مساجلــــة بينــي وبين الشاعـر رائــد الكيرعانــي (( يادكتــــــور ))
 

السلام عليكم ورحمة الله وبركاته

مساجلة بيني وبين الشاعر : رائد بن عبدالله الكيرعاني

وهي أبيات أرسلها إلي تعبر عن كنينه ومايشعر به من الألم

والمعاناة من المرض وأسأل الله له الشفاء العاجل :

يقول الشاعر رائد :

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا دكتور راح الليل كله وأنا سهران=وأنا دواي يا دكتور ما هوب فالإبره
أنا أصبر على صكات بقعا من الجدران=معي من تجاريب الزمان الشقي خبره
وأنا زود مابي من جروح وشمم وأحزان=وكسور تبي تبطي ولا هي بمنجبره
أعاني معاناة تهد أكبر الضلعان=معاناة مضيوم ما يدري وش الدبره
لذا علم الجراح يرفق على الشريان=وياخذ لنفسه من صدوف الزمن عبره
غزانا الزمن مثل مغزى الروس للأفغان=ولكن جيوش الروس خسرى ومنثبره
وإذا زادت الغارات بسم الله الرحمن=هذا الوقع يا صغره وذا الوقع يا كبره[/poem]


وهذا الرد مني :

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يادكتور تكفى وصْ أطبَّاك فالمرضان=وكل استشاري فاهم وصاحب الخبرة
عسى الله يشفي صاحبي مكرم الضيفان=ترا صاحبي لو تعرفه وافيٍ شبره
خويٍ صميدع فالمواقف طليق لسان=ولا يعرف الزودة ولا يعرف الكبرة
رفيقٍ ينومس لابته لا بدا له شان=والأصحاب تفخر به والأجواد تعتبره
ولكن صكات الزمن جات عالبيبان=عواصف تدك البيت مليانةٍ غبرة
ألا يارفيقي صوتك يليِّن الصلبان=ولا هو على خبري ولاني على خبره
سمعته وأنا في ديرة الأهل والأخوان=وتغيَّر علي الشكل والصوت والنبرة
حصل ماحصل واصبر ترا الصابر الظفران=وربي يجازي كل مضيومٍ بصبره
غزاك الزمن والحمد لله على ما كان=وهذا اختبار العبد والرب يختبره[/poem]


عامر بن سعيد ال حسين الوهابي

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

صح لسانك أنت والشاعر رائد الكيرعاني أبيات في قمة الروعه

مساجله قويه بين شاعرين لهم مستقبل باهر أن شاء الله

الله يشافي الشاعر رائد ويقومه بالسلامه

أعجبتني جدا المساجله والله لايهينك ياعامر على النقل

لاتحرمونا الجديد

تحياتي لكم

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

ارررحب يابو سعيد تراحيب المطر ..

الله الله والله انه ابداع يا القروم ولاهوب مستغرب منك ولا من رايد ..

صح الله السنتكم مدد بلا عدد ..

وهنيك واهني نفسي وشبكة قحطان سلامة شاعرنا والله يجعلها طهور ان شاءالله ..

تقبل مروري نفدآك ..

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

السلام عليكم ورحمة الله وبركاته :--

الله يشفي الكيرعاني

وصح لسانك + لسانه

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

ابوسعيد صح الله لسانك
وصح الله لسان رائد
والله يشفيه ويكتب له الصحه والعافيه
والحمد اولا واخيرا علي سلامته

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

أررحب يابو عساف

وصح بدنك طال عمرك وماعليك زووود وأسأل الله لأخي رائد

السلامة والعافية والله يسمع لك

لاهنت على المرورص

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

البقى يابو ناصر و أرررحب مثلها

صح بدنك طال عمرك والحمد الله على سلامة رائد

والله يسمع لك

لاهنت على المرور

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

وعليكم السلام ورحمة الله وبركاته

أرحب ياسيف عبيدة والحمد الله على سلامة رائد

والله يسمع لك

وصح بدنك طال عمرك

ولاهنت على المرور

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

أررحب يامسفر

وصح بدنك طال عمرك وأسأل الله العظيم

لشاعرنا الشفاء العاجل

لاهنت على المرور

رد : مساجلــــة بينــي وبين الشاعـر رائــد الكيرعانــي (( يادكتــــــور ))
 

صح لسانك يا عامر ولسان رائد

والله يشفيه ويجعله من الصابرين

واحسن الله عزاكم
ومن العايدين

بس قصيدتك ياعامر ما ظهرت لي مدري وش المشكله


فانا اناشد ومن هذا المنطلق سموكم الكريم بان تعيد كتابة ردك على
رائد

وانفدا رجليك ما تقول الا تم