تجربتي مع تحويل العملات ...

[ماجد الخليفي]

السلام عليكم

قبل فترة احتجت اصرف يورو فذهبت للبنك حقي في الشرقية قالوا والله ما عندنا بس لو تروح للمركز الرئيسي بالخبر ممكن تحصل ,

تركتهم رحت للبنك الامريكي قالوا اليوم ما جاتنا عملات يمكن بعد يومين مر يمكن يرسلون لنا ...

رحت للراجحي والقى العالم زحمة ...

ضرب ومضارب سعوديين وهنود وبنغال وفلبينيين وسريلانكيين وافارقة سالت السكرتي عندكم يورو قال يمكن فيه ... صف بالسره , قلت له يرحم والديك رح اسأل المحاسب اذا فيه صفيت واذا ما فيه توكلت على الله ,

الله هداه وسأل وقال اوكي فيه .. صف بالسره ,

توكلت واتغلغص بين فلبيني وهندي واحد ملبق للثاني ما لك محط رجل وقدامي حول الثلاثين واحد ...

المهم يوم قرب دوري وقدامي باقي 6 افراد رفع اذان المغرب والسكرتي اصدر امر ان الجميع يطلع برا الى ما بعد الصلاة ...

قمت اتوسل بالسكرتي انا سعودي وراي زام ليل خلني اخلص ... ما نفع قال المحاسب قفل وراح للمسجد ...

اخذت منه وعد انه يحطني اول واحد بالسره بعد الصلاة ...

المكيف خربان وحر ورطوبة وكل واحد ملبق للثاني والريحة اعوذ بالله مثل كذا... قرف

http://www.qahtaan.com/works/up/get.php?hash=24570lmuxz1367395871 (http://www.qahtaan.com/works/up)


المهم فتحوا بعد الصلاة ودفع ومدافع واصير رابع واحد ...
جاء السكرتي نفسه سحبني وحطني قدام واصدر الاوامر للمحاسب ان يمشيني اول واحد

قلت للمحاسب ابغى اشتري يورو ...
كم تبي ...
قلت الف وخمس ...
شيك قال ما فيه الا 900 قلت جبهم , عطاني اياهم كانها جايبهم من درام الزبالة ... وسخة ومعفسة
, قلت له يا اخي غيرهم محد ياخذهم بالشكل والمظهر هذا , قال انت بتاكلهم ... قلت له لا يا طويل العمر بس محد راح يقبلها مني , المهم نقيت الزينات طلعو 450 يورو واخذتهم ...

كل العمليه اعلاه اخذت ساعتين وربع

وهذي صور احسن الموجود عندهم

http://www.qahtaan.com/works/up/get.php?hash=340bdkoruv1367395942 (http://www.qahtaan.com/works/up)

http://www.qahtaan.com/works/up/get.php?hash=12390adruy1367395942 (http://www.qahtaan.com/works/up)

:017::017::017::017::017::017::017::017::017::017: :017:


رجعت لليابان وقلت لام عصام كلمي البنك ابغى يورو ...

طبعا نحن في قرية والبنك حقنا صغير يخدم سكان القرية وحسابي وحساب المره عندهم لذلك يعرفونا جيدا ...

كلمتهم بالتلفون وقالوا كم تبون واي من الفئات وعدد كل فئة وغدا تكون عنكم نوصلها للبيت ...

وثاني يوم الساعة 10 الصبح جاء موظهم بالدباب للبيت جايب القروش جديدة بقراطيسها محد لامسها ومعها هدية قوطي كلينكس وفرشة ومعجون اسنان و علبة شامبو للسفر


http://www.qahtaan.com/works/up/get.php?hash=23560abfot1367396012 (http://www.qahtaan.com/works/up)


http://www.qahtaan.com/works/up/get.php?hash=1236ilmnuy1367396012 (http://www.qahtaan.com/works/up)

[الضويري]

المفروض فيه شباك خاص للسعوديين لكن للاسف الاجنبي احسن منك

حتى لدرجة شفت حرمة صافه مع الهنود تبي ترسل فلوس لشغالتها

[فهد حمد الحبابي]

لله درهم يابو عصام

في بعض البلدان العربيه لاتزهم على الهندي الذي يعمل في البقاله يعطيك بخمسه ريال

خبز ماجاك لكن عندنا في قطر / بنك بروه اذا انت عميل يرسل عليك شخص يقوم بخدمتك

حسب طلبك / قرض / عملات / اي شي .

