[poem=font="traditional arabic,7,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="1,black""]
بيني وبين الضيق حله وترحال = حسبي على الغربي ليا هب نوده
الصدر يشكي منك يا ضيقة البال = أصبر ولكنها تفانت جهوده
عمر الفتى وان طال وان طال وان طال = لابد ينقص يا عرب عقب زوده
يا صاحبي ياللي على شانك الحال = نحل وصار الهم عقبك يكوده
ارفق على راعيه والقلب ميال = راعيه في حبك تثنت قيوده
حبك ملكني قد له شهور وليال = واسمك بوسط القلب مثبت وجوده
دام الهوى قتال والصد قتال = لا تاخذك عني النفوس الحسوده
خلك جبل لا ياخذك هرج عذال = وتقصى محبك لين تبحث سدوده
ترى الجبل شامخ على مر الاحوال = وان هبت الانواد واحفت حيوده
والشجره اللي عودها يا عرب مال = ما عاد نستغرب لجات محصوده
للناس في الماضي تجاريب وامثال = والعلم ياصل منتهاه وحدوده
يا برج قارض ليه ضيعت الارسال = بيني وبين اللي ذبحني صدوده
ما تدري انه في الهوى صار محتال = يكنى صوابه لي وينقض عهوده
وانا علشانه من الجال للجال = صابر على وقت " ترازم رعوده
فان كان عني رحت يا زين الاقبال = فنفسي على خوتك ماهي محدوده
من خلقتي ما أطرد ورى المقفي الذال = والطيب فعلي بس ما ارجي ردوده

بن شبله[/poem]