شبكة قحطان - مجالس قحطان - منتديات قحطان - تجربتي مع تحويل العملات ...

- إستراحة المجالس (https://www.qahtaan.com/vb/forumdisplay.php?f=13)

- - تجربتي مع تحويل العملات ... (https://www.qahtaan.com/vb/showthread.php?t=75393)

تجربتي مع تحويل العملات ...

السلام عليكم

قبل فترة احتجت اصرف يورو فذهبت للبنك حقي في الشرقية قالوا والله ما عندنا بس لو تروح للمركز الرئيسي بالخبر ممكن تحصل ,

تركتهم رحت للبنك الامريكي قالوا اليوم ما جاتنا عملات يمكن بعد يومين مر يمكن يرسلون لنا ...

رحت للراجحي والقى العالم زحمة ...

ضرب ومضارب سعوديين وهنود وبنغال وفلبينيين وسريلانكيين وافارقة سالت السكرتي عندكم يورو قال يمكن فيه ... صف بالسره , قلت له يرحم والديك رح اسأل المحاسب اذا فيه صفيت واذا ما فيه توكلت على الله ,

الله هداه وسأل وقال اوكي فيه .. صف بالسره ,

توكلت واتغلغص بين فلبيني وهندي واحد ملبق للثاني ما لك محط رجل وقدامي حول الثلاثين واحد ...

المهم يوم قرب دوري وقدامي باقي 6 افراد رفع اذان المغرب والسكرتي اصدر امر ان الجميع يطلع برا الى ما بعد الصلاة ...

قمت اتوسل بالسكرتي انا سعودي وراي زام ليل خلني اخلص ... ما نفع قال المحاسب قفل وراح للمسجد ...

اخذت منه وعد انه يحطني اول واحد بالسره بعد الصلاة ...

المكيف خربان وحر ورطوبة وكل واحد ملبق للثاني والريحة اعوذ بالله مثل كذا... قرف

http://www.qahtaan.com/works/up/get....muxz1367395871

المهم فتحوا بعد الصلاة ودفع ومدافع واصير رابع واحد ...
جاء السكرتي نفسه سحبني وحطني قدام واصدر الاوامر للمحاسب ان يمشيني اول واحد

قلت للمحاسب ابغى اشتري يورو ...
كم تبي ...
قلت الف وخمس ...
شيك قال ما فيه الا 900 قلت جبهم , عطاني اياهم كانها جايبهم من درام الزبالة ... وسخة ومعفسة
, قلت له يا اخي غيرهم محد ياخذهم بالشكل والمظهر هذا , قال انت بتاكلهم ... قلت له لا يا طويل العمر بس محد راح يقبلها مني , المهم نقيت الزينات طلعو 450 يورو واخذتهم ...

كل العمليه اعلاه اخذت ساعتين وربع

وهذي صور احسن الموجود عندهم

http://www.qahtaan.com/works/up/get....oruv1367395942

http://www.qahtaan.com/works/up/get....druy1367395942

:017::017::017::017::017::017::017::017::017::017: :017:

رجعت لليابان وقلت لام عصام كلمي البنك ابغى يورو ...

طبعا نحن في قرية والبنك حقنا صغير يخدم سكان القرية وحسابي وحساب المره عندهم لذلك يعرفونا جيدا ...

كلمتهم بالتلفون وقالوا كم تبون واي من الفئات وعدد كل فئة وغدا تكون عنكم نوصلها للبيت ...

وثاني يوم الساعة 10 الصبح جاء موظهم بالدباب للبيت جايب القروش جديدة بقراطيسها محد لامسها ومعها هدية قوطي كلينكس وفرشة ومعجون اسنان و علبة شامبو للسفر

http://www.qahtaan.com/works/up/get....bfot1367396012

http://www.qahtaan.com/works/up/get....mnuy1367396012