[frame="2 80"]محمد الجربوعي لاهنت على النقل

وصح السان الشاعر الكبير فلاح القرقاح

والله يرحم عمه ويسكنه فسيح جناته[/frame]



[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=1 line=0 align=center use=ex num="0,black"]
الله يحسن عزانا في راعي الدوحه = ويقبل دعا اهل الفقيده والمعزيني
الكبد كنها بحد الموس مفذوحه = والعين تدمع بدم من شراييني
عليك يا ابو محمد مبعد الشوحه = أعز عم حزن فرقاه كاويني
قرقاحي وافي ما تقصر شبوحه = فيه النقا والكرم والخلق والديني
بيبان بيته نهار وليل مفتوحه = طبيعة ثابته فالعسر والليني
يوثر عوانيه وربوعه على روحه = لو حده الوقت يقضي الدين بالديني
زلاتهم قبل يعتذرون مدموحه = لا يرخص المقبيلن ولا المقفيني
يسعى لمصلوح غيره قبل مصلوحه = ويسبق على الروضه جموع المصليني
يمسح دموع اليتيم ويضمد جروحه = ويوصي عياله بعبد الله ويوصيني
وهذيك مشريه وهذيك مذبوحه = اما لضيفان والا مستحقيني
انا لاهلحين اشوفه واسمع مزوحه = من وين ما سرت ليهو ذا يباريني
كن الزياره لاجيت ابغيه مسموحه = وانا ادري أن الثرى من بينه وبيني
بيشد عونان لغبيره ومنفوحه = ومعروفه من القدم للراس كاسيني
حتى لو أن الشهاده فيه مجروحه = ما نيب ناسيه لين أوسد ايميني
عليه ورق الحمام انوح مع نوحه = طلق النبا والمحيا والحجاجيني
راح وقبل ما تصير الروحه الروحه = خلا لي دروع وسيوف تجريني
اخواني اللي ولدهم تكبر مدوحه = نسبهم أكحل به عيون المعاديني
انا سندهم لاباع النوخذه لوحه = وهم مخلبي بين الاجناب وجناحيني
قصر بساسه وباسواره وبسطوحه = عز وفخر جعلها ما تفقده عيني[/poem]