يا شيـن طبـعٍ فيـك .. يا زيــن الأطبـاع
لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
ومسامـعي ماتت من الجـوع .. للـقـوت
وحكي الغزل في صدرك أشكال وأنواع
لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت
وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت
اسمع أشعاري في الهوى وارخ الأسماع
ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

الله الله


ارحب ارحب يا العبدي تراحيب الحيا ..

حيه والله وحي ماجاب ..

صح الله السانك يا الذيب والسان بن فطيس ..

اختيار موفق وراااااااااااائع ..

تقبل مروري وتحياتي نفدااااااااااااااااااااااااك..

__________________

الله يبقيك ويرحم والديك

الله يحيي نباك

والسانك صحيح

يفداك الاش جعلك تسلم على المرور الغالي

تحياتي0000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت


العبدي صح للسسسانك وللسسسان ابن فطيس لاهنت بارك الله فيك رووووعه

ولسانك صحيح يا ناصر

الله لا يهينك على المرور الغالي

تحياتي000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

أخوي خادم والديه ,,

السلام عليكم ورحمة الله وبركاته,,

وش هالغياب الطويل يا خوك عسى ماخلاف طمني عليك بس صح الله لسانك ولسانه ولا تجيب إلا الجزل عادتك

جعل عمرك طويل على طاعة الله سلمت من كل سوء ........

__________________

وعليك السلام ورحمة الله وبركاته

ارحب يا ابو مبارك

جعلك ما ترى مكروه ولا تفقد عزيز والله طال عمرك في الدنيا الله يعطينا خيرها ومرتبط مع شايبي الله يطول عمرك

وعمره عل الطاعه واحياناً اكون بعيد عن الاتصال والابراج وانتو والشاهد الله انكم على البال

الله لا يهينك على المرور الغالي

تحياتي0000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

ارحب ارحب ياعبدي

ياحي الله ذا الشوف يامرحبا ويامسهلا

كل ماهو من طرفك عذب وزين ياالقرم

لاهنت وبيض الله وجهك

تقبل مروري تحياتي لك

ارحب يا ابو محمد

الله يحيي نباك ويرحم والديك

وبيض الله وجهك على المرور العذب

تحياتي00000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

إليا طلبتك وصل .. صعبت الأوضـــــاع ** مدري من اللي درسك جعله يموت
آمين. الله ياكم هذا البيت ساكن خيالي وكم أردده الله يسعدك يابن فطيس أشهد إنك ذوق
صح لسانك يالعبدي ومشكور على هالنقل الرائع وصح لسان ابن فطيس

تقبل مروري يالغالي