[poem=font="Simplified Arabic,5,indigo,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هذه مساجلــــــــــة شعريـــــــة بين : آلشــــآيب , ونسيبه :مسفر ابن قبلا ...
************************************************** ****
بيّض الله وجه مسفر في النّسابه = يوم جوه فـقدّم الموتر جديدي
الموديل ألفين والعشرة حسابه =وارد التايوت مضمون الحديدي
القصيد اللي تزاحم لا غرابه =ياهجوسي حضّري ندّر قصيدي
أصخر القاف القوي وآفكّ بابه =من صفا صم الصّخر قافٍ فريدي
ابن مسعود راعي العليا رقابه=اعتلا بالطّيب في القمّة تليدي
طيّبٍ والطيب جاه من القرابه =الأبو والخال والراي السديدي
آل قبلا طيبهم كلّن درابه = يشهد الله والقريّب والبعيدي
راكب اللي لا نوى دربٍ مشابه =في الحبل ولا السهل ولا النفيدي
لا بغى الدرب الوعر ماهو يهابه = سايقه من عادته دايم وحيدي
تمّت وصلّوا على سِيد الصّحابه = قدوة الإسلام في الجنّة شهيدي
************************************************** ****
مرحبا يابو دخيّل بالنّيابه = عن نسيبك و آل قبلا من رصيدي
انت راعي الأوّله ذيب الذّيابه = وانت راعي الطّيب والفعل المجيدي
انت رمزٍ للمكارم واللبابه= و القرامه في دماغك والوريدي
من تهقوى بك يكفّن في ثيابه = الشّجاعه من جدودك للحفيدي
وإن طمع مسفر براسك في شبابه = فإن خواله هم زنودك ياعضيدي
آل جوخان من أيّام الحرابه= طوّعوا من كان جبّارٍ عنيدي
جاك مندوب آل قبلا بالإجابه = مرسلٍ مخصوص مايرسل بريدي
إن سَرح من دارنا ولا سرابه = مايفكّر في الحاره والجليدي
ماحسب حق التعب ولا إنتدابه = جيّتك منها يعوّد مستزيدي
يا صلاة الله عدد وبل السّحابه= لـلنّبي , وعداد خوصٍ في جريدي[/poem]