|
الفغم الضيغمي وفعلة الطيب مع جارة ,,,
أسعد الله أوقاتكم بكل خير ,, هذي القصة للشيخ ضيدان بن زيد الفغم في حفظ الجوار والشيخ ضيدان من مشايخ الصهبة من مطير وهو ضيغمي وعبيدي الأصل وللفغمة شهرة بين القبايل ولهم أفعال طيبة وأشعار تشهد بذلك ,, السالفة كان لشيخ ضيدان جار يقاله الخشاب من بني رشيد وكان الخشاب بحماية الشيخ ضيدان الفغم ويوم انه سرح بالأبل والا هو مغزن له شقير الدويش وياخذ نياقه ويوم درى الفغم والا هو مرسل قصيدة للدويش يعلمه ان هالرشيدي بحمايته ويوم وصلت للدويش والا هو رادن حلال الرشيدي وهذا يدل على احترام الشيوخ للاعراف القبلية وهالقصيدة اللي قالها الفغم : ياراكب حرٍ رعى بالمخاضــــــــــــير ،،،،،،،،،،،،،،،،،،،،،،،،،متيه يرعى بعشب المطـــــــــــاوي يا راكبه مني الى جيت لشقيــــــر ،،،،،،،،،،،،،،،،،،،،،،،،،سلم على الحلحيل فرخ النــــــداوي اباعر الخشاب برص المواخيـــــــــر ،،،،،،،،،،،،،،،،،،،،،،،،،شرب اسود الما عقب ماهو غنـــــاوي والسابق اللي عندكم بالدواويــــــر ،،،،،،،،،،،،،،،،،،،،،،،،،ما كنه الا وصف ذيب قــــــــــراوي هذه قصيرة عودنا شايب الخيــــــر ،،،،،،،،،،،،،،،،،،،،،،،،،،وحنا باثرها لو غدينا عــــــواوي قصيرتك ما اخذت فيها معاذيـــــــر ،،،،،،،،،،،،،،،،،،،،،،،،،،حيثك على ما تطلب النفس قـــــاوي هوماتنا تاصل ثميد وابا القيــــــــــر ،،،،،،،،،،،،،،،،،،،،،،،،،،،ولا يبعد الهومات كود النــــداوي اما نهود عن جمع المشاويــــــــــر ،،،،،،،،،،،،،،،،،،،،،،،،،،،والا نثور ويعتدل كل غــــــــاوي والى ركبنا فوق مثل المعاشيــــــر ،،،،،،،،،،،،،،،،،،،،،،،،،،نقعد حجاج اللي على الدرب ثـــاوي وتقبلوا تحيتي ,, |
رد : الفغم الضيغمي وفعلة الطيب مع جارة ,,,
الفغم ونعم والدويش ونعم
وسالفة طيبه والقصيده وافيه والله لايهينك ياكحيلان على النقل والإيضاح 000 لا عاد تبخل علينا نفدى خشمك بالعلوم اللي مثلي هذي سجلني متابع لك لك مني كل الود والتقدير أخوك / أبو عساف |
رد : الفغم الضيغمي وفعلة الطيب مع جارة ,,,
لاهنت يابومانع على القصة الجميلة
وتوني أدري أن الفغم ضيغمي تحياتي لك |
رد : الفغم الضيغمي وفعلة الطيب مع جارة ,,,
السلام عليكم ورحمة الله وبركاته.
لاهنت يالقرم على هالسالفه الرائعة.... دايم مبدع..... تقبل تحياتي ومروري،،،،،،، |
رد : الفغم الضيغمي وفعلة الطيب مع جارة ,,,
اقتباس:
ومن قال ما هان وابشر بعزك وتقبل تحيتي .. |
رد : الفغم الضيغمي وفعلة الطيب مع جارة ,,,
اقتباس:
ومن قال ما هان ومرورك عاطر |
رد : الفغم الضيغمي وفعلة الطيب مع جارة ,,,
ونعم بالفغم والضياغم كلهم وماجت الشهرة من عبث
لاهنت ياوجة ال سالم على السالفة الجزلة تقبل تحياتي |
رد : الفغم الضيغمي وفعلة الطيب مع جارة ,,,
اقتباس:
ولا أنت يالذيب على مرورك العاطر وتشرفت بمرورك .. وللإضافة في هذا بيت للشاعر المطيري بليهان الضحيك قاصدا احد شيوخ الفغم: ان كان به نخبه لحصن الاطاليب ..............ما ظن غير الضيغمـي ينغزابـه. |
رد : الفغم الضيغمي وفعلة الطيب مع جارة ,,,
اقتباس:
ولا انت ومرورك عاطر وتقبل ود شامانـ :) |
رد : الفغم الضيغمي وفعلة الطيب مع جارة ,,,
عادتك الطيب والهرج السمين
|
| الساعة الآن 07:13 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com