدى هذا يدخله قحطاني وغير قحطاني فلاتخلون بني هاجر سالفه لكم فبني هاجر غنيه عن تعريفك لها يابوسعيد 000انت ليه ماتعرفنا على قبيلتك اللي الى حد الان مجهوله بالنسبه للكثير وقتها نقول قبيلته ويتكلم عنها براحته
الاخ شهوان سؤال لك خاص
هل الضياغم فقط ال شهوان وال رشيد والفغم او فيه غيرهم

االاخ عامر الكدادي
اريد أن اشرح لك جزئية ربما غابت عليك .
فيه فرقتين فرقة بقيت في مكانها الذي تواجدت فيه منذو أن خلقها الله ولم تحتك بأحد وبقيت محتفظة بأنسابها وأصولها .
وأخرى هاجرت وأضطرتها ظروف الحياة والحروب التي خاضتها الى تحالفات عديدة .
وأضرب لك مثل ( هاجر ) بالنسبة التي بقيت في ارض جدودها ( جد ) أصل ثابت .
أمّا بالنسبة للفرقة التي هاجرت هو حلف وأنا أدلل لك على ذلك بآل حمراء وآل داود والشعاميل والهرامسة والشرمان كلهم من بني زيد لكنهم في المهجر ينضون تحت حلف ( بنوهاجر ) هاجر بالنسبة لهم حلف .
ولو راجعت كتاب المهندس سعود الهاجري ( بنوهاجر دراسة تاريخية ) لوجدت أن المؤلف قد زار المناطق التي نشأ فيها بنو هاجر قبل هجرتهم وصور أثارهم وتعرف على من بقي منهم ووضع صورة كبيرهم ( فردان الهاجري ) على احدى صفحات كتابه وتلاحظ أنه اورد في صفحة ( 101) و (102) اسباب هجرت بني هلال قريبا مما اورته أنا في اصل الموضوع .
والمسألة بالنسبة لكم مجرد تعصب رآي فقط.

__________________

ابو سعيد ( الجنبي )
مدري بصراحه وش دخل بني هلال بالموضوع اللي تناقش فيه بس اشكـ انكـ من كثر قراءتك للكتب التبس عليك بني هاجر وبني هلال والا انا غلطان!!!
ابوسعيد انت تسأل شيبانكـ عن المواضيع اللي يصير فيها النقاش هذا؟؟ والا مسدح عندكـ الكتب وتختار منها
يابوسعيد لو اننا في عصر مافيه نت ومافيه كتب وش لون تناقش احد في المواضيع هاذي اكيد انك ماتملك من المعلومات الا القليل او احتمال انك ماتملكـ شيء منها
من عرفنا العلم ونحن مثل ماقلت لك مصادرنا شيباننا
لاتقول انتم فقط تعصبون للراي الكلام هذا المفروض مايجي منك يابو الكتب نحن نكلمك عن اللي اخذناه من الشيبان لاتقول بعد ان الشيبان متعصبين
انا هاجري وهذا تاج على راسي ويكفيني سواء كنت من عبيده او من شريف القبيلتين والله انها نوماس للي ينتسب لها
---------
اعيد واكرر عليكـ انت ليه ماتتكلم عن قبيلتكـ لانها بصراحه مجهوله لي وللكثير مو لشيء في النفوس لا ولكن راح يجيك احد ويعطيك معلومات ومن كتب تناقض كلامكـ
وعندها احب اشوف وش لون بتكون ردودكـ

الاخ عامر الكدادي
شكرا على الملاحظة وصلحت الخطأ .
ثانيا ليش تحس اني احاول اقلل من شان بني هاجر
بالعكس والله اني احب ان ارفع من شآنها وبني هاجر عصابة راس لكل قحطان
وسواء كانوا من شريف او من عبيدة الاصل في جنب
لكن هو مجرد سوء فهم اردت فقط اصلاحه ، لابني وابنك حتى لايستمر الخطأ في الاجيال القادمة .
أنا اقول لك مثل ابن دخنه الف كتاب لت وعجن في القبائل وادخل بعضها في بعض ادخل شريف في تميم وادخل عبيدة في شريف وهكذا في اكثر فصوله ووضع الكتاب في المكتبات دون ان يلتفت له احد وبعد فتره من الزمن يأتي يطلع عليه ويعتقد أن ما قاله ابن دخنه صحيح .

__________________

ابو سعيد ياخوي ترى كلامكـ كبير 000 انتبه وانا اخوك ترى هذا اتهام بعدم معرفتنا ومعرفة شيباننا
انت اخذت من الكتب وهي مصدركـ الوحيد اللي يجي على هواكـ وتركت اللي بعكس رايكـ
هذا وش معناه عطني اجابه على هالسؤال ؟
سؤالي00 الكتاب اللي من بني هاجر ايضا ماعندهم سالفه بما انك تبينا نتكلم بالكتب 000السؤال من احرص؟؟ الكاتب اللي يكتب عن قبيلته او الكاتب اللي كتاباته عامه عن القبايل كلها وخطاه مدموح مو مثل الهاجري اللي خطاه يجر عليه ويلات وزعل من ربعه
وبعدين هل معنى كلامكـ ان الكتاب الهواجر يتهربون من شريف وكأن شريف ناقصه !!!! شريف وانا اخوك كل يتمنى الانتساب لها
واللي تتكلم عنه في الموضوع هذا اصل 00مو سالفه والا قصيده كل ٍ له راي بابطالها او قايلها
ولايهمكـ المطبلين لك في المنتدى هنا وخلوك كاتبهم المفضل ويستشفون من كتاباتك وكأنهم فرحين على النقاش هذا
انت يمكن مايجيك من النقاش هذا الا كلمه من عضو او كلمتين لكن نحن نشوف بعيونا قبيلتنا صارت محل نقاش واراء وكأن مالها احد يدافع عنها لا وانا اخوك نحن من بيشه الى الكويت وكل ٍ له لسان ويجزع باللي يصير هنا
فنصيحه لكــ اتركـ الموضوع لنا نحن صبيان بني هاجر وادرى بقبيلتنا وخل الكتب اللي اشغلت نفسك بمطالعها وتترجمها عندنا هنا

نحن مو متعصبين لراينا 000نحن متعصبين لقبيلتنا
وسلامتكـــ

انا طرحت رآي في المنتدى الثاني اذا اعجبك أنا أنفذه .

__________________