[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,burlywood" type=4 line=0 align=center use=ex num="0,black"]

الجرح دمعه والدموع إتزايد=تبكي النشاما قبل تبكي المقاريد
وانا دموعي تنسكب باالقصايد=قبل إرمضان وقبل مايقبل العيد
عندي عن إقدام السوالف جدايد=عيا الزمن لايفلت الحبل والقيد
وأصل العشيره يوم تمعن بدايد=والغدر سيف(ن)يذبح العبد والسيد
من ساقها مابين ثابت وبايد=ودي يسدد رمية الحق تسديد
ياليت مايقفي من العمر عايد=حتى إنتجنب كل خاين وعربيد
ماني لغرات البنيات قايد=لاني بشر ياصاحبي ماني بحيد
الفاتنه يوم(ن) تفل الجعايد=تنسى العهد وإلاتناسى المواعيد
لاتحسبني مرتجي(ن)للفوايد=ماقد رجيت إمن النساء مده وفيد
لاني ولد شيخ(ن)وسيع البنايد=إمشيد(ن)قصره على الطيب تشييد
ضلع (ن)من الضلعان لاشك نايد=إمذري الجلا جموع ومفاريد
نروى قراح المرجله والعوايد=ونمهد الطاله على الصلف تمهيد
من باسنا ناطى على كل كايد=ومن طيبنا ننثر من المال ونفيد
ياسعد من حن له حزام وسنايد=وياشيب عين اللي تنوى لنا كيد
ولاعشقت الإعماة النكايد=بنت (ن)عليها ينقص الحال ويزيد
وإن كان تنوي باالغدر والمكايد=ابعد ولا لي بهرجه لزيد وعبيد
ماني بأدنق لضعوف الزهايد=اللينه تسحق رخاها الجلاميد
لاني دواء أيام السنيين الشدايد=اللي تلاقي كل مقبل بتصديد
شاعر واقلد بنت فكري قلايد=وأورد هجوسي عذي المواريد
أنقى من أفكاري سمان الفرايد=اللي بها تبرى الكبود الملاهيد
حراير (ن)تشهر على كل مايد=مجودة راس ابلج القاف تجويد
كم لي بها من عام قانص وصايد=ما يوم جرتني لجم المناقيد
ولاجيت قفر(ن) به ركيض الشرايد=ماأنكفت غير بوافر القسم ماالصيد
ياكثر مافي الكون صيد وطرايد=باألقى بدلها يوم أقفي مطاريد
وأظفر بريم (ن) وامتن الكف جايد=ياكثر ريم الصيد وأنشد ثرى البيد
واللي مهيضني لبدع النشايد=شريط فلم(ن) أنتهى وأصبح يعيد
ذكراه مابين الضلوع الوقايد=تهنف علي من دون موعد وتحديد
ياصاحبي قربت ذيك الوسايد=قررت اريح خاطري لآخر العيد
ويابنت انا في وجهك إمن النقايد=اما افهمي والاترى عنك بآاحيد
عسى السنيين المقبلات الجدايد=تنسيني الدمعه قبل تطلق القيد[/poem]

__________________