يامكبر الغلطات لاجاتك من الوجه الطليق

اليكم هذه القصيدة التي تتحدث عن نفسها واتمنى ان تنال اعجابكم


اهديها لكم جميعا




[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يامكبر الغلطات لاجاتك من الوجـه الطليـق =اللي فعوله راجـح بيـن المـلا معيارهـا


حتى ولوهي دون قصد ووصلت الحد العميق =تاثيرها يهدم مـدن بقصورهـا واسوارهـا


اليا سكت الجرح في جوفك بعد نومه يفيـق=واليا حكيت الجمره الحمرا تشـق ستارهـا


والغلطه اللي من رفيق يعتبر عندك صديـق=اثقل عليك من الجبال النايفـه واطوارهـا


تعلمك معنى الزفير الي يجي قبلـه شهيـق=وتدرسك معنى انظباط النفس واستنفارهـا


والقشه اللي مانجى منها في البحر الغريـق=هي نفسها اللي حطمت ظهر الجمل باوزارها


وابري حالي كان صدري من معاليقه يضيق=وانفاسه الغرا تنوح وما تشـوف اعذارهـا


خطية الرجال لا صارت تنشف كـل ريـق=احسن تموت بمهدهـا ولا تبـوح اسرارهـا


يمكنها لوجات من غيره نبوج لهـا الطريـق=نمسح معالمهـا وندفـن فالرمـال اثارهـا


لكنها صابت هشيم الصدر ثم شبـت حريـق=نارٍ صديقه ولعـت بيـن الحنايـا نارهـا


واستغفر الله مانقص قدره ولو ذرة دقيـق=اموت ما اكسر عظم رجلي وارتجي جبارها[/poem]




وسلامتكم جميعااااااا

صح لسانك وبيض الله وجهك على هذه القصيده الجزله
ولاكن عندي ملاحظه لا اقول كسر وانما خطاء املائي في هذا الشطر

والقشه اللي ما نجى منها في البحر الغريق
وتقبل تحياتي

ووجهك ابيض

ولاهنت على المرور العذب


مشكورر

صح لسانك يا الملاطي
ثاني قصيده اقراها لك وكل قصيده تحمل من الجزاله الكثير
ما اقول الا جعل والديك في الجنه ولا تحرمنا جديدك
فائق احترامي لشخصك

ارحب ياوجه جنب


ووالديك والدي المسلمين اجمعين


والله يبيض وجهك على المرور والكلام الطيب الي مايستغرب من مثلك طال عمرك


تحياتي

صح لسانك وبيض الله وجهك على هذه القصيده الجزله

__________________

والغلطه اللي من رفيق يعتبر عندك صديق
اثقل عليك من الجبال النايفه واطوارها
اشهد انك صادق يا وجه قحطان صح لسانك وبيض الله وجهك
قصيده وافيه من شاعر وافي

__________________
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,black" type=0 line=0 align=center use=ex num="1,black""]
مرحوم يا معرب الجدين والخالي =من روس دعوى سعد تعرف عزاويها
ابوي يا مقرع للحق مامالي =يفرض فروضه وبدعوى يقاضيها
منصا لربعه ولضيفان مدهالي =الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي =بمات تاجين ما يخطي مراميها
يوم لفانا العدو رجلي وجمالي =يبغا مفالي لنا يرعى مراعيها
عود كسير وجاز من التخبالي = والرجل من جور مافيها يشاديها
هذي فعوله فعول ماهي اقوالي =قول بلا افعال عيب انا نطريها[/poem]

ابن حاليه مرحبا ملايين


والله يبيض وجهك على المرور الغالي


نورت القصيده



تحياتي

ارحب يابو مسفر ومرورك غالي وانت غالي

ووجهك ابيض ولاهنت


تحياتي

قصيده اخوي مانع ظهرت من موقف

والشعر عاده مايكون في صدر الشاعر حتى ياتي الموقف الذي يظهره بجوده لايتوقعها نفس الشاعر

اشكرك على هذه الجزله

تقبل تحياتي

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم