|
|
05-05-2006, 03:54 AM
|
المشاركة الأصلية كتبت بواسطة عامر الكدادي
السلام عليكم عموم المتصفحين شهوان ماشالله عليك الظاهر تحب الشعر كثير ومركز عليه مرحبا والله وغلا ياعامر الكدادي نورت الموضوع زين ابي تحكم على ردي هذا اوكي ياعامر انا برد على كل نقطه كتبتها وبثباتات ياعزيزي الكريم واليت ياليت ياليت انكم تسون مثلي  انت قلت ابي كتاب او مصدر لكلامكـ ابشر وانا اخوكـ وش رايكـ بالكاتب محمد الهاجري صاحب كتاب شعراء وفرسان من الصحراء مادام سعود الهاجري انتقدت كتابه اسمع وانا اخوكـ محمد الهاجري يقول :-الى عبيده تنسب قبائل جنب وولدت عبيد طبعا من معاويه بن الحارث ضيغم ومن بني ضيغم عبده من شمر , ولد لضيغم سلطان العبيدي الملقب بالمهاجر والذي تنسب اليه قبائل بني هاجر وولد لسلطان المذور منيف ومحمد جد ال محمد وحسن جد المخضبه هذا كلامه في كتابه صفحة 104 و105 زين ياعامر انت وش رايك بلكم الهايل من الكتب هذي ومن كتاب قداما وقدم من الكاتب الي تستشهد به ماذا تقول ؟ بني هاجر ) : من قبائل شريف ، موطنهم الأصلي وادي يعوض ، وفي أسفل وادي الهفلان ، ثم في ) المنطقة الشرقية بالمملكة العربية السعودية ، وفي قطر ، ودولة الكويت ، وفي الإمارات العربية المتحدة ، وعُمان ويقول كتاب اخر قال الشيخ عبدالله البسام : بنو هاجر بطن من شريف ، كانت منازلهم في سراة عبيدة ، قادهم شيخهم محمد بن شبعان في مطلع القرن الثالث عشر الهجري ونزل بهم من السراة إلى جنوب نجد ، فلما صارت المشيخة في حفيده شافي بن سفر ، نقلهم من جنوب نجد إلى منازلهم قرب الأحساء ، وبعضهم الآن داخل حدود قطر. ومن مشايخ بني هاجر :ابن شافي ، ابن طعزة ، ابن عايد، ابن بعيث ويقول كتاب اخر يضيف العلامة الراحل حمد الجاسر ( رحمه الله ) بقوله: ( هاجر ) ، وأحدهم هاجري ، وهم من شريف التي لا تزال في أودية تثليث وطريب والعرين في شرقي بلاد عسير كانت ديار بنو هاجر في عالية نجد بين الثُّعل والذّنائب في أوائل القرن الثالث عشر الهجري ثم في القنصلية في أعلى نجد ، ثم في سلوى بقرب قطر ،ومنهم اليوم في الظهران في السعودية. ومن ديار بني هاجر ( الجوف ) ، ويدعى جوف الحسا ، الواقع غرب بقيق وشماله الغربي ويقول كتاب اخر ومن ( جنب ) قبيلتا "شريف" و "بني بشر" ، وتدخلان مع قبائل عبيدة في حلف جنب ، ومنهم كبطن قبيلة ( بني هاجر ) من شريف. وجاء في نسب شريف قولان ، فأحدهما يقول :شريف الجنبي المذحجي ، ويجتمعون في جنب وهم أبناء بشر بن حرب بن كعب المذحجي. والقول الثاني ، بأن قبيلتا بشر وشريف ، من عمرو بن تميم ، من العدنانية ، وهم بنو بشر بن ثعلبة بن سعد بن الهجيم بن عمرو بن تميم ، وإخوتهم شُريف بن جروة بن أسيِّد بن عمرو بن تميم بن مرّ بن أد. ومن شريف: آل سريِّع ، عبدالقادر ، بنيوس ، بنو زيد ، بنو هاجر (6). أما بشر فتنقسم القبيلة إلى قسمين هما السراة وتهامة … وعن نسب جنب وسبب تسمية قبائل جنب (7) بهذا الإسم فهو عائد لجذور تاريخية ، حيث إن جنب اسم ( حلف ) ، وليس اسم رجل كما تؤكده ذلك كتب النسب ، وهذا الحلف معروف حتى يومنا هذا وبخاصة في تهامة قحطان حيث توجد قبائل متفرقة تعود في أصولها إلى إحدى القبائل المنتمية إلى حلف ( جنب ) مع سعد العشيرة حين محالفتها له ، ويطلق على القبائل