|
جديد المبدع_____________ابن فطيس
يا شيـن طبـعٍ فيـك .. يا زيــن الأطبـاع لولا الرجــاء .. ما كان خلّيته .. يفـوت سَـنَـع .. يشـوّه لا تـذكّـرتــه .. أسـنـاع مثل الحصاة .. اللي وسط عقد ياقــوت تخـفي هيـامـك .. وإنت ميـّـت وملـتـاع ما تـدري إنه في ملامـحـك .. منـحـوت ويبخل لسانك .. وإنت للسمع .. طمّـاع والبخل .. في سِلْم المحبيـن .. ممـقـوت الحكي .. قوت السمع / وأسامعي جياع ومسامـعي ماتت من الجـوع .. للـقـوت وحكي الغزل في صدرك أشكال وأنواع لكن صمتك .. حوّل الصـدر .. تـابـوت إلا طَلَبتـك وصـل .. صعّبـت الأوضـاع مدري .. من اللي درّسـك جعله يمــوت تصـد .. ما كـنّـك من الصـد .. مـرتـاع وإن قلت : يا القاطـع .. تلفّـت مبـهـوت أقطع بـ دَرْب مواصلك في الشهر.. باع وإلاّ إنت تقطع للوصل فـ السنة .. فوت طعني .. وطاوع واحدٍ فيك .. ما طـاع ناسٍ صغار عقول / وأشوار / وبخوت وإلطف بحال اللي نحـل حاله .. و راع .. قلبٍ جروحه .. تنزف أفكار .. وبيوت قلبـي .. إلا منّه شـرى قـلـب .. ما بـاع وإنت هالله هالله فيه .. والعمـر موقوت اسمع أشعاري في الهوى وارخ الأسماع ياللي غـلاك بـ تربـة القلب .. مكـتـوت لا .. للفـراق .. و لا .. لتجديـد الأوجاع ونعم .. نعم للوصل .. لو كان بالصوت |
رد : جديد المبدع_____________ابن فطيس
الله الله
ارحب ارحب يا العبدي تراحيب الحيا .. حيه والله وحي ماجاب .. صح الله السانك يا الذيب والسان بن فطيس .. اختيار موفق وراااااااااااائع .. تقبل مروري وتحياتي نفدااااااااااااااااااااااااك.. |
رد : جديد المبدع_____________ابن فطيس
لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت العبدي صح للسسسانك وللسسسان ابن فطيس لاهنت بارك الله فيك رووووعه |
رد : جديد المبدع_____________ابن فطيس
اقتباس:
الله يحيي نباك والسانك صحيح يفداك الاش جعلك تسلم على المرور الغالي تحياتي0000000000اخوك |
رد : جديد المبدع_____________ابن فطيس
اقتباس:
الله لا يهينك على المرور الغالي تحياتي000000000اخوك |
رد : جديد المبدع_____________ابن فطيس
أخوي خادم والديه ,,
السلام عليكم ورحمة الله وبركاته,, وش هالغياب الطويل يا خوك عسى ماخلاف طمني عليك بس صح الله لسانك ولسانه ولا تجيب إلا الجزل عادتك جعل عمرك طويل على طاعة الله سلمت من كل سوء ........ |
رد : جديد المبدع_____________ابن فطيس
ارحب ارحب ياعبدي
ياحي الله ذا الشوف يامرحبا ويامسهلا كل ماهو من طرفك عذب وزين ياالقرم لاهنت وبيض الله وجهك تقبل مروري تحياتي لك |
رد : جديد المبدع_____________ابن فطيس
إليا طلبتك وصل .. صعبت الأوضـــــاع ** مدري من اللي درسك جعله يموت
آمين. الله ياكم هذا البيت ساكن خيالي وكم أردده الله يسعدك يابن فطيس أشهد إنك ذوق صح لسانك يالعبدي ومشكور على هالنقل الرائع وصح لسان ابن فطيس تقبل مروري يالغالي |
رد : جديد المبدع_____________ابن فطيس
اقتباس:
ارحب يا ابو مبارك جعلك ما ترى مكروه ولا تفقد عزيز والله طال عمرك في الدنيا الله يعطينا خيرها ومرتبط مع شايبي الله يطول عمرك وعمره عل الطاعه واحياناً اكون بعيد عن الاتصال والابراج وانتو والشاهد الله انكم على البال الله لا يهينك على المرور الغالي تحياتي0000000000اخوك |
رد : جديد المبدع_____________ابن فطيس
صح لسان بن فطيس ..
ولاهنت يا العبدي على هذا النقل الجميل .. |
| الساعة الآن 09:03 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com