أسعد الله أوقاتكم بكل خير ,,

هذي القصة للشيخ ضيدان بن زيد الفغم في حفظ الجوار والشيخ ضيدان من مشايخ الصهبة من مطير وهو ضيغمي

وعبيدي الأصل وللفغمة شهرة بين القبايل ولهم أفعال طيبة وأشعار تشهد بذلك ,,

السالفة كان لشيخ ضيدان جار يقاله الخشاب من بني رشيد وكان الخشاب بحماية الشيخ ضيدان الفغم ويوم انه سرح

بالأبل والا هو مغزن له شقير الدويش وياخذ نياقه ويوم درى الفغم والا هو مرسل قصيدة للدويش يعلمه ان هالرشيدي

بحمايته ويوم وصلت للدويش والا هو رادن حلال الرشيدي وهذا يدل على احترام الشيوخ للاعراف القبلية وهالقصيدة اللي

قالها الفغم :


ياراكب حرٍ رعى بالمخاضــــــــــــير
،،،،،،،،،،،،،،،،،،،،،،،،،متيه يرعى بعشب المطـــــــــــاوي

يا راكبه مني الى جيت لشقيــــــر
،،،،،،،،،،،،،،،،،،،،،،،،،سلم على الحلحيل فرخ النــــــداوي

اباعر الخشاب برص المواخيـــــــــر
،،،،،،،،،،،،،،،،،،،،،،،،،شرب اسود الما عقب ماهو غنـــــاوي

والسابق اللي عندكم بالدواويــــــر
،،،،،،،،،،،،،،،،،،،،،،،،،ما كنه الا وصف ذيب قــــــــــراوي

هذه قصيرة عودنا شايب الخيــــــر
،،،،،،،،،،،،،،،،،،،،،،،،،،وحنا باثرها لو غدينا عــــــواوي

قصيرتك ما اخذت فيها معاذيـــــــر
،،،،،،،،،،،،،،،،،،،،،،،،،،حيثك على ما تطلب النفس قـــــاوي

هوماتنا تاصل ثميد وابا القيــــــــــر
،،،،،،،،،،،،،،،،،،،،،،،،،،،ولا يبعد الهومات كود النــــداوي

اما نهود عن جمع المشاويــــــــــر
،،،،،،،،،،،،،،،،،،،،،،،،،،،والا نثور ويعتدل كل غــــــــاوي

والى ركبنا فوق مثل المعاشيــــــر
،،،،،،،،،،،،،،،،،،،،،،،،،،نقعد حجاج اللي على الدرب ثـــاوي

وتقبلوا تحيتي ,,

الفغم ونعم والدويش ونعم

وسالفة طيبه والقصيده وافيه

والله لايهينك ياكحيلان على النقل والإيضاح 000 لا عاد تبخل علينا نفدى خشمك بالعلوم اللي مثلي هذي

سجلني متابع لك

لك مني كل الود والتقدير


أخوك / أبو عساف

__________________

ارحب يابو عساف والنعم بك بعد ..

ومن قال ما هان

وابشر بعزك

وتقبل تحيتي ..

__________________


http://www.qahtaan.com/works/up/get....fmnp1261962149

لاهنت يابومانع على القصة الجميلة

وتوني أدري أن الفغم ضيغمي

تحياتي لك

السلام عليكم ورحمة الله وبركاته.

لاهنت يالقرم على هالسالفه الرائعة....

دايم مبدع.....

تقبل تحياتي ومروري،،،،،،،

__________________
يا عالم الغيبِ! ذنبي أنتَ تعرفُه
وأنت تعلمُ إعلاني.. وإسراري


وأنتَ أدرى بإيمانٍ مننتَ به
علي.. ما خدشته كل أوزاري


أحببتُ لقياكَ.. حسن الظن يشفع لي
أيرتُجَى العفو إلاّ عند غفَّارِ؟]

د/ غازي القصيبي رحمه الله

وعليكم السلام والرحمه

ولا أنت يالذيب على مرورك العاطر

وتشرفت بمرورك ..

وللإضافة في هذا بيت للشاعر المطيري بليهان الضحيك قاصدا احد شيوخ الفغم:

ان كان به نخبه لحصن الاطاليب ..............ما ظن غير الضيغمـي ينغزابـه.

__________________


http://www.qahtaan.com/works/up/get....fmnp1261962149

مرحبا يابو حمود

ومن قال ما هان

ومرورك عاطر

__________________


http://www.qahtaan.com/works/up/get....fmnp1261962149

ونعم بالفغم والضياغم كلهم وماجت الشهرة من عبث

لاهنت ياوجة ال سالم على السالفة الجزلة

تقبل تحياتي

ويستاهلون النعم وانت كذلك

ولا انت ومرورك عاطر وتقبل ود شامانـ

__________________


http://www.qahtaan.com/works/up/get....fmnp1261962149

عادتك الطيب والهرج السمين