ابيات اكثر من رائعة وقصيدة جميلة تحكي عن واقع ، الحقيقة اعجبتني وهي للشاعر / محمد بن عباد السلولي
واتمنى ان تنال اعجابكم وتحوز على رضاكم .
،،،،،،،،،،وتقبلوا تحيات اخوووكم ابوملاك،،،،





[poem=font="Simplified Arabic,4,white,bold,normal" bkcolor="sienna" bkimage="backgrounds/10.gif" border="outset,4,black" type=2 line=0 align=center use=sp num="0,black"]
السنين القشر تخلف هقاوي من هقا= والدهر مركز تجارب وميدان فسيح


وش بقا ماعلمتنا التجارب وش بقا = كل يوم درس باسلوب ولسان فصيح



ياهل المعروف كل شقا باللي لقا= والحظيظ اللي من الهم قلبه مستريح



الشقاوي في زمانه يهيا للشقا = واشهد انه مايجي من المليح الا مليح



بين لحضات المفارق ولحضات اللقا = تتضح لك صورة الود بالمعنى الصريح



زبدة الخافي تبيّن ليا خض السقا = والصدور اللي بها شر يفضحها الكحيح



صحبة ماهيب تبنى على عز ونقا = اخرتها لو تطول مبانيها تطيح



لوتشوف اصحابها تو الانضاراصدقا = مثل ماقال المثل ما يصح الا الصحيح



كل صحبه تم ميثاق اهلها في التقا = الحذر منها ترى وضعها ماهو مريح



والموفق من تخير صديقه وانتقا = صاحب قلبه سليم ومنهاجه iسميح



لعنبوا من يتخذ مالرديين ارفقا = والله ان يبطي وهو من صداقتهم جريح



من بغى حاجه على منبر افوادك رقا = قص لك قصة اسماعيل والكبش الذبيح



لين ياخذ من دموعك لغاياته وقا = ثم قفا بعدها عنك وركابه طفيح



وش لقا من رافق اهل الخيانه وش لقا = واحد يمشي على ساق والثاني طريح



الخيانه شر مبدى يحاربه التقى = لاعلى ملة محمد ولادين المسيح[/poem]




،،،،،،،،،،،،،،،،،وسلااااااااااااامتكم,,,,,,,,,,,,, ,,,,

__________________