هذه محاوره جرت بين رحيم الغنامي وسلطان الهاجري ؟

ولها قصه ان رحيم كان يريد ان يتصل على الشاعر مطلق
بن شويه الذي رقمه لايختلف عن رقم سلطان الا برقم ودق
على الشاعر سلطان الهاجري

رحيّم الغنّامي


دقيت بالهاتف على جوال قرم ٍ من سبيـع
اللابه اللي في المواقف تحتمـي ميقافهـا
بغيت ابن شويه وطحت بهاتف استاذ الجميع
سلطان ابن وسام رمز المرجله واوصافهـا


سلطان بن وسام


انا وابن شويه سوى واللي يبانـا مايضيـع
ارقـام جوالاتنـا مـن لـد عينـه شافهـا
مثل الجدي وسهيل في صدر السما تلمع لميع
تسعات والاصفـار مـن قدامهـا وخلافهـا
واللي بعدها مرحبا مني ومن مطلـق سبيـع
الطيبيـن احبهـا .. والا الرخـوم اعافهـا


رحيّم الغنّامي


الك البقا ياشاعر ٍ في الشعر له قـدر ٍ رفيـع
جمـل ويشتـال الحمـول اثقالهـا وخفافهـا
من طب في سوق الغلا يشري من الزين ويبيع
بطاقة الصـرّاف شرهتهـا علـى صرّافهـا



سلطان بن وسام


ان كان قدري في الشعر عالي وفي غيره وضيع
عسى السحايب فوق داري مـا تهـل اطرافهـا
وان كان رمحي في المراجل رمح شالح و الفديع
ان اقبلت فـي نحورهـا وان دبّـرت فاكتافهـا



رحيّم الغنّامي


ماجا الخبر في موجز النشره ولا اذاع المذيـع
في نجد ماجيت الحجاز ولا خطرت اشرافهـا
في الملعبه تاقف سوات الضلع و الحصن المنيع
عن عزوتك والطيبـه تبـدي علـى مشرافهـا



سلطان بن وسام


سم و نعم لاهل المحبّه و اللكاعـه للكيـع
واليا عطانا الحضرميّـه مانمـنّ اغلافهـا
تعال ربّع في فيافي نجد في ايـام الربيـع
وفي الصيف رد عتيبه الهيلا على مصيافها


رحيّم الغنّامي


الا على طاري المحبّه و الوداعـه و الوديـع
ياموفـد العشّـاق باخبـار المحبّـه وافـهـا
هو صدق راع الحب لامنك نهيتـه مـا يطيـع
يضرب بعرض الحايط اسلوم العرب واعرافها؟

سلطان بن وسام


اللي يحط امانته في شنّة ٍ تقـرع قريـع
اكيد ما يحسب حساب ارباعها وانصافهـا
وانته ليا سافرت لاتعطي مع الخط السريع
والا انكفت مابين نجدتها وبيـن اسعافهـا


رحيّم الغنّامي


سلمت ياشوق العنود اللي ورى حد الوسيع
اللي بني هاجر تغني لك علـى محرافهـا
القاف وصل انهايته ونهاية الطرق البديـع
الله يبارك في الصفر والخمسه ومن ضافها



منقـــــــــــــــــــــــــــــــــول


(سعيد بردودكم)

الله الله على قـــمـــة الأبــــداع

صح الله ألسنت الشّعار وسلمت يمين ناقلها


والله اني استمتعت بهذا الطارق الرائع
وابن وسام شاعر له مكانته وهيبته بين الشعـــار




سلطان بن وسام


ان كان قدري في الشعر عالي وفي غيره وضيع
عسى السحايب فوق داري مـا تهـل اطرافهـا
وان كان رمحي في المراجل رمح شالح و الفديع
ان اقبلت فـي نحورهـا وان دبّـرت فاكتافهـا


سلطان بن وسام


انا وابن شويه سوى واللي يبانـا مايضيـع
ارقـام جوالاتنـا مـن لـد عينـه شافهـا
مثل الجدي وسهيل في صدر السما تلمع لميع
تسعات والاصفـار مـن قدامهـا وخلافهـا
واللي بعدها مرحبا مني ومن مطلـق سبيـع


جوال ابن وسام فيه 09090
وهذا اللي ذكره في بيوته


والله ابداع يا رائد ولا تحرمنا من مثل هالطواريق الزينه
وهذي زيادة نقاط سمعه تستاهلها

أخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

اررحب يا سعيد وبيض الله وجهك على المرور والاطراء وابشر ان الجايات اكثر يالقرم

رائد الكيرعاني


تسلم وبيض الله وجهك على نقل هذه المحاوره بين رحيم الغنامي وسلطان الهاجري


وصح لسان الجميع...وننتظر جديدك يارائد...تحياتي وتقديري

صح لسان ابو وسّام والعتيبي

وابن وسّام شاعر فتل ونقض من الدّرجة الأولى

الله لا يهينك يالكيرعاني


تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