...لي بنت عمٍ ما وطت درب الأدناس..

لي بنت عـم ماوطـت درب الادنـاس
تنسب هذه القصيده لشرعان السويدي الشمري
والبعض الاخر ينسبها لحسين الاطرق السويدي الشمري ولكن الاغلبيه تتفق على الاول

وتدور احداث القصة في قصة عشق بين الشاعر وبين ابنة عمه الى وصل الامر الى الزواج وكانت هذه المراءة من اجمل بنات قبيلتها وعرفت بجمالها الكبير وعرف الشاعر شرعان بحبه لها وكان النساء في ذلك الوقت (يروون) الماء من البئر وكانت تذهب هي وخمسة من بنات قبيلتها وذات يوم اتاهم قاطع طريق وطلب ان يقبلهن واحده تلو الاخرى والا سيقوم بقطع (قربة) من ترفض ووافقن جميعهن الا هي لم ترضخ فقام بشق ( القربة ) وخوفا من الفضيحة قام باقي النساء باشاعة خبر بين القبيلة انها مكنته من نفسها ونتيجة لبعض العراك الذي حدث شق ( القربة ) وانتشرت الكذبه فيما بين القبيلة حتى وصل الامر الى شرعان وقام بتطليقها لكنها كما يبدو بينونه صغرى يستطيع ان يسترجعها من خلالها وبعد مضي 3 اشهر جاء قاطع الطريق وبين حقيقة الامر وعندما علم شرعان بالحقيقة ذهب الى عمه لاسترجاع زوجته لكن عمه رفض في البداية فكتب هذه القصيدة التي كانت سببا في عودة زوجته اليه ويقول فيها :



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مافوقهـن كـود الدويـرع وجـلاس = وسفايـف بـيـن اربــع يلعبـنـي
تحركن مـن عندنـا حيـن الامـراس = ومضـى سـواد اللـيـل مابركـنـي
حكن علم عذفا يسـارن مـن الـرأس= والظهـر مـع ورد الحفـر يشربنـي
وحطو لهم مع هقلة الحضـر بـلاس = عن الحضر واللي بالخلا يسرحني
وليا لفيتـوا عنـد مدقـوق الالعـاس =الجـادل اللـي بالمحـبـه محـنـي
قولوا على حبل الرجا نطـوي اليـاس = ولبيـض غيـره كلـهـن يحرمـنـي
ولو يندوي جرحـي دويتـه بزفـواس = ولا بني رفاف البيـت منكـم ومنـي
والله يعـلـم بالخفـايـا والآجــاس = حيث مضى من صغـر سنـك وسنـي
وياعم اللي طعت بي هـرج الانجـاس = طاوعت هرج الناس واخلفـت ظنـي
طعـت بـي ياعـم دايـس ودربـاس .= وعــوارض صدقتـهـا وابعـدنـي
ومن لااخذ من درس الاسلاف نبـراس = تمضـي حياتـه بالرجـا والتمـنـي
واقفيت ادير بظامـري كـل هوجـاس = علـى وليـف بالحشـا غـاب عنـي
تكبي خواطرهم ليـا جيـت عسـاس =ولاتقـل انـا منهـم ولاهمـب منـي
ومريـت دار ماتقـل جنـة الاونـاس =وونيـت ودمـوع العيـون ذرفـنـي
جيت المراح اللي بالعشـب محتـاس =العشب فـي مضـرب وسـادة معنـي
محذا شبـة النـاس ومشتاقةالـراس = وثــلاث لايـبـكـن ولاينبـكـنـي
لي بنت عـم ماوطـت درب الادنـاس =ولادنسـت يـوم النسـاء يدنسـنـي
ضربتها وانا احسب الضرب نومـاس = طلقتهـا يـوم افخـت العقـل منـي
ياناس كيف العين تبكي علـى نـاس =وكيف العيـون بـلا رمـد يسهرنـي
لو ينشكي حبي على ذيـب لاخمـاس = يسـرح مـع الطلـيـان مايجفلـنـي
ولو ينشكي حبي على طيـر قرنـاس=اضحى الضحـى بمويكـره مستكنـي
ولو ينشكي حبي على قـب الافـراس = عيـن نهـار الـكـون لايفزعـنـي
ولو ينشكي حبي على الميت مانـاس = يثـور مـن بيـن النصايـب يونـي
ولـو البيـوت مشددينـه بالامـراس = عيـن مــع الخـفـرات لاينبنـنـي
وحتى النجوم اللي مع الليـل غـلاس=لـو ينشكـي حبـه لهـن وقفـنـي
ولو ان غوطة (دم سلمان ) واضراس = يـدرن بماقلـبـي لقلـبـه يكـنـي
تلقى سهل جبـة هضـاب ومنحـاس = وحتى الجبـل بالقـاع صـار متثنـي
اشرفت رأس ضراس من فوق الاطعاس =ولالـوم طـراد الهـوى لـو يجنـي
هليت دمع العيـن واوميـت بالـراس=ورافقت كـور العيـس يامـا ابعدنـي
ورفعت نفسي عن شبا كـل وسـواس = البعـد احلـى مـن حيـاة التمـنـي
انـا زبـون الحـرد للخيـل مدبـاس = ياكلشـن شهـب الشـوارب نخـنـي
نفسي تشوم عن التدلبح مـع الساس =ولاعاش من هو عـن رفيقـه يكنـي
من شيدوا (زينة ) على غيد واغـراس =ليـا نسـيـت رسومـهـم ذكـرنـي
ياعم انا لي طلبـة الـراس بالـراس = ياعـم شـوف رسومهـم ماانمحنـي
ولو صرت ان القلاع ماشلت الاضراس = والمـوس مايقطـع بلـيـا مسـنـي
ياصار ماربعن علـى الـرائ جـلاس = وجنحـان طيـر السـعـد يلفحـنـي
نصيـر دوم للصقاقـيـر مــدواس =مثـل اللـي يسمـع صفيـر المغنـي
والله يـلـولا بـكـرة يـبـوونـاس=حبه سكن باقصـى الضمايـر محنـي
والله لـو هـي ماتبينـي فـلا بـاس=لاشـك خبثـان النفـوس طـردنـي
وانا احمد اللي خالـق كـل الانفـاس = وجعـل وسـاع القـاع مافيـه منـي
دار بـدار ولامنـاخـات الانـجـاس =ياصـار مايمنـاك عيـنـك تـزنـي
في بلدة الغراف مـن جملـة النـاس = ولا نيب من يرجـي الخلايـق تحنـي
دار به الاكـرام والطيـب بـه ساس =دايــم تذكـرنـي لـيـال مضـنـي [/poem]


وبعد القصيدة رجعت له ابنة عمه وعاش معها باقي العمر

واتمنى ان تعجبكم ....


منقول


اخــــ السيف النادر ــــوك

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]