التالية : قبائل عبيدة ، قبائل شريف جماعة ابن دليم شيخ قحطان ، وقبائل بنو بشر ، وهذا المتداول عرفاً لدى العامة لحلف ( جنب ). وللتأكيد على أن هذا الحلف المسمى جنب ) قد دخلته بعض قبائل عبيدة ولكنها ليست من صلبه قول شاعر من أبناء عبيدة الذين استقروا بسراة عبيدة ) ويقول كتاب اخر ومن بطون شريف بنو بشر، وبنو هاجر، وبنو بطون وأفخاذ ترجع إلى أصلين: وهما آل محمد، والمخضبة نرجع لقصيد ابن عفيشه الله يرحمه وهو على فكره الوحيد على مااعتقد اللي ذكر الضياغم وله اسباب ذكره للضياغم وراح اقولها لانه في يوم من الايام نشب نقاش بين ابن عفيشه وبين رجل اسمه سعيد وكان سعيد هذا شاكـ في اصل ال شهوان وعندها قال ابن عفيشه : حنا الذي يضرب بنا الوصف ياسعيد 00ضياغم من روس جنب وقحطان هواجر يوثق بنا في المعاهيد 000 وقحطان ابونا حافظين رصيده احسن شي جبته في هذا الموضوع القصيده هذي على فكره البيت الاول الشطر الثاني اخر كلمه غلط عندك بل قحطان المفروض عبيده وهذي القصيده لعمير بن راشد ال عفيشه ال شهوان ابن الشاعر الكبير راشد بن عفيشه ال شهوان واسباب القصيده مثل ماتفضلت ياخي الكريم لكن انا بقولك القصه كامله في يوم من الايام ياعزيزي الكريم وجد واحد من الخليل ال شهوان اورقه في مجلسه وفيها كلام بان ال شهوان ماهم من بني هاجر وكاتب اخر الورقه سعيد فاخذ الورقه ابن خليل وعد اسالفه على عمير بن راشد ال شهوان فقال القصيده هذي لكن المشكله الكبيره ياخي الكريم انك لاتعلم ان عمير بن عفيشه ابن راشد بن عفيشه ال شهوان وان راشد بن عفيشه هو الي كان يتغنى بقصيده بضياغم . وانك لاتعلم اني اطالب باي قصيده على عصر راشد بن عفيشه الي كانو على عصره ابن حرفاش وشعار الي ذكرت اسمييهم لكم . الحين نرجع لنفس القصيده الي انت حاطها [poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ياسعيد كان تســـــال جد وتحـفيــــد = لك معنــــوي باصلنا تستفــــيده يمكن عليك نزل بالخــــبر ونزيـــــد = انشد اهل التاريخ تلقى وكــــيده حنا الذي يضرب بنا الوصف ياسعيد= كل يبــــي منا معــــانز بديـــده وحنا وعـــبدالله ولد علي وعــــــبيد = غرامة دون الجــــدود البعـــيده وعبيد مروي صارمه في الاطـــاريد = والناس لافعاله شهود وقعـــــيده ومحمد الي لـــــبس تاج المقالــــــيد= سور الجبل حاميه عمن يريــده حنا وهم عصـــــبه بعد واتـــــــاكيد= ضياغم من روس جنب وعبــيده هواجر يوثق بنا في المــــــــــعاهيد = قحطان ابونا حافظين رصــــيده ونزهين من قرب الدنس والمــــناقيد= وعروضنا مثل الثياب الصــفيده وقصيرنا ما حن لبيـــــــــته رواويد= لا غاب منه لين حتى يعـــــــيده ولا نختبي دونه بالاشيا المزاهـــــيد= ويديننا في غالـــــي الزاد بــــيده ونتبع مراضي جاهله لو على الديد = ولاكرام جار البيت نفرح ولــــيده وان مر كلـــبه ماحذفنــــــاه بالحيد=لو كان مانرجي ورا الكلب صيده ونرعى مراحيله لو هي مغامـــــيد= وعلى كرامة ضيفنا هو قعـــــيده وخوينا نكمد مشــــــاكيه تكمــــــيد = لو مايهوجس يرضـــــى بتعويده وان جاوا اهل جيش ونايا مضاديد = ماذاقوا امـــــس الا شلاوي قديده نقحص لهم بالهيل ترس المبــــاريد= والبن يحمس جمر الارطى وقيده ونجهز لشــتوي