شكراً يابا عصام

[ماجد الخليفي]

المفروض فيه شباك خاص للسعوديين لكن للاسف الاجنبي احسن منك

حتى لدرجة شفت حرمة صافه مع الهنود تبي ترسل فلوس لشغالتها


صدقني يابو حزام كل اللي صافين بالسرة حق العملات يبون 100 دولار ورقة وحدة فقط....
يعني البنك لو يريح العملاء والموظفين بان يحط طاولة خاصة باللي يبغى 100 دولار اريح للجميع ... بس محد يفكر

[ماجد الخليفي]

لله درهم يابو عصام

عندنا في قطر / بنك بروه اذا انت عميل يرسل عليك شخص يقوم بخدمتك

حسب طلبك / قرض / عملات / اي شي .

شكراً يابا عصام


هلا بك يابو حمد

نعم كذا الخدمة ... اصلا البنك هو الكسبان يكسب سمعة ويكسب زباين

[عبدالله آل عباد]

أي مطار دولي بالعالم تجد فيه عشرات الصرافين وبكل مكان

في صالة الرياض الدولية موجود كشك واحد للراجحي

وأغلب العملات غير موجودة والعملات الرئيسية بالغالب تكون مخلصة

ليش الراجحي محتكر الصالة الدولية بمطار الملك خالد

وليش مايقدم خدمة صح

[ماجد الخليفي]

أي مطار دولي بالعالم تجد فيه عشرات الصرافين وبكل مكان

في صالة الرياض الدولية موجود كشك واحد للراجحي

وأغلب العملات غير موجودة والعملات الرئيسية بالغالب تكون مخلصة

ليش الراجحي محتكر الصالة الدولية بمطار الملك خالد

وليش مايقدم خدمة صح


هذي المشكلة يا بو جابر

خدمات زفت

[الضويري]

صدقني يابو حزام كل اللي صافين بالسرة حق العملات يبون 100 دولار ورقة وحدة فقط....
يعني البنك لو يريح العملاء والموظفين بان يحط طاولة خاصة باللي يبغى 100 دولار اريح للجميع ... بس محد يفكر

انا اصلا ما امسك سرى

على طول الشباك بس حمر العين

[الضويري]

أي مطار دولي بالعالم تجد فيه عشرات الصرافين وبكل مكان

في صالة الرياض الدولية موجود كشك واحد للراجحي

وأغلب العملات غير موجودة والعملات الرئيسية بالغالب تكون مخلصة

ليش الراجحي محتكر الصالة الدولية بمطار الملك خالد

وليش مايقدم خدمة صح

الراجحي محتكر السعودية كلها

فهوا الوحيد المسموح له يتاجر بالعملات من الخارج الى الداخل

وهوا المورد لباقي البنوك والصرافين

[ماجد الخليفي]

انا اصلا ما امسك سرى

على طول الشباك بس حمر العين


شكلك من المتميزين ....

كم ارنب حاط عندهم ... :110103_po

[ال جمل]

كل مكان فيه حوسه ومشاكل واكثر البنوك مافيها اي تنظيم
بس مافيه فرق بين السعودي والهندي كلهم من تراب والفضل بالتقوى
بعدين مفروض مايقدمونك على اللي كانو واقفين قبلك
مير اللله يصلحح الحال

[ماجد الخليفي]

بعدين مفروض مايقدمونك على اللي كانو واقفين قبلك
مير اللله يصلحح الحال


الواسطة وان اخوك

[آل معمر]

عندنا الخدمة بالبنوك زفت

شف الفرق بيننا وبين البنك عندكم يابو عصام

عندنا تصدق لازم واسطة بالبنك إذا تبغى بطاقة صراف أو شي

مع إنهم هم المستفيدين من تواجدي بالبنك

وللأسف كل البنوك كذا

الله يصلح الحال