السلام عليكم ورحمة الله وبركاته

مساجلة بيني وبين الشاعر : رائد بن عبدالله الكيرعاني

وهي أبيات أرسلها إلي تعبر عن كنينه ومايشعر به من الألم

والمعاناة من المرض وأسأل الله له الشفاء العاجل :

يقول الشاعر رائد :

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا دكتور راح الليل كله وأنا سهران=وأنا دواي يا دكتور ما هوب فالإبره
أنا أصبر على صكات بقعا من الجدران=معي من تجاريب الزمان الشقي خبره
وأنا زود مابي من جروح وشمم وأحزان=وكسور تبي تبطي ولا هي بمنجبره
أعاني معاناة تهد أكبر الضلعان=معاناة مضيوم ما يدري وش الدبره
لذا علم الجراح يرفق على الشريان=وياخذ لنفسه من صدوف الزمن عبره
غزانا الزمن مثل مغزى الروس للأفغان=ولكن جيوش الروس خسرى ومنثبره
وإذا زادت الغارات بسم الله الرحمن=هذا الوقع يا صغره وذا الوقع يا كبره[/poem]


وهذا الرد مني :

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يادكتور تكفى وصْ أطبَّاك فالمرضان=وكل استشاري فاهم وصاحب الخبرة
عسى الله يشفي صاحبي مكرم الضيفان=ترا صاحبي لو تعرفه وافيٍ شبره
خويٍ صميدع فالمواقف طليق لسان=ولا يعرف الزودة ولا يعرف الكبرة
رفيقٍ ينومس لابته لا بدا له شان=والأصحاب تفخر به والأجواد تعتبره
ولكن صكات الزمن جات عالبيبان=عواصف تدك البيت مليانةٍ غبرة
ألا يارفيقي صوتك يليِّن الصلبان=ولا هو على خبري ولاني على خبره
سمعته وأنا في ديرة الأهل والأخوان=وتغيَّر علي الشكل والصوت والنبرة
حصل ماحصل واصبر ترا الصابر الظفران=وربي يجازي كل مضيومٍ بصبره
غزاك الزمن والحمد لله على ما كان=وهذا اختبار العبد والرب يختبره[/poem]


عامر بن سعيد ال حسين الوهابي

__________________


والله إنه صادق

صح لسانك أنت والشاعر رائد الكيرعاني أبيات في قمة الروعه

مساجله قويه بين شاعرين لهم مستقبل باهر أن شاء الله

الله يشافي الشاعر رائد ويقومه بالسلامه

أعجبتني جدا المساجله والله لايهينك ياعامر على النقل

لاتحرمونا الجديد

تحياتي لكم

__________________

أررحب يابو عساف

وصح بدنك طال عمرك وماعليك زووود وأسأل الله لأخي رائد

السلامة والعافية والله يسمع لك

لاهنت على المرورص

__________________


والله إنه صادق

ارررحب يابو سعيد تراحيب المطر ..

الله الله والله انه ابداع يا القروم ولاهوب مستغرب منك ولا من رايد ..

صح الله السنتكم مدد بلا عدد ..

وهنيك واهني نفسي وشبكة قحطان سلامة شاعرنا والله يجعلها طهور ان شاءالله ..

تقبل مروري نفدآك ..

__________________

البقى يابو ناصر و أرررحب مثلها

صح بدنك طال عمرك والحمد الله على سلامة رائد

والله يسمع لك

لاهنت على المرور

__________________


والله إنه صادق

السلام عليكم ورحمة الله وبركاته :--

الله يشفي الكيرعاني

وصح لسانك + لسانه

وعليكم السلام ورحمة الله وبركاته

أرحب ياسيف عبيدة والحمد الله على سلامة رائد

والله يسمع لك

وصح بدنك طال عمرك

ولاهنت على المرور

__________________


والله إنه صادق

ابوسعيد صح الله لسانك
وصح الله لسان رائد
والله يشفيه ويكتب له الصحه والعافيه
والحمد اولا واخيرا علي سلامته

__________________

أررحب يامسفر

وصح بدنك طال عمرك وأسأل الله العظيم

لشاعرنا الشفاء العاجل

لاهنت على المرور

__________________


والله إنه صادق

صح لسانك يا عامر ولسان رائد

والله يشفيه ويجعله من الصابرين

واحسن الله عزاكم
ومن العايدين

بس قصيدتك ياعامر ما ظهرت لي مدري وش المشكله


فانا اناشد ومن هذا المنطلق سموكم الكريم بان تعيد كتابة ردك على
رائد

وانفدا رجليك ما تقول الا تم