المساعد الشخصي الرقمي

مشاهدة النسخة كاملة : العلم والسيف


هتاش
04-02-2014, 06:35 PM
لله في خلقه شؤون وتصاريف=ما خِلْق شي.. الا لغايه عظيمه

حتى البلاوي.. والمحن.. والصواديف!!=ما فيه شيٍّ ما هو بذات قيمه

ما هو بلازم عبقريّة حواصيف=تحتاج عقليّه.. برؤيه سليمه

لكن لنا قدره ونحتاج تثقيف=وبكل دَقّه في الحياه اتعليمه

بعض القيَم تكليف.. ما هو بتشريف=لكن ملازمها بصبر وعزيمه

افرض!!.. يجيبون المشاكل ملاقيف!؟..=تطيح في روس الرجال الحكيمه

وبعض القيم تشريف.. ما هو بتكليف=ورثٍ قديمٍ عن جدودٍ كريمه

اكرام ضيف.. اشهار طيب ومعاريف=امن العوايد والسلوم القديمه

لا شك ما زلنا بحاجة عواريف=العلم.. منهل كل أمّه عظيمه

ولا شك نحتاج السيوف المداغيف=تقلط على القمّه بليّا عزيمه

نفخر بمجدٍ عانق العلم.. والسيف=والعلم دون السيف.. ما له حشيمه

تدرون ليه المجد غيّب ولا شيف!!..=المجد ما يدخل ديار الهزيمه!!

معليه لو ضعنا ببعض السواليف=لكن ضياع المجد والله جريمه..

مسعود القحطاني.
04-02-2014, 09:35 PM
صح الله لسانكك ي ذيبان

هتاش
05-02-2014, 03:10 PM
صح بدنك....

فارس ال شايب
05-02-2014, 05:46 PM
اذا اجتمع الشعر العذب بالحكمة والمعرفة
هنا لابد ان تأتي المنظومة الشعرية كمنظومة الشاعر هتاش
لله درك من شاعر ولله درك من كلمات
صح لسانك واعتلى شانك
ولاتحرمنا من جديدك

هتاش
06-02-2014, 04:03 AM
صح بدنك يا كحيلان ولبى والله روحك