الخال بنى له عمارة وسكنها قبل سنة ، وواعدنا بالنزايل ، وشهر وراء شهر ، وتم لها سنة وما حصل شي ، ماهو ببخيل ولا للبخل يمه سبيل ، ولكن قلة اهتمام ، وكثرة مشاغل ، وأردت أن أضع حداً لهذه المماطلة ، وأن ننهي السالفة فكانت هذه القصيدة :

[poem=font="Simplified Arabic,6,white,normal,normal" bkcolor="transparent" bkimage="backgrounds/27.gif" border="double,4,black" type=1 line=1 align=center use=ex num="0,black"]
المهم يا خـال لاتنسى النزايل

. = حالف(ن) بالله ما عنها عديله !


راحت الأيـام والدعوى تحايل

=يا وجيه الخير وش هي هالنزيله !


كلها كبشين مع طلعة عوايل

=مع دلال البن .. مع شي(ن) تكيله !


مزعفرة يا خال ... شفّه .. والهوايل !

=تصحي السهران ... والصاحي تهيله !



والجمر .. ملزوم ينتثر للنثـــايل

= من سبايب شبته .. تطلع نثيله !


والمباخر عود .. من طيب الأوائل

=ارث منقوع السخا راع الفضيلة *


طيبنا يا خال من طيب الحمايل

=وقدرنا محفوظ .. والسمعه ثقيله

وتقبلوا تحياتي وخالص تقديري [/poem]


منقوووووووووووووول

00

__________________
لا آله الا الله .. محمداً رسول الله