الذيب ما يأكل بنابه إذراعه .... للشاعر عيد القرقاح

[أبو معتز]

بسم الله الرحمن الرحيم
السلام عليكم ورحمة الله بركاته
كما وعدناكم في خبر سابق بعدما اوعدنا الشاعر الكبير عيد محمد القرقاح بنشر قصائده , اليكم هذه القصيده والتي خصنا بها
شاعرنا ,

الذيب ما يأكل بنابه إذراعه

قبل ابتدي بالقاف واصخر مثايله = ابدا بذكر اللي علينا فضايله
الواحد الفرد الصمد خير والي = محيي الديار المسنيه من مخايله
من بعد ذا عبرت معنى قصيدتي = في وقتي اللي جار واقفت رحايله
وقت(ن) تحداني ودنيا عنيده = مالت لياليها والايام مايله
دنيا وقفت لها بشتا الوسايل = والوقت حلحلني وانا كنت احايله
واصبحت في حالاً يشمت بي العدا =والقلب كنه فوق حامي ملايله
مما جرالي قل حالي وحيلتي = مابين غار ونار والحمل شايله
ماكنه الا طويق واجى وسلمى = واثقل من العارض ومنحت مسايله
ان صحت بلوى وان سكت البلاوي = احتار فكري في الزمان وفعايله
جا كسرها من جبرها ذي مصيبتي = قول المثل صحى الله لسان قايله
الذيب مايكل بنابه اذراعه = صحيح هذي خصلة من خصايله
قلته وانا ما اقول همي من العدا = يمناي بأمر الله على اعداي طايله
ولا اشتكي عن نقص مالي وثروتي = المال يا اهل العرف ما اشكي قلايله
المال قله مايرد النشاما =مايرد راعى المرجله عن جمايله
ولاخير في من لا يسد النوايب = ولاخير في من لا فعوله دلايله
ولاخير في رجل رضى بالمهونه = عليه والا في حد(ن) من قبايله
ولاخير في من لادمح لأبن عمه = زلاته اليا جات لو هي مهايله
ولاخير في من لا براسه شجاعه = في ساعة(ن) الشر ولع فتايله
ولاخير في من لايدوس المخاطر = الارزاق قالو بعطف الشر هايله
الموت واحد والمنايا عديدة = ولابد من يوم تصيدك حبايله
ولاخير في رجل(ن) ليا شاف ضيفه = ماقام وليا قام قدم هزايله
ولاخير في رجل(ن) شكى منه جاره = الجار عزه لاتبين خمايله
ولاخير في رجل(ن) خذا الكذب عاده = لو طال وقت الكذب بانت فشايله
ولا خير في من ود من صد واقفا = من صد عنك فصد لا لا تخايله
ودواء الجفا الابعاد لابين الجفا = في دار فرحل عنه تلقا بدايله
واعرف ترى فجوج النشاما وسيعه = سج القدم والحظ تجني حصايله
وصلاة ربي عد من حج واعتمر = على النبي اعداد منشأت مخايله

[محمدبن بدر الشواطي]

صح السانه ولاهنت على القصيدة الرائعه
تحياتي لك

[أبو معتز]

صح السانه ولاهنت على القصيدة الرائعه
تحياتي لك




شكرا على المرور يا محمد بارك الله فيك ’ تحياتي لك

[فلاح آل راكان]

ارحب يا بو معتز وحيه وحي ما جاب ..

صح الله السانك و السان عيد بن محمد مدد بلا عدد ..

وبيض الله وجهك يا القرم ..

وجهة نظر :: يستحسن نقل قصايد الشاعر عيد بن محمد في ( مجلس عذب الكلام ) بكون مكانه افضل من هنا ..

واكيد الخيار لك يا الذيب ..

تقبل مروري نفداك ..

[مشاري بن نملان الحبابي]

أرحب يا بو معتز ..

وبيّض الله وجهك يا الغالي ..

وصح الله لسان الشاعر عيد القرقاح ..

وليس غريب عليه الجزالة ..

فهو من أسرة أصبح عندهم الشعر متوارثاً ..

لاهنت على الطرح الرائع ..

[ابو سلطان العبيدي]

ارررررررررررحب يبو معتز

بيض الله وجهك

وصح الله لسانك ولسااااان ابومحمد

وابو محمد يعجز التعبير عنه

تقبل مرور اخوك

[سعيد الجهيمي]

ارررررررحب يا ابو معتز


وصح الله السان الشاعر عيد القرقاح

وسلمت يمناك من العطب على ذا النقل الوافي

وآل ريفه كلهم وافين وشعار وينومسون قحطان


وبعد اذنك يا الفهري ابأنقل القصيده لمجلس عذب الكلام حتى يصبح الشاعر عيد عضو معنا
وبعدها يتم نقلها لمجلس الشعر المختص بشعراء قحطان .......

ولا هنت يا ابو معتز جعل عمرك مديد

ولا تحرمنا من سمانك انت وابن ريفه يا القرم

[بندر الضيغمي العبيدي]

أنا اشهد انه شاعر صح لسانك ولسانه يبو معتز لاهنت,,,,,,,,,,,

[..العبيدي..]

بيض الله وجهك يابومعتز وقصيده جزله من راعيها....

[أبو معتز]

ارحب يا بو معتز وحيه وحي ما جاب ..

صح الله السانك و السان عيد بن محمد مدد بلا عدد ..

وبيض الله وجهك يا القرم ..

وجهة نظر :: يستحسن نقل قصايد الشاعر عيد بن محمد في ( مجلس عذب الكلام ) بكون مكانه افضل من هنا ..

واكيد الخيار لك يا الذيب ..

تقبل مروري نفداك ..



