يامكبر الغلطات لاجاتك من الوجه الطليق
 

اليكم هذه القصيدة التي تتحدث عن نفسها واتمنى ان تنال اعجابكم


اهديها لكم جميعا




[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يامكبر الغلطات لاجاتك من الوجـه الطليـق =اللي فعوله راجـح بيـن المـلا معيارهـا


حتى ولوهي دون قصد ووصلت الحد العميق =تاثيرها يهدم مـدن بقصورهـا واسوارهـا


اليا سكت الجرح في جوفك بعد نومه يفيـق=واليا حكيت الجمره الحمرا تشـق ستارهـا


والغلطه اللي من رفيق يعتبر عندك صديـق=اثقل عليك من الجبال النايفـه واطوارهـا


تعلمك معنى الزفير الي يجي قبلـه شهيـق=وتدرسك معنى انظباط النفس واستنفارهـا


والقشه اللي مانجى منها في البحر الغريـق=هي نفسها اللي حطمت ظهر الجمل باوزارها


وابري حالي كان صدري من معاليقه يضيق=وانفاسه الغرا تنوح وما تشـوف اعذارهـا


خطية الرجال لا صارت تنشف كـل ريـق=احسن تموت بمهدهـا ولا تبـوح اسرارهـا


يمكنها لوجات من غيره نبوج لهـا الطريـق=نمسح معالمهـا وندفـن فالرمـال اثارهـا


لكنها صابت هشيم الصدر ثم شبـت حريـق=نارٍ صديقه ولعـت بيـن الحنايـا نارهـا


واستغفر الله مانقص قدره ولو ذرة دقيـق=اموت ما اكسر عظم رجلي وارتجي جبارها[/poem]




وسلامتكم جميعااااااا

رد: يامكبر الغلطات لاجاتك من الوجه الطليق
 

صح لسانك وبيض الله وجهك على هذه القصيده الجزله
ولاكن عندي ملاحظه لا اقول كسر وانما خطاء املائي في هذا الشطر

والقشه اللي ما نجى منها في البحر الغريق
وتقبل تحياتي

رد: يامكبر الغلطات لاجاتك من الوجه الطليق
 

ووجهك ابيض

ولاهنت على المرور العذب


مشكورر

رد: يامكبر الغلطات لاجاتك من الوجه الطليق
 

صح لسانك يا الملاطي
ثاني قصيده اقراها لك وكل قصيده تحمل من الجزاله الكثير
ما اقول الا جعل والديك في الجنه ولا تحرمنا جديدك
فائق احترامي لشخصك

رد: يامكبر الغلطات لاجاتك من الوجه الطليق
 

صح لسانك وبيض الله وجهك على هذه القصيده الجزله

رد: يامكبر الغلطات لاجاتك من الوجه الطليق
 

والغلطه اللي من رفيق يعتبر عندك صديق
اثقل عليك من الجبال النايفه واطوارها
اشهد انك صادق يا وجه قحطان صح لسانك وبيض الله وجهك
قصيده وافيه من شاعر وافي

رد: يامكبر الغلطات لاجاتك من الوجه الطليق
 

رد: يامكبر الغلطات لاجاتك من الوجه الطليق
 

ارحب ياوجه جنب


ووالديك والدي المسلمين اجمعين


والله يبيض وجهك على المرور والكلام الطيب الي مايستغرب من مثلك طال عمرك


تحياتي

رد: يامكبر الغلطات لاجاتك من الوجه الطليق
 

ارحب يابو مسفر ومرورك غالي وانت غالي

ووجهك ابيض ولاهنت


تحياتي

رد: يامكبر الغلطات لاجاتك من الوجه الطليق
 

ابن حاليه مرحبا ملايين


والله يبيض وجهك على المرور الغالي


نورت القصيده



تحياتي