دفوفه ملاهـــــــيد = ويفهق لهم عقب العشــــا به بريده وان زارنا العاني لبعض المقاصيد = متعلث ما ننشـــــده عن سديـــــده ونذبح سمان الضان له والامفاريد = ومن جاد للعاني فرحـــــــنا بجيده وان زارنا المجرم يقزي الاذويـــد= ينزل ويرحل ما جعل له نضـــيده فوق العلا نرفع مبــــــانيه ونشــيد= الين يبـــعد عن وطنا شديــــــــده وان هازنا ضــــد عمدنا بتكـــــويد = عود بغـــبنه عبرته في وريـــــــده ونجعل على زوره وسوم مجـــاديد = ويبطي وكبده من سنعــــــنا غديده وان انتزح مـــــنا ورا نازح الـــميد= فالجيش يقطع مســـــــتواه وقويده ماهو علــــينا لا بغيــــــناه ببـــــعيد= ونصبر على حر الزمان وجلــيده ناتيه في الكنــــه حلول المواريـــــد = مقيال والا نرضمه بتهجـــــــــيده يصبح قطيعه بيـــــن الايــدي تباديد= ويفرح لا ردوا عليه الشريـــــــده واقفوا على ابله شايلــين التـــغاريد = واعتاض في الهجمه زوامل رغيده ومن زان حــنا له صديق اجــــاويد = واخوان للشيطان لا فتل قيــــــــده لا حركوا الاسباب بعض المــــقاريد = نوطى على الزرب الصريع وهميده وان صار من عقب النساهل تلاديــد = فالرابح اللي مقبــــــلاته سعـــــــيده شغل النضا والخــــيل ما فيه تبـــنيد= في كل وقت لابســــــين عديــــــده وان ثار عكـــــنان كشف غرة القـــيد =ندعى النفوس الغاليه به زهيــــــده نقلط على الهيـــجا وحس البـــــواريد = لكون ماينفع عضيد عضـــــــــــيده الى وصــــلت الذلـــه معلق الا واريد = واللي معاه جري تقاصــــــــر فديده ونفرح الى صــــار صـــك وتســـــنيد = الى اسرغب الطارد بقبض الطريده وصار اجتوال الخــــيل تن وتفاريــــد = وكل يخايل غـــــرة في نديـــــــــده وهذا علــــــــيه معــودين تراديــــــــد = ونحيي الامور الماضـــــيه بالجديده وعشنا على صايب ومصيوب وشـــهيد= وهذاك ممــــنوع تعزف ذويــــــــده وهذاك معــــــتدي وذا كاســـــب فــــيد=واصبح يوزع بين الادنيــــــــن فيده[/poem] يعني هذي القصيده قالها الشاعر وهي تخص ال شهوان فقط يعني كان يرد على شخص ويثبت اصله الشاعر اوكي اتفقنا انه كان يرد على شخص اسئ لل شهوان فقط ( ال شهوان ) في البيت الرابع والخامس واسادس ذكر عبدالله وعلي وعبيد ومحمد هولاا كلهم ال رشيد [poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] وحنا وعـــبدالله ولد علي وعــــــبيد = غرامة دون الجــــدود البعـــيده [/poem] في البيت هذا اكد ان ال شهوان وال رشيد غرامه من دون الجدود البعيده يعني اقرب ناس لل شهوان هذي نقطه [poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حنا وهم عصـــــبه بعد واتـــــــاكيد= ضياغم من روس جنب وعبــيده[/poem] في البيت هذا اكد ان ال شهوان وال رشيد اقرب الناس البعض وقال شوف ونتبه ياخي عامر ( حنا وهم ) ضياغم ٍ من روس جنب وعبيده بعدين قال هذا البيت [poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] هواجر يوثق بنا في المــــــــــعاهيد = قحطان ابونا حافظين رصــــيده[/poem] لاتقول انه يقصد بني هاجر كلهم ضياغم بهذا البيت بعد لان هو ذاكر ال رشيد وعلى ماعتقد ان ال رشيد ماهم هواجرعلى فكره هذي القصيده كنت مخليه البعدين بس يوم ذكرتها خلني اوضح اتوضيح اتام معن القصيده واضحه جدا ً علشان كذا وانا اخوك قصيد شعراء وفريس ال محمد والمخضبه مايجون على ذكر الضياغم للتعريف باصلهم لا وانا اخوك فعلهم وفخرهم بقيبلتهم بني هاجر هو زبدة القصيد ومثل ماقلت لك قبل الشعراء مايذكرون حتى قحطان وهو مرجع الكل بقصيدهم الا وقت الفزعه يعني الشيء لايذكر الا لسبب وبعدين وانا اخوك انا ما اكتب هنا علشان ارد فقط لا 000انا اكتب علشان كل واحد يعرف طريقه اللي ماشي فيه انت وابوسعيد والاخوان اللي يساندونكم ببينه ومن غير بينه ياعامر انت مخربط في الموضوع القصيده هذي لعمير بن عفيشه ال شهوان ابن الشاعر راشد بن عفيشه ال شهوان وضحت لك كل شي فوق على فكره القصيده الي انت كاتبها الحين قصيده عمير بن راشد ال شهوان بينها وبين قصايد ابوه الي في الحروب لا يقل عن 80 سنه وانت الله يهديك تقول ان عمير بس الي يتغني في الضياغم انا طالبتكم بقصايد شعاااااااااااااااااااار من ال محمد او مخضبه يقول شاعر فيها عبيده او الضياغم على عصر راشد بن عفيشه ال شهوان وهم كثر منهم ابن حرفاش ومنهم شعار ذكرتهم في مشاركاتي الي طافت حنا هنا علشان نعرف الصحيح مو علشان الفاهم وغير الفاهم يتكلم بقيبلتنا وياليت نقلل الكلام في الموضوع هذا ونقفله اذا استمر النقاش على هالمنوال لان معظم اسئلتكم مكرره وهي يابني هاجر عطنا قصيدة حرفاش في عبيده 000 يعني لو قال القصيده كنتم بتصدقونه اذا كان على القصيد وانا اخوك ابشر باللي يدسم شاربك يومين وانا اكتب لك قصيده اني من الاشراف لو تبي 00منو اللي يبي يرد لساني اخي عامر لاتستطيع ان تحجب الشمس بيداك ياخي الكريم انا متاكد مليون في الميه انه لاتوجد قصيده واحده ذكر فيها اي شاعر سوى كان من ال محمد او مخضبه في قصيدهم ( عبيده او ضياغم ) الى شعار ال شهوان عزيز حتى لو تزور قصيد القصيد معروف وومثق توثيق لاتستطيع ان تاتي باي قصيده وتقول انها لشاعر وهي غير معروفه زبده الكلام لاتوجد ولا قصيده وحده ياجماعه كلكم 000عمر القصيد ماكان دليلنا في الاصول حكموا عقولكم ولاتنجرفون ورى كلام اللي يدري واللي مايدري لانه من غير المعقول يجي واحد بالمنتدى ويقول اول مره اسمع ان الهواجر ضياغم وانا لي اصدقاء بالهند ومدري ايش ولا قد سمعت فيها 00 لانه انت منت من بني هاجر والمعروف ان ربعنا من النادر يتكلمون في الاصول وبالمجالس هذا حكر على عيالهم ياعامر يعني الدلايل هذي متكفيك الكتب الشعار كلام العالم ؟؟؟؟؟؟ غريب امرك ياخي الفاضل وبالنهايه اختلاف الراي لايفسد للود قضيه |
05-05-2006, 05:27 AM
05-05-2006, 04:14 PM
|
المشاركة الأصلية كتبت بواسطة عامر الكدادي
صباح الخير اخوي شهوان
ماشالله عليك احسدك على سعة صدرك تقول ابن عفيشه الله يرحمه ذكر عبدالله وعبيد ال رشيد كلامك صح ذكرهم لانهم حكام مثل مايصير الحين مع شعار عنزه الحاكم مخدوم بالقصيد وانت لاتأخذ القصيده بشكلها الخارجي وانا اخوك القصيده خذ اللي ببطنها والهدف لازم تركز على الهدف من ذكرها مثل لو قلت لك انت بخيل وش بيكون ردك بترد لي بالقصيده انك فارس او من القبيله الفلانيه لا انت بترد علي بانك كريم وهذا اللي حصل مع ابن عفيشه هدفه تأكيد اصله قدام اللي شككـ فيه وعلى فكره معك حق في الخطأ اللي في الشطر الثاني من البيت الاول على طاري القصيد الشاعر حويدي العاصمي يقول وتامن من سمح الكعوب ثمانيه 000 يامن به الطياح والملحاق وحنا بني هاجر عريب جدنا 0000 في الكتب لمن فلت الاوراق العاصمي من قحطان لكن هل هو هاجري تعال اخوي شهوان انتم ليه هواجر ليه ماتقول شهوان الضيغمي والا ممنوع تنكتب انتم مو اقرب على قولتك لعبيده من قحطان وليه ماتكتبون العبيدي تدري ليه ماتكتبونها ؟؟؟ ماكنت احب النقاش يوصل لامور ليه وليه لان مالها تبرير الا بشيء واحد اما انكم هواجر وعلى قولتك وقولة ابوسعيد من شريف او ان بني هاجر كلهم ضياغم وان اختلف الجد اللي يوصل لضيغم وانت كل تركيزك على هات شاعر وهات شاعر نحن مانحن بحاجة شاعر يعلم الناس باصلنا ولا احد شككـ فيها حتى اكثر الفريس والشعار مايذكرون قبيلتهم الا لمناسبه وبأي قبيله الكلام هذا فياليت تركز على غير القصيد لانه مو اساس للنقاش او لانك انت ماتملك غير القصيد فهذا شيء ثاني |
05-05-2006, 04:30 PM
05-05-2006, 05:16 PM
05-05-2006, 05:33 PM
05-05-2006, 09:53 PM
|
المشاركة الأصلية كتبت بواسطة عامر الكدادي
السلام عليكم
شهوان من قال ان عندي قصيده لشاعر من ال محمد او المخضبه يذكر فيها الضياغم هذا واحد والثاني انت جبت قصايد اول مره اشوفها مو تشكيكـ فيها بس الحقيقه اثْرت ذاكرتي مرحبا والله وغلا ياعامر . الحمدالله العتراف بلحق فضيله يعني لايوجد قصيده لاي شاعر من شعار ال محمد ولا مخضبه من يتغنى بضياغم وعبيده اما عن القصايد بامكانك ان تسال عنها . ياشهوان انت تبي زبدة الهرج ولو عندي سماح بالرسايل الخاصه كنت ماكتبتها هنا ال شهوان من زمان وهم نازحين الى مكانهم هذا يعني قبل بني هاجر بزمن والحقيقه كان الكثير يشككـ بأصلهم من القبايل المتاخمه لهم ومن اجل هذا السبب انت ترى ال شهوان فقط اللي يفتخرون بضيغم وعبيده وماينسون طبعا قحطان لان محاولة التشكيكـ في الاصل تجعل الانسان يذكر اصله في اي موقف وانا والله ماقلت الكلام هذا لغرض في نفسي لا والله ولكنها الحقيقه وكل بني هاجر يعرفونها والحمدالله اعتراف اخر ان ال شهوان كانت هجرتهم قبل هجرت بني هاجر بفتره طويله . اما عن اتشكيك بنسب ياخي الكريم ساعطيك مثل وان شاء الله يكون واضح ال رشيد الان في عبده شمر الاتعلم ياخي الكريم انهم يتغنون في قصيدهم بضياغم ؟؟؟؟؟؟ هل معنى ان ال رشيد فيه ناس مشككين في نسبهم ؟؟؟؟؟؟ واذا اردت ياخي الكريم ان اضيف لك قصايد ال رشيد وهم يذكرون الضياغم انا مستعد من وجهة نظري المتوضعه ان تحليلك لهذا الموضوع ليس دقيق كلامي مو معناه اني مع وعلى 0000لاوانا اخوك بس انت تطلب شيء ماله وجود عندي من قصيد نفتخر فيه بالضياغم حتى اذا سألت اللي اعلم مني ردي علي بقولته وش حاجتنا بالقصيد هذا وماعلم عنه ياعامر لابد ان يرد عليك الشخص الذي لا يملك حجه مثل هذي برد هذا ( وش حاجتنا بالقصيد ) لكن يابن عمي الكريم حول انك تفهم الموضوع من جميع جهاته وراح تعرف الحقيقه . شهوان والاخوان اللي يتصفحون هالموضوع ياليت نقفل ذالموضوع والقلوب صحاح |
| الذين يشاهدون محتوى الموضوع الآن : 5 ( الأعضاء 0 والزوار 5) | |
| أدوات الموضوع | |
| انواع عرض الموضوع | |
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
العرض المتطور