مرحب يبقا ويدوم يا فلاح و وجهك ابيض وابو محمد كريم ولا بخل على منتدى ربعه بقصيده من قصائده المميزه والجزله


الله يبيض وجهك و وجه شاعرنا عيد القرقاح , ولك مني الود والتقدير

[سعد الشواطي]

ارحب يابو معتز ..

صح لسان الشاعر عيد ..

ولاهنت على النقل الاكثر من رائع جعل عمرك طويل

[أبو معتز]

أرحب يا بو معتز ..

وبيّض الله وجهك يا الغالي ..

وصح الله لسان الشاعر عيد القرقاح ..

وليس غريب عليه الجزالة ..

فهو من أسرة أصبح عندهم الشعر متوارثاً ..

لاهنت على الطرح الرائع ..


ارحب يا مشاري و وجهك ابيض ويستاهل القرقاح ما قلت وصدقت يا مشاري القراقحه اسرة أدب وشعر وفراسه

بارك الله فيك ومشكور على المرور المشرف

[ناصر.الخبر]

لاخير في رجل(ن) ليا شاف ضيفه
ماقـام وليـا قـام قـدم هزايـلـه
ولاخير في رجل(ن) شكى منه جاره
الجـار عـزه لاتبـيـن خمايـلـه
ولاخير في رجل(ن) خذا الكذب عاده
لو طال وقت الكذب بانـت فشايلـه
ولا خير في من ود من صد واقفـا
من صد عنـك فصـد لا لا تخايلـه
ودواء الجفا الابعـاد لابيـن الجفـا
في دار فرحل عنـه تلقـا بدايلـه
واعرف ترى فجوج النشاما وسيعه
سج القدم والحظ تجنـي حصايلـه
وصلاة ربي عد من حـج واعتمـر
على النبي اعداد منشـأت مخايلـه



صح للسسسانك وللسسسانه بارك الله فيك

[أبو معتز]

ارررررررررررحب يبو معتز

بيض الله وجهك

وصح الله لسانك ولسااااان ابومحمد

وابو محمد يعجز التعبير عنه

تقبل مرور اخوك


ارحب يا ابو سلطان يا النادر وشكرا على مرورك المشرف يالذيب وابو محمد كفو وقصيده كفو

وما قصر خص منتدى بني عمه بقصيده و هي اول الغيث ان شاء الله , تحياتي لك

[أبو معتز]

ارررررررحب يا ابو معتز


وصح الله السان الشاعر عيد القرقاح

وسلمت يمناك من العطب على ذا النقل الوافي

وآل ريفه كلهم وافين وشعار وينومسون قحطان


وبعد اذنك يا الفهري ابأنقل القصيده لمجلس عذب الكلام حتى يصبح الشاعر عيد عضو معنا
وبعدها يتم نقلها لمجلس الشعر المختص بشعراء قحطان .......

ولا هنت يا ابو معتز جعل عمرك مديد

ولا تحرمنا من سمانك انت وابن ريفه يا القرم


مرحب يبقا ويدوم يااخوي سعيد وجعلك تسلم مرورك شرف لنا بارك الله فيك وانا ادري ان مجلس عذب الكلام

للقصايد المنقوله لكن حبيت ان تكون عن طريق مجلس اخبار الشعر والشعراء لأن الشاعر عيد معروف وهذه الرائعه

تعتبر من الاخبار الطيبه من الشعراء وتسلم يا ابو حسن , لك مني كل الود والتقدير

[أبو معتز]

أنا اشهد انه شاعر صح لسانك ولسانه يبو معتز لاهنت,,,,,,,,,,,



تسلم يا بندر وصح بدنك ويستاهل الشاعر عيد , تحياتي

[أبو معتز]

بيض الله وجهك يابومعتز وقصيده جزله من راعيها....




و وجهك ابيض يا العبيدي لاهنت على المرور المشرف

[أبو معتز]

لاخير في رجل(ن) ليا شاف ضيفه
ماقـام وليـا قـام قـدم هزايـلـه
ولاخير في رجل(ن) شكى منه جاره
الجـار عـزه لاتبـيـن خمايـلـه
ولاخير في رجل(ن) خذا الكذب عاده
لو طال وقت الكذب بانـت فشايلـه
ولا خير في من ود من صد واقفـا
من صد عنـك فصـد لا لا تخايلـه
ودواء الجفا الابعـاد لابيـن الجفـا
في دار فرحل عنـه تلقـا بدايلـه
واعرف ترى فجوج النشاما وسيعه
سج القدم والحظ تجنـي حصايلـه
وصلاة ربي عد من حـج واعتمـر
على النبي اعداد منشـأت مخايلـه



صح للسسسانك وللسسسانه بارك الله فيك

0066FF

[أبو معتز]

شكرا لكل من مر هنا , تحياتي للجميع

[أبو معتز]

سعد الشواطي شكرا لمرورك العذب يالذرب

تحياتي لك

[أبو معتز]

شكرا للجميع على المرور بارك الله فيكم

[محمدبن عبيان الفهري]

ارررررررررحب ياابو معتز


الف الف الف شكر على المجهود الرائع وصح اللسان ابو محمد على الجزاله الشامخه في سماء الشعرررررررر


لك اجزززززززززززززززل التحايا

[أبو معتز]

ارررررررررحب ياابو معتز


الف الف الف شكر على المجهود الرائع وصح اللسان ابو محمد على الجزاله الشامخه في سماء الشعرررررررر


لك اجزززززززززززززززل التحايا


تسلم يا محمد بن عبيان وشكرا على المرور بالنيابه عن الشاعر عيد القرقاح اقول صح بدنك

تحياتي

[أبو معتز]

شكراُ لكل من مر وشرفنا مروره